തിരുവനന്തപുരം: കേരളത്തിൽ ഇന്നും നാളെയും ഇടിമിന്നലോട് കൂടിയ മഴയ്‌ക്ക് സാധ്യതയെന്ന് കാലാവസ്ഥാ നിരീക്ഷണ വകുപ്പ്. സംസ്ഥാനത്ത് ഇന്ന് യെല്ലോ അലർട്ട് പ്രഖ്യാപിച്ചിട്ടുണ്ട്. ബംഗാൾ ഉൾക്കടലിൽ രൂപപ്പെട്ട ന്യൂനമർദമാണ് പരക്കെയുള്ള മഴയ്‌ക്ക് കാരണമായത്. തെക്കൻ ബംഗാൾ ഉൾക്കടലിന് മുകളിലാണ് ന്യൂനമർദ്ദം രൂപപ്പെട്ടതെന്നും ഐഎംഡി വ്യക്തമാക്കുന്നു. അതേസമയം ലക്ഷദ്വീപിൽ ഇന്ന് (7 ഏപ്രിൽ 2025) യെല്ലോ അലർട്ട് പ്രഖ്യാപിച്ചിട്ടുണ്ട്.
07/04/2025 ജില്ലകള്‍ തിരിച്ചുള്ള കാലാവസ്ഥ നിരീക്ഷണ വകുപ്പിൻ്റെ മുന്നറിയിപ്പ് ഇപ്രകാരമാണ്:
തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, പാലക്കാട്, മലപ്പുറം, കോഴിക്കോട്, കണ്ണൂർ, വയനാട്, കാസർകോട് ജില്ലകളിൽ ഇടിമിന്നലിനും ശക്തമായ കാറ്റിനും സാധ്യതയുണ്ട്. ഇടുക്കി, എറണാകുളം, തൃശൂർ ജില്ലകളിൽ ശക്തമായ മഴയ്‌ക്ക് സാധ്യതയുണ്ട്.
08/04/2025 ജില്ലകള്‍ തിരിച്ചുള്ള കാലാവസ്ഥ നിരീക്ഷണ വകുപ്പിൻ്റെ മുന്നറിയിപ്പ് ഇപ്രകാരമാണ്:
കൊല്ലം ഒഴികെയുള്ള എല്ലാ ജില്ലകളിലും ഇടിമിന്നലിനും ശക്തമായ കാറ്റിനും സാധ്യതയുണ്ടെന്ന് കാലാവസ്ഥാ നിരീക്ഷണ വകുപ്പ് മുന്നറിയിപ്പ് നൽകുന്നു. കൊല്ലം ജില്ലയിൽ ഇടിമിന്നലിനും ശക്തമായ കാറ്റിനും ശക്തമായ മഴയ്‌ക്കും സാധ്യതയുണ്ട്.
