കൊല്ലം: വാട്‌സ്‌ആപ്പ് വഴി പണം ആവശ്യപ്പെട്ട് ജില്ലാ കലക്‌ടര്‍ എൻ. ദേവീദാസിന്‍റെ പേരില്‍ വ്യാജ സന്ദേശം. പള്ളിമൺ വില്ലേജ് ഓഫിസർക്കാണ് സന്ദേശം ലഭിച്ചത്. അടിയന്തര മീറ്റിങ്ങിൽ പങ്കെടുക്കുന്നത് കൊണ്ട് ഫോൺ മറ്റ് ആവശ്യങ്ങൾക്ക് ഉപയോഗിക്കാൻ കഴിയില്ലെന്നും അടിയന്തരമായി പണം ട്രാൻസ്‌ഫര്‍ ചെയ്‌ത് നൽകണം എന്നും ആവശ്യപ്പെട്ടായിരുന്നു സന്ദേശം.
ജില്ലാ കലക്‌ടറുടെ പേരില്‍ തട്ടിപ്പ് (ETV Bharat)
ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാന്‍ ഈ ലിങ്കില്‍ ക്ലിക്ക് ചെയ്യുക
വിവരം അറിഞ്ഞ ജില്ലാ കലക്‌ടർ സിറ്റി പൊലിസ് കമ്മിഷണറെ അറിയിച്ചു. പൊലീസ് സംഭവം അന്വേഷിച്ച് തുടർനടപടികൾ സ്വീകരിച്ചു വരികയാണ്. സൈബർ കുറ്റവാളികൾ സജീവമാണെന്നും എല്ലാ വിഭാഗം ജനങ്ങളും തട്ടിപ്പിന് ഇരയാകാതെ ജാഗ്രത പാലിക്കണമെന്നും ജില്ലാ കലക്‌ടർ മുന്നറിയിപ്പ് നൽകി.
