യുവേഫ ചാമ്പ്യൻസ് ലീഗ് ക്വാർട്ടർ ഫൈനലിന്‍റെ ആദ്യ പാദത്തിൽ പിഎസ്ജി (പാരീസ് സെന്‍റ് ജെർമെയ്ൻ) ആസ്റ്റൺ വില്ലയെ 3-1 ന് തോല്‍പ്പിച്ചു. തുടക്കം മുതൽ തന്നെ കളിയുടെ നിയന്ത്രണം പിഎസ്ജി ഏറ്റെടുത്തെങ്കിലും 35-ാം മിനിറ്റില്‍ മോർഗൻ റോജേഴ്‌സ് വില്ലയ്ക്ക് അപ്രതീക്ഷിത ലീഡ് നല്‍കി ടീമിനെ മുന്നിലെത്തിച്ചു. എന്നാല്‍ പിഎസ്ജി പെട്ടെന്ന് തിരിച്ചടിച്ചു. കേളിംഗ് ഷോട്ടില്‍ ഡിസയർ ഡൗയിലൂടെയാണ് സമനില പിടിച്ചത്.
ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാന്‍ ഈ ലിങ്കില്‍ ക്ലിക്ക് ചെയ്യുക
രണ്ടാം പകുതി ആരംഭിച്ചതിന് തൊട്ടുപിന്നാലെ ഖ്വിച്ച ക്വാററ്റ്‌സ്‌ഖേലിയ പിഎസ്ജിയെ മുന്നിലെത്തിച്ചു. പിഎസ്ജിയുടെ നിരന്തര ആക്രമണത്തെ തടയാൻ വില്ല പാടുപെടുന്നതിനിടയിൽ, അവസാന ഗോളിലൂടെ നുനോ മെൻഡെസ് ടീമിന്‍റെ വിജയം ഉറപ്പിക്കുകയായിരുന്നു.
The first round is ours! 🔴🔵
— Paris Saint-Germain (@PSG_English) April 9, 2025
🔜 See you next Tuesday at Villa Park! 👊
THIS IS PARIS!!!#PSGAVFC 3-1 | @ChampionsLeague pic.twitter.com/fOcley9Blr
വില്ലയുടെ എമിലിയാനോ മാർട്ടിനെസ് നിർണായകമായ സേവുകൾ നടത്തിയിരുന്നു. ഔസ്മാൻ ഡെംബെലെയുടെ ശക്തമായ സ്ട്രൈക്ക് മാർട്ടിനെസ് തട്ടിമാറ്റി, വിറ്റിൻഹയുടെ കേളിംഗ് ശ്രമത്തിലൂടെ ലക്ഷ്യം കഷ്ടിച്ചാണ് നഷ്ടപ്പെട്ടത്. മാർക്കസ് റാഷ്ഫോർഡ് യൂറി ടൈൽമാൻസിന് വഴിയൊരുക്കിയപ്പോൾ വില്ലയുടെ ഗോൾ കളിയുടെ ഗതിക്ക് എതിരായി വന്നു. ഫാർ പോസ്റ്റിൽ മോർഗൻ റോജേഴ്‌സ് യൂറി ടൈൽമാൻസിന്‍റെ ക്രോസ് ഗോളാക്കി മാറ്റുകയായിരുന്നു. പിന്നിലായെങ്കിലും പി.എസ്.ജി. സംയമനം പാലിച്ചു. ഡൗവിന്‍റെ ആദ്യ ശ്രമം പോസ്റ്റിൽ തട്ടിയെങ്കിലും നിമിഷങ്ങൾക്കുള്ളിൽ ക്രോസ്ബാറിൽ നിന്ന് ഒരു അതിശയകരമായ ഷോട്ടിലൂടെ താരം ഗോൾ നേടുകയായിരുന്നു.
രണ്ടാം പകുതിയുടെ തുടക്കത്തിൽ ആക്സൽ ഡിസാസിയെ മറികടന്ന് ഒരു ഇടുങ്ങിയ ആംഗിളിൽ നിന്ന് ഗോൾ നേടിയാണ് ക്വാററ്റ്‌സ്‌ഖേലിയ പിഎസ്ജിയുടെ ലീഡ് വര്‍ധിപ്പിച്ചത്. മൂന്നാം ഗോൾ തേടിയെത്തിയ പിഎസ്ജിയെ നിയന്ത്രിക്കാൻ വില്ല പാടുപെട്ടു. ഡെംബെലെയുടെ പാസ് മുതലെടുത്ത് തുറന്ന വലയിലേക്ക് ഫിനിഷ് ചെയ്തുകൊണ്ട് മെൻഡിസ് സ്റ്റോപ്പേജ് സമയത്ത് നിർണായക ഗോൾ നേടി പിഎസ്ജിയുടെ ജയം ഉറപ്പിക്കുകയായിരുന്നു.
🍿🍿🍿#UCL pic.twitter.com/uT2NEX0nnf
— UEFA Champions League (@ChampionsLeague) April 9, 2025
രണ്ടാം പകുതിയിൽ ഭൂരിഭാഗവും വില്ല പ്രതിരോധത്തിൽ മുഴുകി, അടുത്ത ആഴ്ചയിലെ രണ്ടാം പാദത്തിന് മുമ്പ് പിഎസ്ജിയെ 2-1 എന്ന ലീഡിലേക്ക് പരിമിതപ്പെടുത്തുക എന്ന ലക്ഷ്യമാണ് അവര്‍ക്കുള്ളത്. മത്സരത്തില്‍ പകുതി സമയമാകുമ്പോഴേക്കും പിഎസ്ജി 15 ഷോട്ടുകൾ പായിച്ചിരുന്നു.
