ചെന്നൈ: ഐ‌പി‌എല്ലില്‍ ഇതുവരെ 5 തവണ കിരീടം നേടിയ ടീമാണ് ചെന്നൈ സൂപ്പര്‍ കിങ്‌സ്. എന്നാല്‍ ഇത്തവണ ടൂർണമെന്‍റിൽ ഇതുവരെ കളിച്ച 6 മത്സരങ്ങളിൽ 5 എണ്ണത്തിലും ടീം ദയനീയമായി തോറ്റു. ഒരു മത്സരം മാത്രമേ ജയിക്കാന്‍ കഴിഞ്ഞുള്ളു.
പോയിന്‍റ് പട്ടികയിൽ നിലവില്‍ ഒമ്പതാം സ്ഥാനത്തെത്തിയ ടീമിന് പ്ലേ ഓഫിൽ പ്രവേശിക്കാനുള്ള സാധ്യത വളരെ കുറവാണ്. ഐപിഎൽ ചരിത്രത്തിൽ ഇതാദ്യമായാണ് ചെന്നൈ ഒരു സീസണിൽ തുടർച്ചയായി 5 മത്സരങ്ങൾ തോൽക്കുന്നത്. കൂടാതെ, ആദ്യമായാണ് സ്വന്തം മൈതാനത്ത് തുടർച്ചയായി മൂന്ന് തോൽവികളും നേരിടുന്നത്.
ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാന്‍ ഈ ലിങ്കില്‍ ക്ലിക്ക് ചെയ്യുക
രണ്ട് പോയിന്‍റും 1.554 നെറ്റ് റൺ റേറ്റുമായി സിഎസ്‌കെ ഒമ്പതാം സ്ഥാനത്താണ്. മോശം പ്രകടനം കാഴ്ചവച്ചിട്ടും, പ്ലേ ഓഫിലേക്ക് യോഗ്യത നേടാനുള്ള മത്സരത്തിൽ നിന്ന് ടീം ഇപ്പോഴും പുറത്തായിട്ടില്ല. പക്ഷേ ടീം സ്ഥിരമായി ജയിക്കേണ്ടതുണ്ട്. സി‌എസ്‌കെയ്ക്ക് ഇനി 8 മത്സരങ്ങൾ ബാക്കിയുണ്ട്. എട്ടെണ്ണത്തില്‍ 7 മത്സരം ജയിച്ചാൽ 16 പോയിന്‍റുകൾ ലഭിക്കും. സാധാരണയായി, ടീമുകൾക്ക് 16 പോയിന്‍റുകൾ മതിയാകും. ഇത് ഫ്രാഞ്ചൈസിക്ക് പ്രതീക്ഷയുടെ ഒരു കിരണം നൽകും. ശേഷിക്കുന്ന എല്ലാ മത്സരങ്ങളും ജയിക്കുകയും 18 പോയിന്‍റുകൾ നേടുകയും ചെയ്‌താല്‍ ടീമിന് പ്ലേഓഫിലേക്ക് യോഗ്യത ലഭിക്കും.
2015-ൽ മുംബൈ ഇന്ത്യൻസ് കിരീടം നേടിയപ്പോൾ മാത്രമാണ് ഐപിഎൽ ചരിത്രത്തിൽ ആദ്യ 6 മത്സരങ്ങളിൽ 5 എണ്ണത്തിലും തോറ്റ ശേഷം ഒരു ടീം കിരീടം നേടിയത്. പിന്നീട് ടൂർണമെന്‍റിൽ മുംബൈ തിരിച്ചുവരവ് നടത്തുകയായിരുന്നു. ശേഷിക്കുന്ന 8 മത്സരങ്ങളിൽ 7 എണ്ണത്തിലും അവര്‍ വിജയിക്കുകയുണ്ടായി.
Game set and done in a thumping style ✅@KKRiders with a 𝙆𝙣𝙞𝙜𝙝𝙩 to remember as they secure a comprehensive 8️⃣-wicket victory 💜
— IndianPremierLeague (@IPL) April 11, 2025
Scorecard ▶ https://t.co/gPLIYGiUFV#TATAIPL | #CSKvKKR pic.twitter.com/dADGcgITPW
കഴിഞ്ഞ ദിവസം നടന്ന മത്സരത്തില്‍ ചെന്നൈയെ അവരുടെ സ്വന്തം ഗ്രൗണ്ടിൽ പരാജയപ്പെടുത്തി കൊൽക്കത്ത അനായാസ ജയം നേടി. ചെന്നൈയെ 103 റൺസിൽ ഒതുക്കുകയായിരുന്നു. തുടർന്ന് 10.1 ഓവറിൽ രണ്ട് വിക്കറ്റ് നഷ്ടത്തിൽ ടീം ലക്ഷ്യം കൈവരിച്ചു. കെകെആറിനായി സുനിൽ നരൈൻ 44 റൺസും മൂന്ന് വിക്കറ്റും വീഴ്ത്തി.
