വാഷിങ്ടൺ: ലോസ് ഏഞ്ചൽസിനെ കുടിയേറ്റക്കാരുടെ ആക്രമണത്തിൽ നിന്ന് മോചിപ്പിക്കാനും കുടിയേറ്റ കലാപങ്ങൾ അവസാനിപ്പിക്കാനും ശക്തമായ നടപടികളുമായി യുഎസ് പ്രസിഡൻ്റ് ഡൊണാൾഡ് ട്രംപ്. ഹോംലാൻഡ് സെക്യൂരിറ്റി സെക്രട്ടറി ക്രിസ്റ്റി നോയിം, പ്രതിരോധ സെക്രട്ടറി പീറ്റ് ഹെഗ്സെത്ത്, അറ്റോർണി ജനറൽ പാം ബോണ്ടി എന്നിവർക്കാണ് ഇതു സംബന്ധിച്ച് നിർദേശം നൽകി.
കഴിഞ്ഞ ദിവസം യുഎസ് ഇമിഗ്രേഷൻ ആൻഡ് കസ്റ്റംസ് എൻഫോഴ്സ്മെൻ്റ് (ഐസിഇ) ഏജൻ്റുമാർ നഗരത്തിലുടനീളം റെയ്ഡുകൾ നടത്തിയിരുന്നു. രേഖകളില്ലാത്ത നിരവധി കുടിയേറ്റക്കാരെ അറസ്റ്റ് ചെയ്തതോടെ പ്രതിഷേധങ്ങൾ പൊട്ടിപ്പുറപ്പെട്ടു. സുരക്ഷ ഉദ്യോഗസ്ഥരുമായുള്ള ഏറ്റുമുട്ടലിലാണ് ഈ പ്രതിഷേധങ്ങൾ കലാശിച്ചത്. പ്രദേശത്ത് ക്രമസമാധാനം പുനഃസ്ഥാപിക്കാൻ ട്രംപ് 2,000 നാഷണൽ ഗാർഡ് സൈനികരെ അയച്ചിരുന്നു.
"ഒരുകാലത്ത് മഹത്തായ അമേരിക്കൻ നഗരമായിരുന്ന ലോസ് ഏഞ്ചൽസ് നിയമവിരുദ്ധരായ കുറ്റവാളികൾ ആക്രമിച്ച് കൈവശപ്പെടുത്തിയിരിക്കുന്നു. ഇപ്പോൾ അക്രമാസക്തരായ കലാപകാരികളായ ജനക്കൂട്ടം നമ്മുടെ നാടുകടത്തൽ പ്രവർത്തനങ്ങൾ തടയാൻ ശ്രമിക്കുന്നതിനായി നമ്മുടെ ഫെഡറൽ ഏജൻ്റുമാരെയും നിയമപാലകരെയും ആക്രമിക്കുകയും ചെയ്യുന്നു. എന്നാൽ ഈ നിയമവിരുദ്ധ കലാപങ്ങൾ എത്രയും വേഗം അവസാനിപ്പിക്കേണ്ടതാണ്. ഇതിലൂടെ ലോസ് ഏഞ്ചൽസിൻ്റെ ക്രമസമാധാനം പുനഃസ്ഥാപിക്കപ്പെടുകയും ചെയ്യേണ്ടതാണ്," ട്രംപ് പറഞ്ഞു.
ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാന്‍ ഈ ലിങ്കില്‍ ക്ലിക്ക് ചെയ്യുക
ട്രംപിൻ്റെ പ്രസ്താവനക്ക് മുൻപ് ലോസ് ഏഞ്ചൽസ് മേയർ കാരെൻ ബാസ്, നാഷണൽ ഗാർഡ് സൈനികരുടെ പ്രതിഷേധങ്ങൾ കൈകാര്യം ചെയ്യാനുള്ള കഴിവ് പ്രകടിപ്പിച്ചിരുന്നുവെന്ന് സിഎൻഎൻ റിപ്പോർട്ട് ചെയ്തിരുന്നു. എന്നാൽ "മേയർ കാരെൻ ബാസിന് അവരുടെ ജോലികൾ ചെയ്യാൻ കഴിയില്ലെങ്കിൽ ഫെഡറൽ ഗവൺമെൻ്റിന് ഇടപെടേണ്ടി വരും" എന്ന ട്രംപിന്റെ പ്രസ്താവനക്ക് മറുപടിയായി ബാസ് തിരിച്ചടിച്ചു. "ഇതിനോട് ഞാൻ തീർച്ചയായും വിയോജിക്കുകയാണ്. ഇവിടെ സംഭവിച്ച കുടിയേറ്റ പ്രശ്നങ്ങൾ കൈകാര്യം ചെയ്യാൻ ഞങ്ങൾക്ക് കഴിയുമെന്ന് ഞാൻ കരുതുന്നു." ട്രംപിൻ്റെ പൊലീസ് ഡിപ്പാർട്ട്മെൻ്റും മറ്റ് നിയമ നിർവഹണ ഏജൻസികളും ലോസ് ഏഞ്ചൽസിലെ കാര്യങ്ങൾ ശരിയായ രീതിയിൽ കൈകാര്യം ചെയ്യുമെന്ന് എനിക്ക് ഒരു ഉറപ്പുമില്ല എന്നും അദ്ദേഹം കൂട്ടിച്ചേർത്തു.
നഗരത്തിലെ മൂന്ന് സ്ഥലങ്ങളിൽ ഏകദേശം 300 സൈനികർ എത്തിയിട്ടുണ്ടെന്ന് മേയർ എബിസി7ന് നൽകിയ പ്രസ്താവനയിൽ പറയുന്നുണ്ട്. ഡെമോക്രാറ്റിക് മേയറോ ഡെമോക്രാറ്റിക് ഗവർണർ ഗാവിൻ ന്യൂസോമോ പ്രതിഷേധങ്ങൾ സ്വയം തടയാൻ കഴിവില്ലാത്തതിനാൽ താൻ ഇടപെടാൻ നിർബന്ധിതനായെന്ന ട്രംപിൻ്റെ വാദത്തിന് മറുപടി നൽകാനും ഡെമോക്രാറ്റിക് മേയറോട് ആവശ്യപ്പെട്ടു.
അതേസമയം കാലിഫോർണിയ ഗവർണർ ഗാവിൻ ന്യൂസോം ഫെഡറൽ പ്രതികരണത്തെ വിമർശിച്ചു. ട്രംപിൻ്റെ പ്രവർത്തനങ്ങൾ പൊതുജനവിശ്വാസം ഇല്ലാതാക്കുമെന്ന് മുന്നറിയിപ്പ് നൽകുകയും ചെയ്തു. അമേരിക്കയുടെ സമ്പദ്‌വ്യവസ്ഥയെ ശക്തിപ്പെടുത്തുന്ന തൊഴിലാളികളെയും വ്യവസായങ്ങളെയും ദുർബലപ്പെടുത്തുകയാണെന്നും ഗാവിൻ ന്യൂസോം കൂട്ടിച്ചേർത്തു.
Also Read: ലോസ് ഏഞ്ചൽസില്‍ വീണ്ടും ഏറ്റുമുട്ടല്‍; ഫെഡറല്‍ ഗവണ്‍മെന്‍റ്‌ ഇടപെടുമെന്ന് ട്രംപിന്റെ മുന്നറിയിപ്പ്
