VIDEO : बोरिवली पोलिसांनी चोराकडून बॅग आणि 2 लॅपटॉप केले जप्त

मुंबई - लोकल ट्रेनने दररोज हजारो लाखो लोक प्रवास करतात. परंतु लोकल ट्रेनमध्येच अनेक गुन्हेही घडतात. नुकतेच बोरिवली GRP पोलिसांनी केलेल्या कारवाईत एका चोराकडून बॅग आणि 2 लॅपटॉप जप्त केले आहेत. नालासोपारा येथील रहिवासी आशुतोष दयाशंकर तिवारी यांनी 11 नोव्हेंबर रोजी दहिसर पोलीस ठाण्यात तक्रार दाखल केली. नालासोपारा ते अंधेरी या लोकल ट्रेनमधून प्रवास करत असताना कोणीतरी त्यांची बॅग चोरली. त्यात लॅपटॉप आणि काही वस्तू होत्या. पोलिसांनी सीसीटीव्हीच्या आधारे व्यक्तीची ओळख पटवून त्याला ताब्यात घेतले आणि चौकशी सुरू केली. आरोपीने आपल्या गुन्ह्याची कबुली दिली. मोहम्मद अस्लम महंमद इक्बाल शेख (३१) असे आरोपीचे नाव असून पोलिसांनी त्याला नालासोपारा येथून अटक केली. आरोपींविरुद्ध वांद्रे पोलिस ठाण्यात आधीच गुन्हे दाखल आहेत. लोकल ट्रेनमधील प्रवासादरम्यान आरोपी स्टेशनवर थांबताना डब्यात ठेवलेली बॅग घेऊन जायचे. पोलिसांनी आरोपींकडून चोरीचे 2 लॅपटॉप जप्त केले आहेत. रेल्वेत प्रवास करताना मोबाईल हरवू नये म्हणून लोकांनी आपल्या मौल्यवान वस्तूंवर लक्ष ठेवावे, असे आवाहन बोरिवली जीआरपीचे वरिष्ठ अधिकारी अनिल कदम यांनी केले आहे.