Bee Attack Washim : आगेमोहोळच्या हल्ल्यात १३ जण जखमी, ३ गंभीर; वाशिमच्या कारंजा तालुक्यातील घटना

author img

By

Published : Mar 15, 2022, 5:48 PM IST

Updated : Mar 15, 2022, 6:20 PM IST

Bee attack in washim farm, 13 injured

कारंजा तालुक्यातील पोघात येथे आगे मधमाशांनी अचानक केलेल्या हल्ल्यात १३ मजुर जखमी झाले आहेत. ( Bee Attack Poghat Washim ) तर ३ जण गंभीर जखमी झाले आहेत. यामध्ये ५ महिला व ८ पुरुषांचा समावेश आहे. सर्व जखमींना कारंजा येथील उपजिल्हा रुग्णालयात ( Karanja Civil Hospital ) दाखल करण्यात आले आहे.

वाशिम - कारंजा तालुक्यातील पोघात येथे आगे मधमाशांनी अचानक केलेल्या हल्ल्यात १३ मजुर जखमी झाले आहेत. ( Bee Attack Poghat Washim ) तर ३ जण गंभीर जखमी झाले आहेत. यामध्ये ५ महिला व ८ पुरुषांचा समावेश आहे. सर्व जखमींना कारंजा येथील उपजिल्हा रुग्णालयात ( Karanja Civil Hospital ) दाखल करण्यात आले आहे.

जखमींना रुग्णालयात घेऊन जातानाची दृश्ये

हे सर्व हमीद पाटील यांच्या शेतात हरभरा सोंगणीचे काम करित होते. शेतमालक जेवण करण्यासाठी बांधावरील झाडाखाली बसले तेव्हा झाडावर असलेल्या आगे मधमाशांनी अचानक हल्ला चढविला. यासोबतच हरभरा सोंगणीचे काम करणाऱ्यावर देखील हल्ला चढविला. यामध्ये 3 जण गंभीर जखमी असल्याची माहिती आहे. सदर घटनेची माहिती, १०८ रुग्णवाहिकेचे वाहक चंद्रकांत मुखमाले यांनी तत्काळ साळुंकाबाई राऊत महाविद्यालय वनोजा रासेयो आपत्ती व्यवस्थापन बचाव पथकाचे सदस्यांना दिली. माहिती मिळताच पथकाचे सदस्य अनिकेत इंगळे व बुध्दभुषण सुर्वे आदि सदस्य तत्काळ घटनास्थळी दाखल झाले. यानंतर १०८ रुग्णवाहिनीने सर्व जखमींना घेऊन कारंजा येथील उपजिल्हा रूग्णालयात उपचाराकरीता हलविण्यात आले.

हेही वाचा - Newborn Baby Pushpa Style : जन्मताच बाळाने मारली पुष्पाची स्टाईल; 'मैं झुकेगा नहीं', पाहा व्हिडिओ

नागरिकांना आवाहन -

सध्या उन्हाचा तडाखा वाढत आहे. यामुळे आगेमोहोळच्या मधमाशा या आक्रमक होत आहेत. तरी शेतात काम करत असताना मजुर शेतकऱ्यांनी योग्य ती खबरदारी घ्यावी, असे आवाहन रासेयो आपत्ती व्यवस्थापन बचाव पथकाकडुन करण्यात येत आहे.

Last Updated :Mar 15, 2022, 6:20 PM IST
ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.