सोलापूर: राज्याचे उपमुख्यमंत्री देवेंद्र फडणवीस यांच्या उपस्थितीत सोलापूर शहरातील हेरिटेज लॉन्समध्ये कार्यकर्त्यांचा संकल्प महाविजय कार्यकर्ता संमेलन आयोजित करण्यात आला होता. उपमुख्यमंत्री व गृहमंत्री देवेंद्र फडणवीस हे कार्यक्रमाला येणार असल्याने संमेलना ठिकाणी कार्यकर्त्यांची मोठी गर्दी झाली होती.उपमुख्यमंत्री देवेंद्र फडणवीसांनी आपल्या भाषणात बोलताना पंढरपूरसाठी आनंदाची घोषणा केली आहे. पंढरपूर तीर्थक्षेत्र व देवस्थान विकासासाठी 2700 कोटी रुपयांचा आराखडा मंजूर करण्यात आला असल्याची घोषणा केली. हा आराखडा मंजूर करण्यासाठी अंतिम मंजुरीसाठी पालकमंत्री विशिष्ट बैठका घेतील.आराखड्याच्या तीन डिजाईन तयार आहेत, त्यामधून एक डिजाईन मंजूर होईल अशी माहिती देवेंद्र फडणवीसांनी दिली. या बैठकीत पंढरपूर येथील सर्व नागरिकांना विश्वासात घेऊन काम सुरू होईल असे, देवेंद्र फडणवीसांनी आपल्या भाषणातून घोषणा केली.

पंढरपूरसाठी 2700 कोटींचा आराखडा: पंढरपूर हे दक्षिण भारतातील काशीपीठ आहे. देशभरातील लाखो भाविकांच श्रद्धास्थान म्हणजे पंढरपूर तीर्थक्षेत्र आहे. महाराष्ट्र राज्यातील जनतेचे पंढरपूर हे दैवत आहे. या राज्य सरकारने विठ्ठल मंदिरातील आतल्या भागातील विकासासाठी 71 कोटी रुपयांचा निधी मंजूर केला होता.पंढरपूर तीर्थक्षेत्रसाठी एकूण 27 00 कोटी रुपयांचा आराखडा मंजूर करत असल्याची घोषणा उपमुख्यमंत्री देवेंद्र फडणवीस यांनी केली. 2700 कोटी रुपयांचा महाराष्ट्र राज्यातील सर्वात मोठा आराखडा असल्याची माहिती देवेंद्र फडणवीस यांनी आपल्या भाषणातून सांगितले.

पंढरपूर तीर्थक्षेत्र व देवस्थान विकासासाठी 2700 कोटी रुपयांचा आराखडा मंजूर करण्यात आला.राखड्याच्या तीन डिजाईन तयार आहेत, त्यामधून एक डिजाईन मंजूर होणार - उपमुख्यमंत्री देवेंद्र फडणवीस

पंढरपूर विकासासाठी एक डिजाईन मंजूर होईल: देवेंद्र फडणवीस यांनी 2700 कोटी रुपयांचा आराखडा मंजूर करण्यात आला असल्याची घोषणा सोलापुरातील एका मेळाव्यात केली आहे. पंढरपूर देवस्थान विकासासाठी तीन डिजाईन तयार झाले आहेत. त्यातील एक डिजाईन सोलापूर जिल्ह्याचे पालकमंत्री बैठक घेऊन मंजूर करणार आहेत. हा आराखडा मंजूर करताना पालकमंत्री पंढरपूरच्या सर्व जनतेला विश्वासात घेऊन करतील असेही देवेंद्र फडणवीस यांनी सांगितले. यावेळी व्यासपीठावर भाजपचे आमदार खासदार उपस्थित होते. पालकमंत्री राधाकृष्ण विखे पाटील, खासदार डॉ. जय सिद्धेश्वर महाराज, खासदार रणजितसिंह नाईक निंबाळकर, आमदार सुभाष देशमुख, आमदार विजयकुमार देशमुख, आमदार राम सातपुते, भाजप शहर अध्यक्ष विक्रम देशमुख आदी उपस्थित होते.

हेही वाचा -

1. Devendra Fadnavis उपमुख्यमंत्र्यांनानिवेदन देताना विलास शाहांना आली भोवळ फडणवीसांनी सावरले
2. UPSC Result 2022 सोलापुरातील रेल्वे अधिकारी भावना एच एस देशात 55 व्या रँकने उत्तीर्ण कर्नाटकात नंबर वन
3. Nana Patole News कुणीही भुट्टा येईल आणि काहीही सांगून जाईल लक्ष देऊ नका नाना पटोलेंचा रोहित पवारांना टोला