मुंबई Rashmi Shukla News : फोन टॅपिंगचा आरोप असलेल्या आणि नंतर क्लीन चिट मिळालेल्या महिला आयपीएस अधिकारी रश्मी शुक्ला यांची अलीकडेच महाराष्ट्राच्या पोलीस महासंचालकपदी नियुक्ती करण्यात आली असे वावडे उठले होते. मात्र, सध्या तरी रजनीश सेठ हेच राज्याचे पोलीस महासंचालक म्हणून कारभार सांभाळत आहेत. रश्मी शुक्ला केंद्रात प्रतिनियुक्तीवर होत्या. दरम्यान, राज्य सरकारचा हा निर्णय महाविकास आघाडीसाठी धक्का मानला जात आहे.

वरिष्ठ महिला आयपीएस अधिकारी रश्मी शुक्ला पुढील आठवड्यात मुंबई पोलीस आयुक्त होऊ शकतात अशा चर्चांना उधाण आलं आहे. सध्याचे पोलीस आयुक्त विवेक फणसळकर हे राज्याचे पोलीस महासंचालक होऊ शकतात अशी माहिती सूत्रांनी दिली आहे. या दोन आयपीएस अधिकाऱ्यांव्यतिरिक्त मुंबई पोलीस मुख्यालयात कायदा व सुव्यवस्था विभागातील कार्यरत सहआयुक्त (L&O) सत्यनारायण चौधरी यांना देखील राज्य पोलीस मुख्यालयात पाठवलं जाऊ शकतं.

काही जणं पोलीस आयुक्तालयातून बाहेर पडण्याच्या तयारीत : सत्यनारायण चौधरी हे एक चांगले व्यक्ती आणि हुशार अधिकारी आहेत हे सर्वांना माहीत आहे. कृष्ण प्रकाश उर्फ ​​केपी यांना त्यांच्या जागी आणलं जाऊ शकतं. गुन्हे शाखेचे सहआयुक्त लखमी गौतम यांनाही पोलीस आयुक्त मुख्यालयातून बाहेर पडायचे आहे. ते सरकार आणि राज्य सरकारचे कार्यकारी यांच्यात समन्वय राखण्यास सक्षम नाहीत. आर्थिक गुन्हे शाखेचे सहआयुक्त निशिथ मिश्रा यांचीही अशीच मनस्थिती आहे. निशिथ मिश्रा हे काव्यशैली असलेली व्यक्ती आहेत. त्यांच्याविषयी फार कमी लोकांना माहीत असेल. मात्र, त्यांनाही मुंबई पोलीस आयुक्तालयातून बाहेर पडायचं असल्याचं सांगण्यात येतंय.


रश्मी शुक्लांची महाराष्ट्राच्या पोलीस महासंचालकपदी नियुक्ती : दरम्यान, राज्य सरकारनं 3 ऑक्टोबर रोजी पोलीस अधिकाऱ्यांच्या बदल्या आणि नवीन नियुक्त्या जाहीर केल्या होत्या. विद्यमान पोलीस महासंचालक रजनीश सेठ डिसेंबरमध्ये निवृत्त होणार होते. त्यांनी यापूर्वीच स्वेच्छानिवृत्ती घेतली असल्यानं त्यांच्या जागी रश्मी शुक्ला यांची नियुक्ती करण्यात आली असं सांगण्यात आले. रश्मी शुक्ला या 1988 च्या बॅचच्या आयपीएस अधिकारी आहेत.

रश्मी शुक्लांवर होते आरोप : 2019 च्या विधानसभा निवडणुकीपूर्वी देवेंद्र फडणवीस सरकारच्या काळात रश्मी शुक्ला राज्य गुप्तचर विभागाच्या प्रमुख होत्या. या पदाचा गैरवापर करून तत्कालीन विरोधी पक्षाच्या नेत्यांचे फोन टॅप केल्याचा आरोप त्यांच्यावर होता. याप्रकरणी त्याच्यावर मुंबई, कुलाबा, पुणे येथे दोन गुन्हे दाखल होते. महाविकास आघाडी सरकारच्या काळात ही कारवाई करण्यात आली. राज्यात सरकार बदलताच पोलिसांनी पुण्यातील गुन्ह्याप्रकरणी सी समरी रिपोर्ट कोर्टात सादर केला. त्यामुळं मुंबईच्या प्रकरणात त्यांच्यावर खटला चालवण्यास सरकारनं नकार दिला. त्यामुळं मुंबई उच्च न्यायालयानं त्यांच्याविरुद्धचे दोन्ही एफआयआर रद्द केले आहेत.

हेही वाचा -

1. Rashmi Shukla New DGP : रश्मी शुक्लांचं कमबॅक; थेट महाराष्ट्राच्या पोलीस महासंचालकपदी नियुक्ती
2. Big relief to Rashmi Shukla : रश्मी शुक्लांवरील फोन टॅपिंग प्रकरणातील दोन्ही गुन्हे रद्द
3. फोन टॅपिंग प्रकरणी रश्मी शुक्ला यांना क्लीन चिट, कोर्टाने क्लोजर रिपोर्ट स्वीकारला