मुंबई : त्र्यंबकेश्वरमध्ये वर्षानुवर्षे परंपरा सुरू आहे. त्यामुळे वर्षानुवर्षे सुरू असलेल्या परंपरेत जातीय तेढ निर्माण करू नका, असा हल्लाबोल विरोधी पक्षनेते अजित पवार यांनी या आज भाजपला लगावला. नोटबंदीचून काही निष्पन्न झाले नाही, उलट काळा पैसा बाहेर आला नसल्याची टीकाही अजित पवार यांनी आज मुंबईत प्रसार माध्यमांशी बोलताना केली.
नोटबंदीमुळे जनतेची गैरसोय होऊ देऊ नये : या अगोदर पंतप्रधान नरेंद्र मोदी यांनी नोटाबंदी केली. मात्र या नोटाबंदीतून काहीच निष्पन्न झाले नाही. त्यामुळे काळा पैसा परत आला नाही, उलट काळा पैसा बाहेर गेल्याचा आरोपही त्यांनी यावेळी केला. त्यामुळे नागरिकांना नोटबंदीतून त्रास होणार नाही, याची काळजी सत्ताधाऱ्यांनी घ्यायला हवी असेही अजित पवार यांनी स्पष्ट केले.
नवाब मलिकांनी वानखेडेवर केलेले आरोप खरे ठरले : राष्ट्रवादीचे माजी मंत्री नवाब मलिक यांनी एलसीबीचे तत्कालिन विभागीय संचालक समीर वानखेडे यांच्यावर आरोप केले होते. ते आरोप आता सीबीआयने दाखल केलेल्या गुन्ह्यावरुन नवाब मलिक यांनी केलेले आरोप बरोबर होते, असेच स्पष्ट झाल्याची टीका विरोधी पक्षनेते अजित पवार यांनी केली. मात्र तेव्हा नवाब मलिक यांच्या आरोपाकडे कोणीही लक्ष दिले नाही. त्याचा आता भुर्दंड भोगावा लागत आहे. समीर वानखेड यांच्यावर सीबीआयने गुन्हा दाखल केला आहे. त्यामुळे तेव्हा समीर वानखेडे यांचे समर्थन करणारे आता कुठे आहेत, असा सवालही त्यांनी यावेळी केला.
अरविंद अरविंद केजरीवाल यांना भेटणार : दिल्लीचे मुख्यमंत्री अरविद केजरीवाल यांची माजी मुख्यमंत्री उद्धव ठाकरे यांनी भेट घेतली होती. त्यापाठोपाठ आता विरोधी पक्षनेते अजित पवार हे देखील अरविंद केजरीवाल यांची भेट घेणार आहेत. याबाबतची माहिती त्यांनी आज प्रसार माध्यमांना दिली आहे.
सूड भावनेने चौकशी करू नये : राष्ट्रवादीचे ज्येष्ठ नेते तथा माजी मंत्री जयंत पाटील यांची ईडीने चौकशी केली आहे. याप्रकरणी अजित पवार यांना प्रतिक्रिया विचारली असता, सूड भावनेने कोणाचीही चौकशी करू नये, असे मत त्यांनी यावेळी व्यक्त केले. चौकशीला बोलवणं तपास यंत्रणांचा अधिकार आहे. मात्र राजकीय सूड भावनेतून कोणालाही चौकशीला बोलवण्यात येऊ नये, असे अजित पवार यांनी स्पष्ट केल्याने याबाबत उलटसुलट चर्चा करण्यात येत आहेत.
हेही वाचा -
- PM Modi Australia Visit : पंतप्रधान मोदी ऑस्ट्रेलियाच्या दौऱ्यावर, ऑस्ट्रेलियासोबतचे संबंध आणखी दृढ करणार
- Cabinet Expansion : लवकर होणार मंत्रिमंडळाचा विस्तार; भाजप - शिंदे गटातील प्रत्येकी ७-७ मंत्र्यांचा समावेश?
- Nitesh Rane in Nashik : नितेश राणे आज करणार त्र्यंबकराजांची महाआरती, राजकारण पुन्हा तापणार ?
