मुंबई Internet Users In Maharashtra : 14 नोव्हेंबर हा दिवस देशभरात बालदिन (Childrens Day) म्हणून साजरा केला जातो. मात्र अलीकडं लहान मुलांमध्ये संगणकाचा आणि इंटरनेटचा वापर मोठ्या प्रमाणात होतं असल्यानं बाल सुरक्षा सप्ताह सुरू होत आहे. लहान मुलांसाठी राज्यभर ऑनलाईन सुरक्षा उपक्रम क्राय या संस्थेनं सुरू केला आहे. बाल हक्क आणि बालकांची सुरक्षितता याच्याशी निगडित समस्यांबाबत मुलांमध्ये जागरूकता निर्माण करण्यासाठी 'सायबर सुरक्षितता अभियान' राबवलं जात आहे. आतापर्यंत मुंबईतील वीस हजार शालेय मुलांना या संदर्भात माहिती देण्यात आली आहे.

सहा ते चौदा वयोगटातील मुलांसाठी जागरूकता अभियान : क्राय या संस्थेनं राज्यभरातील शाळांना भेटी देऊन, पाचवी ते नववी इयत्तेतील विद्यार्थ्यांमध्ये सायबर गुन्ह्यांबाबत जागरूकता निर्माण करण्याच्या उद्देशानं कार्यशाळा घेतली. फिशिंग सायबर छळ ओळख, खोट्या जाहिराती, सायबर ट्रॅफिकिंग आणि ऑनलाइन गेमिंग याबाबत मुलांना शिक्षण देण्यात आलं. ऑनलाइन फोनचे पासवर्ड सुरक्षित कसे ठेवावे स्मार्टफोनचं संरक्षण कसं करावं, सोशल मीडिया खात्यांवर खासगी माहिती शेअर करताना कोणती काळजी घ्यावी, याबाबत या विद्यार्थ्यांना शिक्षित करण्यात आल्याचं क्रिया रबाडी यांनी सांगितलं.

इंटरनेट वापरात महाराष्ट्र सर्वात पुढे : क्राय या संस्थेनं केलेल्या संशोधन अभ्यासानुसार, महाराष्ट्रात सर्व वयोगटांमधील इंटरनेट वापर करणारे सरासरी प्रमाण अन्य राज्यांच्या तुलनेत सर्वाधिक आहे. त्या खालोखाल पश्चिम बंगाल, मध्य प्रदेश आणि मग कर्नाटकचा क्रमांक लागतो. इंटरनेटच्या वापराचा विचार करता पौगंडावस्थेतील मुला मुलींमध्ये इंटरनेट वापराचं प्रमाण सर्वाधिक आहे. मात्र महाराष्ट्रात 6 ते 14 वयोगटातील मुलांमध्ये हे प्रमाण सर्वाधिक असल्याचं आढळलं तसेच हे प्रमाण देशात सर्वाधिक आहे.

हेही वाचा -

1. Satara Riots Case : सातार्‍यातील इंटरनेट सेवा तीन दिवसांनी पूर्ववत; दंगलग्रस्त पुसेसावळीतील तणाव निवळला
2. Chrome Browser Updates : आता इंटरनेट नव्या फिचर्ससह होणार उपलब्ध; गुगलने क्रोममध्ये जोडले नवीन फिचर्स
3. 5G in India : आजपासून सुसाट धावणार तुमचा मोबईल; जाणून घ्या, 1G पासून 5G पर्यंतचा सविस्तर प्रवास