जळगाव - पाटलीपूत्र एक्सप्रेसचा मोठा अपघात टळला ( Patliputra Express Accident ) आहे. या ट्रेनची कपलींग तुटल्याने अर्धी रेल्वे पुढी गेली, मात्र अर्धी रेल्वे मागे राहिल्याने मोठी खळबळ उडाली. ही घटना जळगाव जिल्ह्यातील चाळीसगाव तालुक्यातील वाघळी स्थानकाजवळ घडली.
रेल्वे वाहतूक खोळंबली - पाटलीपूत्र एक्सप्रेस या धावणाऱ्या रेल्वेचे अर्धे डब्बे कपलींग तुटल्याने इंजिनसह पुढे निघून गेले होते. तर अर्धे डब्बे मागे राहिल्याने प्रवाशांची एकच धांदल उडाली. चाळीसगाव तालुक्यातील वाघळी स्टेशनजवळ घटना घडली. सुदैवानं कोणालाही दुखपत झाली नाही. काही वेळ रेल्वेची वाहतूक खोळंबली होती.
मार्गावरील रेल्वे दीड तास थांबल्या - पाटलीपूत्र एक्सप्रेसमध्ये घडलेल्या या प्रकारामुळे या मार्गावरील रेल्वे दीड ते दोन तास थांबवून ठेवण्यात आल्या होत्या. रेल्वेचे इंजिनला सर्वे डबे जोडून झाल्यानंतर मात्र ही रेल्वे मुंबईच्या दिशेने मार्गस्थ करण्यात आली. या घटनेनंतर रेल्वेचे वरिष्ठ अधिकारी घटनास्थळी दाखल झाले त्यावेळी त्यांनी रेल्वेची पाहणी करुन घडलेल्या हा प्रकार कशामुळे घडला याची चौकशी करण्यात येणार असल्याचेही त्यांनी सांगितले.
हेही वाचा -Shinde Govt : ठाकरे सरकारच्या कामांना स्थगिती देत शिंदे सरकारचा नव्या जीआरचा धडाका, काढले 538 जीआर
