Motha Villagers Business : शेतीला मिळाला पर्याय; मोथा गावात वाढली पर्यटकांची गर्दी

author img

By

Published : Dec 5, 2022, 10:43 PM IST

Motha Villagers Business

पहाडी भागात वसलेल्या लोकांना शेती करणे फार अवघड जात असते. चिखलदरा कडे जाणारे मोथा हे गाव (Motha village near Chikhaldara) देखील असेच पहाडावर वसलेले आहे. त्यामुळे येथील तरुणांनी पर्यटनाच्या दृष्टीने मनोरंजनात्मक व्यवसाय (business of entertaining tourists) सुरु केले आहे. यामधुनच त्यांचा उदरनिर्वाह ( New employment opportunity available) चालतो. Motha Villagers Business

अमरावती : सातपुडा पर्वतरांगेत वसलेल्या अमरावती जिल्ह्यातील मेळघाटात प्रत्येक स्थळ हे पर्यटकांना आकर्षित करणारे आहे. चिखलदरा कडे जाताना उंच पहाडावर वसलेले मोथा या गावातील (Motha village near Chikhaldara) आदिवासी आणि गवळी बांधवांना (Tribals and Gawlis) पारंपारिक शेतीला पर्याय म्हणून पर्यटकांच्या मनोरंजनाचा व्यवसाय (business of entertaining tourists) हाती गवसला आणि मोथा गावात पर्यटकांची प्रचंड गर्दी वाढायला लागली आणि गावातील तरुणांना रोजगाराची नवी संधी उपलब्ध झाली. Motha Villagers Business



मोथा येथे पर्यटकांची मौज : विदर्भातील थंड हवेचे ठिकाण म्हणून ओळखल्या जाणाऱ्या चिखलदऱ्यात तीनही ऋतूंमध्ये पर्यटकांची प्रचंड गर्दी उसळते. चिखलदरा येथे येणाऱ्या पर्यटकांना मोठा या गावात बाईक रायडिंग, हॉर्स रायडिंग, घोडा गाडीत स्वार होऊन उंच पहाडाच्या पायथ्याशी फेरफटका, उंटावर स्वार होऊन पहाड आणि दऱ्यांच्या मधात फिरण्याचा घेता येणारा आनंद लुटता येतो आहे. एकूणच चिखलदरा येथे निसर्गाचा आनंद लुटल्यावर किंवा तो लुटण्याआधी मोथा या गावात पर्यटकांना आगळीवेगळी मौज करण्याची संधी उपलब्ध झाल्यामुळे, हे छोटेसे गाव मेळघाटातील पर्यटन केंद्राच्या नकाशावर आले आहे.

प्रतिक्रिया देतांना मोथा येथील गावकरी व पर्यटक



तरुणांना मिळतो आहे हजार रुपये रोज : सुमारे 800 लोकसंख्या असणाऱ्या चिखलदरा तालुक्यातील मोथा या गावात शेती आणि खव्याची विक्री हा पारंपारिक व्यवसाय आहे. शेतीमध्ये सातत्याने होणारे नुकसान यामुळे या गावातील तरुणांसमोर उदरनिर्वाहासाठी नेमके काय करावे असा प्रश्न पडला होता. पाच वर्षांपूर्वी एका व्यक्तीने ह्या गावात चार चाकी बाईक आणून चिखलदरा कडे जाणाऱ्या पर्यटकांना हात दाखवून बाईक रायडिंग करण्याची विनंती करण्यास सुरुवात केली. त्यानंतर हळूहळू पर्यटक मोठा आहे ते थांबायला लागले आणि बाईक रायडींग चा आनंद घ्यायला लागले. परतवाडा ते चिखलदरा दरम्यान असणारा उंच घाट हा मोठा येथे संपतो आणि उंच पहाडावर सपाट जमिनीवर हे गाव असल्यामुळे या ठिकाणी लाल मातीत बाईक रायडिंग घोडेस्वारी हे पर्यटकांना आकर्षित करायला लागले.

पर्यटकांची यात्रा : गावातील सुमारे 40 ते 50 तरुणांनी दोन लाखापर्यंत गुंतवणूक करून इलेक्ट्रॉनिक बाईक खरेदी केल्या. काही तरुणांनी चक्क घोडेच विकत आणले दोन चार व्यक्तींनी मोथा गावात चक्क उंटच आणले. आज मोठा गाव जेथे सुरू होते त्या ठिकाणच्या मैदानावर आणि चिखलदराच्या दिशेने ज्या ठिकाणी गाव संपते त्या ठिकाणी असणाऱ्या मैदानावर अशा दोन ठिकाणी अक्षरशहा पर्यटकांची यात्रा लागलेली रोज दिसते. एका बाईक रायडिंग चे पन्नास रुपये आकारले जातात. लहान मुलांना आकर्षित करणाऱ्या रेल्वे गाडीच्या प्रवासासाठी एका व्यक्तीकडून 25 रुपये घेतले जातात. घोडेस्वारीसाठी देखील 50 रुपये घेतले जातात. सकाळी नऊ वाजल्यापासून सायंकाळी सात वाजेपर्यंत हा व्यवसाय जोमाने चालत असल्याने, या व्यवसायात असणाऱ्या गावातील तरुणांना हजार रुपये रोज मीळतो आहे. रविवार आणि इतर सुट्टीच्या दिवशी पर्यटकांची गर्दी वाढल्यावर रोजच्यापेक्षा अधिक फायदा मोथा गावातील तरुणांना होतो आहे.



पहाडावर शेती करणे कठीण : आम्ही अनेक वर्षांपासून आमच्या गावात शेती करतो आहे. पहाडावर मुबलक पाणी नसल्यामुळे शेती करणे अतिशय कठीण झाले आहे. पाण्याअभावी कधी पिक येत नाही तर मुसळधार पावसामुळे आलेले पीक वाहून जाते अशी परिस्थिती गतकाही वर्षांपासून निर्माण झाली आहे. यावर्षी हातचे सर्व पीक वाया गेले. आता पर्यटकांना बाईक रायडिंग चा जो व्यवसाय सुरू केला त्यातून आमच्या रोजगाराचा प्रश्न सुटला असे क सदाशिव शनवारे, रमेश निखाडे असे मोथा गावातील तरुण'ईटीव्ही भारत ' शी बोलताना म्हणाले.



पर्यटकही समाधानी : मोथा या गावात येणाऱ्या पर्यटकांना घोडेस्वारी आणि बाईक रायडिंग चा आगळावेगळा आनंद घेता येत असल्यामुळे या गावात येणाऱ्या पर्यटक देखील या सुविधेमुळे समाधानी होतात. चिमुकल्यांना रेल्वेगाडीत फिरायला मिळत असल्याने चिमुकल्यांच्या आनंदासोबतच पालक देखील खुश होतात असे वातावरण या ठिकाणी पाहायला मिळते. Motha Villagers Business

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.