चेन्नई: बुद्धिबळाच्या जागतिक प्रशासकीय मंडळ फिडेने जाहीर केले की, येथे जुलै-ऑगस्टमध्ये होणाऱ्या 44व्या बुद्धिबळ ऑलिम्पियाडमध्ये ( 44th Chess Olympiad ) ऑलिम्पिक सारखी मशाल रिले ( Olympic-like torch relay ) सुरु केली जाईल, जी प्रतिष्ठित स्पर्धेच्या प्रत्येक हंगामापूर्वी आयोजित केली जाईल. अशा प्रकारची मशाल रिले नेहमीच बुद्धिबळाची जन्मभूमी असलेल्या भारतातून सुरू होईल आणि सर्व खंडांमधून प्रवास केल्यानंतर यजमान शहरात पोहोचेल.
वेळेच्या मर्यादेमुळे, मात्र, यावेळी मशाल रिले फक्त भारतातच होणार असून भारताचा महान बुद्धिबळपटू विश्वनाथन आनंद ( Chess player Viswanathan Anand ) देखील सहभागी होणार आहे. ऑलिम्पियाडचे स्पर्धा संचालक भरतसिंग चौहान ( Olympiad Competition Director Bharatsingh Chauhan ) यांनी एका निवेदनात म्हटले आहे की, मशाल रिलेची तारीख आणि मार्ग सरकार, फिडे आणि इतर भागधारक यांच्यात सल्लामसलत केल्यानंतर घोषित केले जाईल. फिडेचे अध्यक्ष आरकेडी वोरकोविच म्हणाले, "या उपक्रमामुळे बुद्धिबळ खेळ लोकप्रिय होईल आणि जगभरातील चाहत्यांचा पाठिंबा मिळेल."
ते म्हणाले, "ऑलिम्पियाडच्या पुढील हंगामापासून, ऑलिम्पिक खेळांच्या परंपरेप्रमाणे, मशाल रिले सर्व खंडांमध्ये प्रवास करेल, त्यानंतर अखेरीस यजमान देश आणि शहरात बुद्धिबळ ऑलिम्पियाड सुरू होण्यापूर्वी समाप्त होईल." भारताची अव्वल महिला बुद्धिबळपटू कोनेरू हम्पी ( Women chess player Koneru Hampi ) हिने ट्विट केले की, 'भारतीय बुद्धिबळपटूंसाठी उत्तम काळ. अभिमानाचा क्षण. भारत प्रथमच बुद्धिबळ ऑलिम्पियाडचे आयोजन करत आहे.
बुद्धिबळ ऑलिम्पियाडचा आगामी हंगाम ( Upcoming season of Chess Olympiad ) 28 जुलै ते 10 ऑगस्ट दरम्यान महाबलीपुरम येथे होणार आहे. 187 देशांतील विक्रमी 343 संघांनी या स्पर्धेसाठी खुल्या आणि महिला गटात आधीच प्रवेशिका पाठवल्या आहेत.
