PAK vs ENG 2nd T20 : बाबर-रिझवानच्या विक्रमी भागीदारीच्या जोरावर पाकिस्तानचा इंग्लंडवर 10 विकेट्सने विजय

author img

By

Published : Sep 23, 2022, 1:14 PM IST

BABAR AND RIZWAN

पाकिस्तानी क्रिकेट संघाने ( Pakistani Cricket Team ) गुरुवारी दुसऱ्या टी-20 आंतरराष्ट्रीय क्रिकेट ( T20 International Cricket Match ) सामन्यात इंग्लंडचा पराभव करून सात सामन्यांच्या मालिकेत 1-1 अशी बरोबरी साधली आहे. पाकिस्तानने इंग्लंडवर 10 विकेट्सने मात केली. पाकिस्तानच्या या विजयात सलामीवीर बाबर आझम ( Babar Azam ) आणि मोहम्मद रिझवान ( Mohammed Rizwan ) यांनी चमकदार कामगिरी केली.

कराची: पाकिस्तानी क्रिकेट संघासाठी ( Pakistani Cricket Team ) गुरुवारचा दिवस चांगलाच ठरला. पाकिस्तानने येथे झालेल्या दुसऱ्या टी-20 आंतरराष्ट्रीय क्रिकेट सामन्यात ( PAK vs ENG 2nd T20 ) इंग्लंडचा 10 गडी राखून पराभव ( Pakistan defeated England by 10 wickets ) केला. सलामीवीर बाबर आझमने शतक ( Babar Azam Century ) झळकावून फॉर्ममध्ये परतल्याचे दाखवून दिले, तर मोहम्मद रिझवानने ( Mohammed Rizwan ) नाबाद 88 धावांची शानदार खेळी केली. बाबरने 66 चेंडूत नाबाद 110 धावा केल्या. ज्यामुळे पाकिस्तानने तीन चेंडू शिल्लक असताना बिनबाद 203 धावा केल्या आणि विजयाची नोंद केली.

सात सामन्यांच्या मालिकेत पाकिस्तानची 1-1 ने बरोबरी -

या विजयामुळे पाकिस्तान सात सामन्यांच्या मालिकेत ( PAK vs ENG T20 Series ) सध्या 1-1 ने बरोबरीत आहे. इंग्लंडने नाणेफेक जिंकून फलंदाजीचा निर्णय घेतला होता. ज्यामध्ये मोईन अलीच्या 23 चेंडूत नाबाद 55 धावांच्या ( Moeen Ali half century ) जोरावर अखेरच्या षटकात पाच बाद 199 धावा केल्या. प्रत्युत्तरात बाबर आणि रिझवान यांनी सुरुवातीपासूनच आक्रमक पध्दतीने खेळत इंग्लंडच्या गोलंदाजांना एकही संधी दिली नाही. बाबरने गेल्या सात टी-20 सामन्यांमध्ये केवळ 98 धावा केल्या होत्या, मात्र या सामन्यात त्याने कारकिर्दीतील दुसरे शतक झळकावून वेग पकडला.

चौकार आणि षटकारांची बरसात करत बाबर-रिझवानची विक्रमी भागीदारी-

बाबरने आपल्या खेळीत 11 चौकार आणि 5 षटकार लगावले, तर रिझवानच्या 51 चेंडूंच्या खेळीत पाच चौकार आणि चार षटकारांचा समावेश होता. या दोघांनी पाकिस्तानसाठी पहिल्या विकेटसाठी भागीदारीचा नवा विक्रम ( Babar Rizwan record partnership )केला. याआधीही या दोघांच्या नावावर 197 धावांचा विक्रम होता, जो त्यांनी 2021 मध्ये सेंच्युरियनमध्ये दक्षिण आफ्रिकेविरुद्ध केला होता.

तत्पूर्वी, इंग्लंडकडून मोईन अलीशिवाय बेन डकेटने 22 चेंडूत 43, हॅरी ब्रूक्सने 31, फिल सॉल्टने 30 आणि अॅलेक्स हेल्सने 26 धावांचे योगदान दिले. पाकिस्तानकडून हरिस रौफ ( Haris Rauf ) आणि शाहनवाझ दहनी यांनी प्रत्येकी दोन बळी घेतले.

हेही वाचा - Ind Vs Aus 2nd T20 : आज मालिकेतील दुसरा सामना, रोहित ब्रिगेड समोर 'करो या मरो'ची स्थिती

Quick Links / Policies

Get Us On

ETV Bharat IOS AppETV Bharat Google App

Please write to us, for media partnership and Ad-sales inquiries. Email: adops@etvbharat.com

विश्लेषणात्मक वार्तांकन

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.