समन्सनंतरही ईडीच्या कार्यलयात जॅकलिन फर्नांडिस तिसऱ्यांदा गैरहजर

author img

By

Published : Oct 18, 2021, 7:36 PM IST

अभिनेत्री जॅकलिन फर्नांडिस

अभिनेत्री जॅकलिन फर्नांडिस ईडीच्या कार्यलयात चौकशीसाठी सोमवारी तिसऱ्यांदा गैरहजर राहिली. सुकेश चंद्रशेखरविरुद्ध 200 कोटी रुपये मनी लाँड्रिंग केल्याचा आरोप आहे. या प्रकरणाची चौकशी ईडीला आरोपी चंद्रशेखर वत्याची पत्नी यांच्या समोर जॅकलिन हजर असताना करायची आहे. अभिनेत्री आणि नृत्यांगना नोरा फतेही (२)) हिने गुरुवारी ईडीसमोर या प्रकरणी आपला जवाब नोंदवला होता.

मुंबई - सुकेश चंद्रशेखरविरुद्ध 200 कोटी रुपये मनी लाँड्रिंग केल्याचा आरोप असलेल्या प्रकरणाच्या चौकशीसंदर्भात अभिनेत्री जॅकलिन फर्नांडिस सोमवारी पुन्हा अंमलबजावणी संचालनालयासमोर (ईडी) हजर झाली नाही. असे सांगितले जात आहे की ती कामाच्या व्यग्रतेमुळे ती हजर राहिलेली नाही. तपास यंत्रणा पुन्हा तिला नवीन तारखेला हजर राहण्यास सांगू शकते. ईडीच्या सूचनेवर फर्नांडिस हजर न राहण्याची ही तिसरी वेळ आहे.

जॅकलिन फर्नांडिस ऑगस्टमध्ये फेडरल एजन्सीसमोर हजर झाली होती आणि प्रिव्हेन्शन ऑफ मनी लाँड्रिंग अॅक्ट (पीएमएलए) च्या तरतुदींनुसार तिचा जवाब नोंदवण्यात आला होता. मनी लाँड्रिंग प्रकरणी सुकेश चंद्रशेखर आणि त्याची पत्नी लीना मारिया पॉल यांच्या समोर जॅकलिन उपस्थित रहावी अशी ईडी एजन्सीची इच्छा आहे.

अधिकाऱ्यांनी सांगितले की एजन्सीला या प्रकरणात फर्नांडिसशी कथितपणे जोडलेल्या काही पैशांच्या व्यवहारांबद्दल जाणून घ्यायचे आहे. अभिनेत्री आणि नृत्यांगना नोरा फतेही (२)) हिने गुरुवारी ईडीसमोर या प्रकरणी आपला जवाब नोंदवला होता.

फतेहीच्या प्रतिनिधीने सांगितले होते की ती या प्रकरणात पीडित होती आणि साक्षीदार म्हणून ती तपासात अधिकाऱ्यांना सहकार्य आणि मदत करत होती.

चंद्रशेखर आणि पॉल यांना अलीकडेच ईडीने अटक केली आहे. त्यांना स्थानिक कारागृहात ठेवण्यात आले आहे. यापूर्वी, दिल्ली पोलिसांनी फोर्टिस हेल्थकेअरचे माजी प्रवर्तक शिविंदर मोहन सिंग यांच्या पत्नी आदितीसह काही हाय प्रोफाइल लोकांना फसवल्याप्रकरणी दोघांना ताब्यात घेतले होते.

ऑगस्टमध्ये ईडीने चंद्रशेखरच्या परिसरात छापा टाकला आणि चेन्नईतील बंगला, 82.5 लाख रुपये रोख आणि डझनभर लक्झरी कार जप्त केल्या. एजन्सीने एका निवेदनात दावा केला होता की चंद्रशेखर हा "नामी ठग" आहे आणि दिल्ली पोलिसांकडून कथित गुन्हेगारी कट, खंडणी आणि 200 कोटी रुपयांची फसवणूक केल्याप्रकरणी त्याची चौकशी केली जात आहे.

हेही वाचा - Video : प्रियंका चोप्रासह समूद्राच्या तळाशी 'सिटाडेल' टीमची पार्टी

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.