मुंबई - टीव्ही अभिनेत्री तुनिषा शर्माच्या आत्महत्येने 'अली बाबा: दास्तान-ए-काबुल' या प्रसिद्ध टीव्ही मालिकेच्या सेटवर शोककळा पसरली आहे. या मालिकेत तुनिषा 'मरियम'ची मुख्य अभिनेत्री म्हणून भूमिका साकारत होती. तुनिषाच्या मृत्यूनंतर या टीव्ही शोचे शूटिंग थांबवण्यात आले होते. आता पुन्हा एकदा या शोचे काम सुरू झाले आहे. विशेष म्हणजे तुनिशाऐवजी आता टीव्ही अभिनेत्री अवनीत कौरचे नाव मुख्य अभिनेत्री म्हणून समोर आले आहे. त्याच वेळी, टीव्ही अभिनेता सिद्धार्थ निगमचा भाऊ अभिषेक निगम, शोचा मुख्य अभिनेता आणि तुनिशा मृत्यू प्रकरणातील आरोपी शीजान खानच्या जागी येणार आहे.

मीडिया रिपोर्ट्सनुसार, तुनिषा शर्माच्या मृत्यूनंतर टीव्ही सीरियल 'अली बाबा: दास्तान-ए-काबुल'मध्ये अवनीत कौर सध्या राजकुमारी मरियमच्या भूमिकेमुळे खूप चर्चेत आहे. मात्र, अवनीत कौरबाबत निर्मात्यांकडून कोणतेही वक्तव्य आलेले नाही.

तुनिषा शर्मा आणि अवनीत कौर चांगल्या मैत्रिणी होत्या आणि तुनिषाच्या मृत्यूनंतर अवनीत तिच्या घरी पोहोचली आणि खूप रडली होती. अवनीतबद्दल सांगायचे तर, ती सोशल मीडियावर खूप सक्रिय असते आणि तिच्या बोल्ड फोटोंमुळे चर्चेत असते.

शीजान खानची शोमधून एक्झिट - तुनिषा शर्माच्या आत्महत्येनंतर 'अली बाबा: दास्तान-ए-काबुल' या मालिकेतून मुख्य अभिनेता शीजान खानची एक्झिट निश्चित असल्याचे मानले जात आहे. अशा परिस्थितीत निर्माते आता शोच्या लीड स्टारकास्टच्या शोधात आहेत. तुनिषाच्या जागी अवनीत कौरला घेण्याची चर्चा असताना, आता या शोमध्ये शीजानऐवजी अभिषेक निगम दिसणार आहे. शोच्या दोन्ही लीड स्टार कास्टबाबत अद्याप कोणतीही अधिकृत घोषणा झालेली नाही.

'अली बाबा: दास्तान-ए-काबुल' या मालिकेचा शूटिंग सेट बदलण्यात आला असून पोलीस जुन्या सेटवर तपासात गुंतले आहेत. कारण 'अली बाबा: दास्तान-ए-काबुल' या मालिकेच्या सेटवर तुनिषाने गळफास लावून आपला जीव दिला होता.

आत्महत्या करण्यापूर्वी 15 मिनिटे तुनिषा आणि शीजानने मेकअप रूममध्ये संभाषण केले होते. ही मेकअप रूम शीजानची होती. अशा स्थितीत पोलिसांचा सर्वाधिक संशय शीजानवर गेला असून ते अभिनेत्याची चौकशी करत आहेत.

तुनिषा शर्माच्या आईचे आरोप : तुनिषा शर्माने शनिवारी मालिकेच्या सेटवर गळफास घेत आत्महत्या केली. त्यानंतर तुनिषाच्या कुटूंबाकडून झिशान खानवर गंभीर आरोप करण्यात आले. शिझान खानने फसवूण तुनिषा शर्माचा वापर केला. घटनेच्या दिवशी, शिझान खान आणि तुनिषा शर्मा शूटिंगच्या लंच ब्रेकमध्ये भेटले. त्यांच्यात १५ मिनिटे चर्चा झाली. बोलल्यानंतर शिझान खान त्याच्या शूटसाठी निघून गेला. आणि नंतर तुनिषा शर्माने गळफास घेतला. असा तिच्या आईकडून आरोप करण्यात आला आहे. तुनिषा शर्माला आत्महत्येस प्रवृत्त केल्याबद्दल शिझान खान सध्या पोलीस कोठडीत आहे.

दरम्यान, शीजानची आई व बहिण यांनी आपल्या वकिलासह पत्रकार परिषद घेऊन तुनिषाच्या आईने केलेले सर्व आरोप फेटाळून लावले आहेत.