हैदराबाद - कन्नड सुपरस्टार यशच्या 'केजीएफ : चॅप्टर २' ( KGF: Chapter 2 ) चित्रपटाने थिएटरमध्ये चांगलाच धुमाकुळ घातला आहे. या आठवड्याच्या शेवटी, चित्रपट थिएटरमध्ये एक महिना पूर्ण करेल आणि अद्यापही बॉक्स ऑफिसवर नवनवे विक्रम हा चित्रपट प्रस्थापित करीत आहे. येत्या काही दिवसांत हा अॅक्शन ड्रामा चित्रपट १२०० कोटींच्या क्लबमध्ये दाखल होण्याची शक्यता आहे. KGF: चॅप्टर २ ने त्याची थिएटर आपली वाटचाल सुरू ठेवली आहे आणि वीकेंडमध्ये याचा वेग वाढत आहे. या चित्रपटाचे दिग्दर्शन प्रशांत नील यांनी केले आहे.

केजीएफ : चॅप्टर २

प्रशांत नील दिग्दर्शित 'केजीएफ : चॅप्टर २' ( KGF: Chapter 2 ) हा चित्रपट 14 एप्रिल रोजी थिएटरमध्ये रिलीज झाला होता. या चित्रपटाची बॉक्स ऑफिसवर तमिळ सुपरस्टार थलापथी विजयच्या 'बीस्ट' चित्रपटासोबत टक्कर झाली. मात्र बीस्टला मागे टाकत यश स्टारर 'केजीएफ : चॅप्टर २' ने आपला जबरदस्त परफॉर्मन्स दाखवला.

व्यापार विश्लेषक मनोबाला विजयबालन यांनी ट्विटरवर लिहिले आहे की या चित्रपटाने आतापर्यंत जगभरात 1169.71 कोटी रुपयांची कमाई केली आहे. त्यांनी ट्विटमध्ये लिहिलंय, "#KGFCchapter2 WW बॉक्स ऑफिस आठवडा 1 - रु 720.31 कोटी. आठवडा 2 - रु 223.51 कोटी. आठवडा 3 - रु 140.55 कोटी. आठवडा 4 दिवस 1 - रु 11.46 कोटी. दिवस 2 - रु 8.90 कोटी. दिवस - 8.90 कोटी रु. 24.65 कोटी. दिवस 4 - रु 25.42 कोटी. दिवस 5 - रु 8.07 कोटी. दिवस 6 - रु 6.84 कोटी. एकूण - रु. 1169.71 कोटी. DREAM रन चालू आहे.

हेही वाचा - Money Laundering Case: दिल्ली न्यायालयाची ईडीला नोटीस; जॅकलीन फर्नांडिसने परदेशात जायची मागितली परवानगी