मुंबई - अभिनेता गुलशन दैवय्याने अलिकडेच दहाडच्या प्रमोशनदरम्यान विजय वर्मा आणि तमन्ना भाटियांच्या डेटिंगबद्दलचा खुलासा केला होता. नुकत्याच झालेल्या एका मुलाखतीत गुलशनने दावा केला की, त्याने विजयच्या खर्चावर तमन्नाचे विनोद करायला सुरुवात केली आणि नंतर त्यानेही ते आनंदाने स्वीकारले. दहाडमध्ये विजय वर्मासोबत ऑन स्क्रिन काम करणाऱ्या गुलशनने त्यांच्यातील ऑफ स्क्रिन मस्करीचा एक छोटासा भाग सांगितला.

गुलशनच्या म्हणण्यानुसार त्याने तमन्नाला कधीही पाहिलेले नाही. परंतु त्या दोघांच्या बातम्या आणि फोटो पाहिले आहेत. त्यांच्या नातेसंबंधाबद्दल पुढे बोलताना, गुलशनने सांगितले की त्याची आणि तमन्नाची भेट झालेली नसली तरी मीडियात येणाऱ्या बातम्या आणि अफवा यामुळे त्याला हा विषय कळला. विजयने हे प्रेम प्रकरण अद्याप कबुल केले नसले तरी त्याच्या वागण्यातून त्याला ते मान्य असल्याचे दिसते.

गुलशन पुढे म्हणाला की काहीतरी घडतंय याची मला खात्री आहे आणि मी त्या दोघांना शुभेच्छा देतो. विजय वास्तविक जीवनात खूपच चांगला आणि प्रिय व्यक्ती आहे आणि महिलांचे लक्ष वेधून घेतो, असे त्याने पुढे सांगितले. विजय आणि तमन्ना गेल्या काही महिन्यांपासून अनेक वेळा एकत्र दिसले असल्यामुळे ते डेटिंग करत असल्याची पक्की चर्चा आहे.

विजय आणि तमन्ना यांनी गोव्यात नवीन वर्षाची संध्याकाळ एकत्र साजरी केली होती. गोव्यातील एका लोकप्रिय रेस्टॉरंटमध्ये ते एकमेकांना मिठी मारताना आणि चुंबन घेतानाचा एक व्हिडिओ व्हायरल झाला होता. व्हिडिओत त्यांचे चेहरे स्पष्ट दिसत नसले तरी ही जोडी म्हणजे विजय आणि तमन्ना असल्याची खात्री अनेकांनी दिली होती. त्यांच्या नात्याबद्दलची चर्चा सुरू असताना सध्या दोघेही लस्ट स्टोरीज 2 मध्ये सहकलाकार म्हणून काम करत आहेत. कामाच्या आघाडीवर, नेटफ्लिक्सवर प्लॅन ए प्लॅन बी, हा तमन्नाचा रितेश देशमुखसोबतचा प्रोजेक्ट होता. तर दहाड या वेब सिरीजमध्ये विजय चमकला आहे. विजयकडे सारा अली खानसोबत आगामी मर्डर मुबारक हा प्रोजेक्ट आहे.

हेही वाचा - Anupam Kher Suffered Serious Injury : अनुपम खेर यांना गंभीर दुखापत, शाहरुख खान आणि हृतिक रोशनलाही केले टॅग