बॉबी देओलने साजरी केली वडिलांच्या हिट 'प्रतिज्ञा' चित्रपटाची 47 वर्षे

author img

By

Published : Jun 29, 2022, 9:48 AM IST

'प्रतिज्ञा' चित्रपटाची 47 वर्षे

अभिनेता धर्मेंद्र यांच्या प्रतिज्ञा चित्रपटाला ४७ वर्षे पूर्ण झाली आहेत. धर्मेंद्र आणि बीएस देओल यांनी सह-निर्मित प्रतिज्ञा या चित्रपटाने बॉक्स ऑफिसवर एक मोठे व्यावसायिक यश मिळवले होते आणि 1975 च्या तीन सर्वात यशस्वी चित्रपटांपैकी एक होता. या निमित्ताने अभिनेता बॉबी देओलने ( Bobby Deol ) त्याच्या वडिलांच्या हिट चित्रपटाशी संबंधित गोड आठवणींना उजाळा देणारा एक फोटो शेअर केला आहे.

मुंबई - 'प्रतिज्ञा' ( Pratiggya ) या लोकप्रिय चित्रपटाने मंगळवारी भारतीय चित्रपटसृष्टीच्या क्षितिजावर 47 वर्षे पूर्ण केली. या निमित्ताने अभिनेता बॉबी देओलने ( Bobby Deol ) त्याच्या वडिलांच्या हिट चित्रपटाशी संबंधित गोड आठवणींना उजाळा देणारा एक फोटो शेअर केला आहे.

त्याच्या इंस्टाग्राम स्टोरीवर बॉबी देओलने 'प्रतिज्ञा'ची 47 वर्षे साजरी करत चित्रपटातील त्याचे लाडके वडील धर्मेंद्र ( Dharmendra ) यांचा फोटो पोस्ट केला.

बॉबी देओलने साजरी केली वडिलांच्या हिट 'प्रतिज्ञा' चित्रपटाची 47 वर्षे
बॉबी देओलने साजरी केली वडिलांच्या हिट 'प्रतिज्ञा' चित्रपटाची 47 वर्षे

त्याने फोटोला कॅप्शनमध्ये लिहिले, "माझ्या वडिलांचा मला सर्वात आवडलेला चित्रपट, माझी इच्छा आहे की मी रिमेकमध्ये त्यांची भूमिका करू शकेन".

दुलाल गुहा दिग्दर्शित प्रतिज्ञामध्ये अजितची कथा दाखवण्यात आली होती. ही व्यक्तीरेखा धर्मेंद्रने साकारली होती. यात त्याला आपल्या वडिलांच्या मृत्यूचा बदला घ्यायचा होता. हेमा मालिनी यांनी धर्मेंद्र यांच्या प्रियकर राधा लछमन ठाकूरची भूमिका साकारली होती.

धर्मेंद्र आणि बीएस देओल यांनी सह-निर्मित प्रतिज्ञा या चित्रपटाने बॉक्स ऑफिसवर एक मोठे व्यावसायिक यश मिळवले होते आणि 1975 च्या तीन सर्वात यशस्वी चित्रपटांपैकी एक होता. या चित्रपटात अजित, जगदीप, मुकरी, जॉनी वॉकर, मेहर मित्तल आणि केश्तो मुखर्जी यांनीही भूमिका केल्या होत्या.

धर्मेंद्र देओल हे भारतीय सिनेसृष्टीतील प्रतिष्ठित अभिनेते असून त्यांच्या चित्रपटांची एक लांबलचक यादी आहे, यात 'अपने', 'राजपूत,' 'यादों की बारात' आणि 'जीवन मृत्यु' यासारख्या चित्रपटांचा समावेश आहे.

हेही वाचा - 'बिग बी'च्या कारला 'मिस्टर परफेक्शनिस्ट'ने केले नॉक, पाहा अमिताभची प्रतिक्रिया

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.