Bigg Boss OTT season 2: सलमान खानने दिले आयपीएल नंतर 24 तास मनोरंजनाचे वचन
Published: May 26, 2023, 3:57 PM
Bigg Boss OTT season 2: सलमान खानने दिले आयपीएल नंतर 24 तास मनोरंजनाचे वचन
Published: May 26, 2023, 3:57 PM
बिग बॉस ओटीटी सीझन 2 चा पहिला प्रोमो आता बाहेर आला आहे. हा शो सलमान खान होस्ट करणार असून जिओ टीव्हीवर क्रिकेट आयपीएलनंतर चोवीस तास मनोरंजन होणार असल्याची खात्री सलमानने दिली आहे.
मुंबई - बिग बॉस ओटीटी सीझन 2 चा पहिला प्रोमो नुकताच रिलीज झाला आणि त्यात सुपरस्टार सलमान खान झळकला आहे. या शोचे जिओ सिनेमावर यंदाच्या सीझनचे स्ट्रीमिंग होणार आहे. बिग बॉस ओटीटीचा पहिला सीझन चित्रपट निर्माता करण जोहरने होस्ट केला होता, परंतु निर्मात्यांनी दुसऱ्या सीझनसाठी मूळ होस्ट सलमान खानला परत आणण्यात यश मिळवले आहे.
सलमानचा बिग बॉस ओटीटी प्रोमो - पहिल्या प्रोमो व्हिडिओमध्ये, सलमान खान प्रेक्षकांना विचारताना दिसत आहे की इंडियन प्रीमियर लीग (आयपीएल) संपल्यानंतर ते काय पाहतील, कारण रविवारी आयपीएलचा अंतिम सामना होणार आहे. त्यानंतर तो पुढे म्हणतो की ते २४ तास मनोरंजन करू शकतात कारण बिग बॉस ओटीटी लवकरच जिओ सिनेमावर स्ट्रिम होणार आहे.
-
🚨 BREAKING! Bigg Boss OTT Season 02 PROMO Revealed #BiggBoseOTT COMING SOON!pic.twitter.com/hPnv8S6BgE
— #BiggBoss_Tak👁 (@BiggBoss_Tak) May 25, 2023
जिओ सिनेमावर होणार बिग बॉस ओटीटीचे स्ट्रिमिंग - प्रोमोमध्ये सलमानने मॅचिंग टी-शर्ट असलेले चमकदार चांदीचे जाकीट घातलेले आहे. तो प्रेक्षकांना विचारतो, 'क्रिकेटनंतर काय पाहायचे ही द्विधा अवस्था आहे ? जिओ सिनेमावर आता चोवीस तास मनोरंजन होणार आहे. मी घेऊन येतोय बिग बॉस ओटीटी.. तर पाहात राहील भारत'. प्रोमो होताच नेटिझन्सने ट्विटरवर त्वरित प्रतिक्रिया दिली. एका युजरने लिहिले की, प्रतीक्षा करू शकत नाही!, तर दुसर्‍याने लिहिले, 'स्पर्धकांची यादी कधी बाहेर येईल?'
संभाव्य स्पर्धकांची नावे - बिग बॉस ओटीटीच्या दुसऱ्या सीझनमध्ये सहभागी होण्याची शक्यता असलेल्या स्पर्धकांची संपूर्ण यादी अद्याप अधिकृतपणे बाहेर पडणे बाकी आहे. लोकप्रिय पार्श्वगायक उदित नारायण यांचा मुलगा आदित्य नारायण, हा या शोचा स्पर्धक असू शकतो. 2022 मध्ये कंगना राणौतने होस्ट केलेल्या लॉक अप या रिअॅलिटी शोमध्ये दिसलेल्या मॉडेल आणि अभिनेत्री पूनम पांडे आणि सोशल मीडिया स्टार अंजली अरोरा, या दोघी बिग बॉस ओटीटी सीझन 2 चा भाग असल्याची एक चर्चा आहे. अभिनेत्री पूजा गोर देखील या शोचा भाग एक असू शकते.
बिग बॉस ओटीटी पहिल्या सिझनचे विजेते - बिग बॉस ओटीटी सीझन 1, 2021 मध्ये वूटवर प्रवाहित झाला होता. हा शो चित्रपट निर्माता करण जोहरने होस्ट केला होता. पहिल्या सीझनमध्ये रिअॅलिटी शोच्या अंतिम फेरीपर्यंत पोहोचण्यात यशस्वी झालेल्या काही स्पर्धकांना टेलिव्हिजनवर प्रसारित होणाऱ्या बिग बॉस सीझन 15 मध्ये थेट प्रवेश मिळाला. 18 सप्टेंबर 2021 रोजी शोचा समारोप झाला. यामध्ये दिव्या अग्रवालला विजयी ठरली होती तर निशांत भट पहिल्या सत्रासाठी उपविजेता ठरला होता.
