Nitesh Pandey dies of heart attack : अनुपम फेम अभिनेता नितेश पांडे यांचे हृदयविकाराच्या झटक्याने निधन

author img

By

Published : May 24, 2023, 2:19 PM IST

Nitesh Pandey dies of heart attack

अनुपमा या लोकप्रिय टेलिव्हिजन शोमध्ये धीरज कुमारची भूमिका साकारणारे नितेश पांडे यांचे वयाच्या ५१ व्या वर्षी हृदयविकाराच्या झटक्याने निधन झाले.

मुंबई - टीव्ही मालिका आणि चित्रपटातीस सहज सुंदर अभिनयासाठी ओळखल्या जाणाऱ्या अभिनेता नितेश पांडे यांचे वयाच्या ५१ व्या वर्षी निधन झाले. टीव्ही अभिनेत्री वैभवी उपाध्याय आणि आदित्य सिंग राजपूत यांच्यानंतर नितेश यांच्या निधनाची बातमी आजच समोर आली.

इगतपुरी येथील हॉटेलमध्ये नितेश पांडे यांना ह्रदयविकाराचा झटका आला - मिळालेल्या माहितीनुसार, रात्री उशिरा नितेश यांना हृदयविकाराचा तीव्र झटका आला. नाशिकपासून जवळच असलेल्या इगतपुरी येथील हॉटेलमध्ये त्यांनी अखेरचा श्वास घेतला. पोस्टमॉर्टम रिपोर्टची प्रतीक्षा असताना पोलिसांचे एक पथक हॉटेल कर्मचारी आणि अभिनेता नितेश यांच्या जवळच्या लोकांची चौकशी करत आहे. दिवंगत मितेश पांडे यांचे कुटुंबीय त्यांचे पार्थिव घेण्यासाठी इगतपुरीला रवाना झाले आहेत.

टी व्ही मालिकांमध्ये गाजलेला चेहरा - नुकतेच लोकप्रिय टेलिव्हिजन मालिका अनुपमामध्ये प्रेक्षकांनी निकतेश पांडे यांना पाहिले होते. नितेशने आपल्या करिअरची सुरुवात रंगभूमीपासून केली होती. अनुपमा या मालिकेमध्ये, त्याने अनुज कपाडियाने साकारलेल्या गौरव खन्नाचा जवळचा मित्र धीरज कुमारची भूमिका साकारली होती. यापूर्वी नितेश यांनी अस्तित्व...एक प्रेम कहानी, मंझील अपनी अपनी, जस्टजू, दुर्गेश नंदिनी यासारख्या शोमध्ये काम केले होते.

चित्रपट कारकिर्द - अभिनेता नितेश पांडे यांनी ओम शांती ओम, खोसला का घोसला, आणि बधाई दो सारख्या चित्रपटांमध्ये देखील काम केले आहे. खोसला का घोसला या राष्ट्रीय पुरस्कार विजेत्या चित्रपटातील त्याच्या कामाचे सर्वत्र कौतुक झाले, तर एका मध्यमवर्गीय बापाचे चित्रण ज्याला आपल्या मुलीचे लैंगिक प्रवृत्ती स्वीकारणे कठीण जाते. भूमी पेडणेकरने साकारलेल्या आपल्या मुलीसोबत तो खडकासारखा खंबीर कसा उभा राहतो याचे अनुकरण त्याने ज्या पद्धतीने केले त्याने त्याला टाळ्या मिळवून दिल्या.

आता त्यांच्या पश्चात त्यांची अभिनेत्री-पत्नी अर्पिता पांडे आहेत. या दोघांची भेट 'जस्टजू' या टीव्ही शोमध्ये झाली होती, त्यानंतर 2003 मध्ये त्यांनी लग्न केले. नितेशचे यापूर्वी अभिनेत्री अश्विनी काळसेकरसोबत लग्न झाले होते.

हेही वाचा - Vaibhavi Upadhyaya Dies : छोट्या पडद्यावरील प्रसिद्ध अभिनेत्री वैभवी उपाध्यायचा कार अपघातात निधन

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.