मुंबई - पॉप सिंगर जस्टिन बीबरच्या चाहत्यांसाठी एक वाईट आणि धक्कादायक बातमी समोर आली आहे. खुद्द जस्टिन बीबरने सोशल मीडियावर येऊन चाहत्यांना या बातमीची माहिती दिली आहे. वास्तविक, जस्टिनला रामसे हंट सिंड्रोम नावाचा दुर्मिळ आजार जडला आहे, त्यामुळे त्याचा अर्धा चेहऱ्याला अर्धांगवायू झाला आहे. या संदर्भात गायकाने त्याचे आगामी सर्व शो रद्द केले असून तो उपचारांसाठी रजेवर गेला आहे.
- " class="align-text-top noRightClick twitterSection" data="
">
सोशल मीडियावर एक व्हिडिओ शेअर करून जस्टिन बीबरने सांगितले आहे की, तो एका व्हायरसमुळे या धोकादायक आजाराचा बळी ठरला आहे. हा विषाणू त्याच्या चेहऱ्याच्या मज्जातंतूंवर हल्ला करत आहे. त्यामुळे त्यांचा अर्धा चेहरा अर्धांगवायू झाला आहे.
इतकेच नाही तर जस्टिनने या व्हिडिओमध्ये चाहत्यांना दाखवले आहे की तो एका बाजूला डोळे मिचकावण्यासाठीही असमर्थ आहे. जस्टिनला अर्धांगवायूमुळे हसतानाही त्रास होत आहे. जस्टिनचा वर्ल्ड टूर रद्द होण्याची ही तिसरी वेळ आहे. यापूर्वीही दोनदा कोरोनामुळे शो पुढे ढकलावा लागला होता.
जस्टिनचा हा व्हिडिओ लाखो चाहत्यांनी लाइक केला आहे आणि त्याला लवकरात लवकर बरे होण्यासाठी शुभेच्छा दिल्या आहेत. 28 वर्षीय जस्टीसने अलीकडेच जस्टिस वर्ल्ड टूरची घोषणा केली होती.
या वर्षी त्याच्या वर्ल्ड टूरवर जस्टिन बीबर भारतात येऊन एक शो करणार आहे. 18 ऑक्टोबरला जस्टिनचा भारतात शो होणार आहे. तो लवकरच बरा होऊन भारतात येईल, अशी आशा चाहत्यांना आहे. यापूर्वी जस्टिन 2017 मध्ये भारतात आला होता. मात्र उन्हामुळे तो तीन दिवसांऐवजी एका दिवसातच निघून गेला होता.
हेही वाचा - ओम द बॅटल विदीन ट्रेलर रिलीज, आदित्य रॉय कपूरचा अॅक्शन अवतार
