ठाणे :- बदलापूर जवळील चंदेरी गडावरून एक बावीस वर्षीय तरुण अचानक खोल दरीत पडल्याची घटना समोर आली आहे. या तरुणाला बदलापूर मधील नेचर एक्सप्लोरर रेस्क्यू टीमने खोल दरीत अडचणीच्या जागेतून 22 तासानंतर सुटका केली. मात्र, तो जखमी अवस्थेत असल्याने त्याला मध्यवर्ती रुग्णालयात उपचारासाठी दाखल करण्यात आले. नाव विराज म्हस्के असून तो मुलुंड येथील रहिवाशी आहे.
विशेष म्हणजे या रुग्णवाहिकेत दोन युवती डॉक्टर क्षितिजा खरे आणि श्रद्धा खरे या चिंचवली गावात बुधवारी मुक्कामाला होत्या. आज सकाळच्या सुमारास जखमी अवस्थेत विराजला दरीतून बाहेर आणल्यावर डॉक्टरांनी प्राथमिक उपचार सुरू केले. त्यानंतर विराजची प्रकृती गंभीर असल्याने त्याला पुढील उपचारासाठी उल्हासनगरच्या मध्यवर्ती रुग्णालयात दाखल करण्यात आले. तर चिंचवली गावातील काही गावकरी, पोलीस पाटील यांच्यासह रेस्क्यू टीम व डॉक्टर क्षितिजा आणि श्रद्धा यांचे सर्व स्तरातून कौतुक केले जात आहे.
हेही वाचा - Akbaruddin Owaisi : 'श्वान भुंकतोय भुंकू द्या, उत्तर देऊ नका'; अकबरुद्दीन ओवेसींची जीभ घसरली, म्हणाले...
