शाळा सुरू करा, कोल्हापूरच्या होतकर कुटुंबाची देखाव्यातून मागणी

author img

By

Published : Sep 13, 2021, 8:10 PM IST

kolhapur

कोल्हापुरातील नेहरूनगरमधील चिले कॉलनी येथील रोहन होतकर यांच्या कुटुंबीयांनी मुलांच्या शैक्षणिक भविष्यावर भाष्य करणारा घरगुती देखावा साकारला आहे. शाळा बंद असल्याने मुलांच्या शैक्षणिक गुणवत्तेवर त्याचा परिणाम होत आहे, असे देखाव्यातून मांडण्यात आले आहे.

कोल्हापूर - 'मद्यालय सुरू पण विद्यालय बंद' अशी हाक देत कोल्हापूरातील होतकर कुटुंबातील बाप्पा शाळा सुरू करण्याची मागणी करत आहे. देशाचे उज्ज्वल भविष्य असणाऱ्या मुलांचे शैक्षणिक नुकसान होत आहे. त्यावर कोल्हापूरातील चिले कॉलनीतील रोहित होतकर यांच्या कुटुंबीयांनी शाळा सुरू करावा या मागणीचा देखावा साकारला आहे.

होतकर कुटुंबाची देखाव्यातून मागणी
कोल्हापुरातील नेहरूनगरमधील चिले कॉलनी येथील रोहन होतकर यांच्या कुटुंबीयांनी मुलांच्या शैक्षणिक भविष्यावर भाष्य करणारा घरगुती देखावा साकारला आहे. गेल्या दोन वर्षांपासून शाळा बंद आहेत. ऑनलाईन तासिका सुरू आहेत. मात्र, अशावेळी मुलांच्या शैक्षणिक गुणवत्तेवर त्याचा परिणाम होत आहे. प्रत्यक्ष व ऑनलाईन तासिका यात फरक असल्याने विद्यार्थ्यांच्या गुणवत्तेवर अप्रत्यक्षपणे परिणाम होत आहे. याच सामाजिक प्रश्नावर रोहित होतकर यांनी देखावा साकारला आहे.
शाळा सुरू करावी या मागणीचा देखावा -
गेल्या दोन वर्षांपासून शाळा बंद असून, विद्यार्थी घरात आहे. अनेक राज्यात शाळा सुरू झाली तरीही राज्यातील शाळा बंदच आहेत. या देखाव्यातून शाळा सुरू करावी अशी मागणी करण्यात आली आहे. यात शाळेत बसलेले विद्यार्थी, स्वागत करत असलेला उंदीर मामा आणि वर्गातील एकूण चित्र साकारण्यात आले आहे. विद्यार्थ्यांना कोरोनाची लागण होऊ नये यासाठी काळजीचे फलकही लावण्यात आले आहेत. शिवाय यातील प्रत्येक विद्यार्थ्यांच्या तोंडाला मास्कही घातला आहे.
विद्यार्थ्यांना आवाहन -
सध्या कोरोनाचा संसर्ग कमी नाही. त्यामुळे सर्वांनी काळजी घेणे महत्वाचे आहे. पण याचबरोबर विद्यार्थ्यांना ज्ञान तसेच जागरूक करणेही महत्त्वाचे आहे. कोरोनाविषयक सुरक्षा नियमांची अंमलबजावणी करून शाळा सुरू करावी, असे आवाहन यातून करण्यात आले आहे.


हेही वाचा - केंद्र सरकर लवकरच फ्लेक्स इंजिन पॉलिसी आणणार - नितीन गडकरी

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.