വയനാട്: മുസ്ലീം ലീഗ് നേതാവിനെ കുറിച്ചുള്ള ഡോക്യുമെന്‍ററിയിൽ നിന്ന് വനിത നേതാക്കളെ ഒഴിവാക്കിയെന്ന് പരാതി. വനിതാ ലീഗ് നേതാവ് നൂർബിന റഷീദാണ് ആരോപണം ഉന്നയിച്ചത്. വയനാട് കൽപറ്റയിൽ ശനിയാഴ്‌ച നടന്ന ഖാഇദെ മില്ലത്ത് ഫൗണ്ടേഷൻ സംഘടിപ്പിച്ച പുരസ്‌കാര സമർപ്പണ വേദിയിലായിരുന്നു പരസ്യ വിമശനമുന്നയിച്ചത്.
ഡോക്യുമെന്‍ററിയിൽ വനിതാ ലീഗിനെ ഒഴിവാക്കിയത് വനിതാ ലീഗ് നേതാവ് നൂർബിന റഷീദ് ചോദ്യം ചെയ്‌തു
പികെ അബൂബക്കറിന്‍റെ പേരിൽ നിർമിച്ച ചരിത്ര ഡോക്യുമെന്‍ററിയിൽ വനിത ലീഗിനെ ഒഴിവാക്കിയത് ഭയം മൂലമാണോ എന്ന് നൂർബിന ചോദിച്ചു. ലീഗ് പോഷക സംഘടനയല്ലെങ്കിലും കെഎം ഷാജിയുടെ നേതൃത്വത്തിൽ ജില്ലയിലെ ഒരു വിഭാഗം നേതാക്കളും പ്രവർത്തകരും ചേർന്ന് രൂപീകരിച്ചതാണ് ഖാഇദെ മില്ലത്ത് ഫൗണ്ടേഷൻ. ഇ.ടി മുഹമ്മദ് ബഷീര്‍ എം പി, കെ.പി.എ മജീദ്, എം.കെ മുനീര്‍, സി. മമ്മൂട്ടി, കെ എം ഷാജി, പി.പി.എ കരീം, കെ.കെ അഹമ്മദ് ഹാജി തുടങ്ങിയവരെല്ലാം പുരസ്‌കാര സമർപ്പണ ചടങ്ങിൽ സംബന്ധിച്ചു.
