പത്തനംതിട്ട: ശബരിമല തീർഥാടകർക്കായി കൊച്ചി നെടുമ്പാശേരി വിമാനത്താവളത്തിൽ ഇൻഫർമേഷൻ സെന്‍ററും ഹെൽപ്പ് ഡെസ്ക്കും ആരംഭിച്ചു. തിരുവിതാംകൂർ ദേവസ്വം ബോർഡ് പ്രസിഡൻ്റ് അഡ്വ. കെ അനന്തഗോപൻ ഉദ്‌ഘാടനം നിർവഹിച്ചു. ദേവസ്വം ബോർഡിന്‍റെ കീഴിലാണ് പ്രവര്‍ത്തനം.
ശബരിമല നട തുറക്കൽ, അടയ്ക്കൽ തിയ്യതികൾ തീർഥാടനത്തിൻ്റെ മറ്റ് വിശദാംശങ്ങൾ, തീർഥാടകർ അറിയേണ്ട കാര്യങ്ങള്‍ തുടങ്ങിയവ ഇൻഫർമേഷൻ സെന്‍ററിൽ നിന്നും അറിയാൻ കഴിയും. സിയാൽ ഡയറക്ടർ, ദേവസ്വം ബോർഡ് ചീഫ് എഞ്ചീനിയർ കൃഷ്ണകുമാർ, ദേവസ്വം ബോർഡ് ഹൈക്കോടതി സ്റ്റാൻഡിങ് കൗൺസിൽ അഡ്വ. ബിനു, എന്നിവർ ചടങ്ങിൽ പങ്കെടുത്തു.
