കെഇഎല്‍ ഇലക്‌ട്രിക്കല്‍ മെഷിൻസ് ശമ്പള കുടിശിക തീർക്കാൻ മനുഷ്യാവകാശ കമ്മിഷൻ ഉത്തരവ്

author img

By

Published : Nov 23, 2022, 1:21 PM IST

national human rights commission  keleml  kel electrical machines ltd  salary crisis  keleml salary crisis  latest news in kasargode  latest news today  കെല്‍ഇഎംഎല്‍  ശമ്പള കുടിശിക  ദേശീയ മനുഷ്യാവകാശ കമ്മീഷന്‍  രണ്ട് വർഷം മുമ്പ് നൽകിയ പരാതി  കാസർകോട് ഏറ്റവും പുതിയ വാര്‍ത്ത  ഇന്നത്തെ പ്രധാന വാര്‍ത്ത

കെല്‍ ഇ.എം.എൽ കമ്പനിയിൽ ശമ്പളം മുടങ്ങുകയും 2020 മാർച്ചിൽ കമ്പനി അടച്ചിടുകയും ചെയ്‌ത പശ്ചാത്തലത്തിൽ 2020 ഡിസംബർ 18നാണ് ജീവനക്കാർ മനുഷ്യാവകാശ കമ്മിഷനെ സമീപിച്ചത്.

കാസർകോട്: പൊതുമേഖല സ്ഥാപനമായ കാസർകോട്ടെ കെഇഎല്‍ ഇലക്‌ട്രിക്കല്‍ മെഷിൻസ് (കെല്‍ ഇ.എം.എൽ ) ജീവനക്കാർക്ക് നൽകാനുള്ള ശമ്പള കുടിശിക നാലാഴ്‌ചയ്‌ക്കകം നൽകണമെന്ന് ദേശീയ മനുഷ്യാവകാശ കമ്മിഷന്‍റെ ഉത്തരവ്. കമ്പനി ജീവനക്കാർ രണ്ട് വർഷം മുമ്പ് നൽകിയ പരാതിയിലാണ് മനുഷ്യാവകാശ കമ്മിഷന്‍റെ ഇടപെടൽ. കെല്‍ ഇ.എം.എൽ കമ്പനിയിൽ ശമ്പളം മുടങ്ങുകയും 2020 മാർച്ചിൽ കമ്പനി അടച്ചിടുകയും ചെയ്‌ത പശ്ചാത്തലത്തിൽ 2020 ഡിസംബർ 18നാണ് ജീവനക്കാർ മനുഷ്യാവകാശ കമ്മിഷനെ സമീപിച്ചത്.

കെൽ. ഇ. എം. എല്ലിലെ ജീവനക്കാരുടെ ശമ്പള കുടിശിക പരിഹരിക്കാന്‍ ദേശീയ മനുഷ്യാവകാശ കമ്മീഷന്‍ ഉത്തരവിട്ടു
national human rights commission  keleml  kel electrical machines ltd  salary crisis  keleml salary crisis  latest news in kasargode  latest news today  കെല്‍ഇഎംഎല്‍  ശമ്പള കുടിശിക  ദേശീയ മനുഷ്യാവകാശ കമ്മീഷന്‍  രണ്ട് വർഷം മുമ്പ് നൽകിയ പരാതി  കാസർകോട് ഏറ്റവും പുതിയ വാര്‍ത്ത  ഇന്നത്തെ പ്രധാന വാര്‍ത്ത
ദേശീയ മനുഷ്യാവകാശ കമ്മീഷന്‍റെ ഉത്തരവ്

കമ്പനി പൂട്ടിയതോടെ ഇരുന്നൂറോളം തൊഴിലാളികൾ പ്രതിസന്ധിയിലായിരുന്നു. പിന്നീട് രണ്ട് വർഷം നീണ്ട സമരങ്ങൾക്കും, നിയമ പോരാട്ടങ്ങൾക്കും ശേഷമാണ് കഴിഞ്ഞ ഏപ്രിൽ ഒന്നിന് കമ്പനി സംസ്ഥാന സർക്കാർ ഏറ്റെടുത്തത്. പൂട്ടിയിട്ട കാലത്തെ ശമ്പള കുടിശിക തീർത്ത് നൽകാമെന്ന് സർക്കാർ ഉറപ്പുനൽകിയെങ്കിലും നടപ്പിലായില്ല.

ഒടുവിൽ വിഷയത്തിൽ മനുഷ്യാവകാശ കമ്മിഷന്‍റെ ഇടപെടലുണ്ടായതിലെ ആശ്വാസത്തിലാണ് തൊഴിലാളികൾ. കമ്പനി പൂട്ടിയിട്ട കാലത്തെ ശമ്പളകുടിശ്ശിക, പി.എഫ് വിഹിതം, വിരമിച്ചവരുടെ ഗ്രാറ്റ്‌വിറ്റി ഉൾപ്പെടെയുള്ള ആനുകൂല്യങ്ങൾ നാലാഴ്‌ചയ്‌ക്കകം നൽകാനാണ് ദേശീയ മനുഷ്യാവകാശ കമ്മീഷന്‍റെ ഉത്തരവ്. വിതരണം പൂർത്തിയാക്കി ആറാഴ്ച്ചക്കകം റിപ്പോർട്ട് നൽകണമെന്നും സംസ്ഥാന ചീഫ് സെക്രട്ടറിക്ക് കമ്മിഷൻ നിർദേശം നൽകിയിട്ടുണ്ട്.

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.