കണ്ണൂർ : ധർമടത്ത് സ്ഫോടനത്തിൽ വിദ്യാർഥിക്ക് പരിക്ക്. പാലയാട് നരിവയൽ സ്വദേശിയായ 12 കാരൻ ശ്രീവർധിനാണ് പരിക്കേറ്റത്. കുട്ടിയെ തലശേരിയിലെ സ്വകാര്യ ആശുപത്രിയിൽ പ്രവേശിപ്പിച്ചു.
പാലയാട് നരിവയലിൽ സമീറിന്‍റെ വീട്ടുമുറ്റത്തുവച്ച് കളിക്കവേയായിരുന്നു അപകടം. തൊട്ടടുത്ത പാലയാട് ഡയറ്റിന്‍റെ ഹോസ്റ്റലിന്‍റെ പരിസരത്തേക്ക് ബോൾ പോയി. അതെടുക്കാൻ ചെന്ന ശ്രീവർധ് മൂന്ന് ഐസ്ക്രീം ബോളുകള്‍ കണ്ടു. അതിലൊന്ന് എടുക്കുകയും വീട്ടുമുറ്റത്തുവച്ച് കളിക്കാൻ വേണ്ടി എറിഞ്ഞപ്പോള്‍ പൊട്ടിത്തെറിക്കുകയുമായിരുന്നു.
കളിക്കുന്നതിനിടെ കിട്ടിയ ഐസ്ക്രീം ബോള്‍ എറിഞ്ഞു ; ധര്‍മടത്ത് സ്ഫോടനത്തില്‍ 12കാരന് പരിക്ക്
ഇതിന്‍റെ പ്ലാസ്റ്റിക്കിന്‍റെ കഷ്‌ണം തെറിച്ച് കുട്ടിയുടെ കൈക്കും കാലിനും വയറിനും പരിക്കേറ്റു. വിവരമറിഞ്ഞെത്തിയ നാട്ടുകാർ വിദ്യാർഥിയെ തലശേരിയിലെ സ്വകാര്യ ആശുപത്രിയിൽ പ്രവേശിപ്പിച്ചു. സംഭവ സ്ഥലത്ത് പൊലീസ് പരിശോധന നടത്തി.
