Australian Open: യോഗ്യത മത്സരത്തിൽ യൂകി ഭാംബ്രിയ്‌ക്ക് ജയം, തോൽവിയോടെ രാമനാഥനും അങ്കിതയും

author img

By

Published : Jan 11, 2022, 8:44 PM IST

Australian Open  Australian Open Qualifier  Australian Open Qualifier Yuki Bhambri moves to 2nd round  Yuki Bhambri beat Joao Domingues  ഓസ്ട്രേലിയൻ ഓപ്പണ്‍ 2022  ഓസ്ട്രേലിയൻ ഓപ്പണ്‍ യോഗ്യത മത്സരം  ഓസ്ട്രേലിയൻ ഓപ്പണിൽ യൂകി ഭാംബ്രിയ്‌ക്ക് ജയം  യൂകി ഭാംബ്രിയ്‌ക്ക് രണ്ടാം റൗണ്ടിലേക്ക്

പോർച്ചുഗല്ലിന്‍റെ ജാവോ ഡെമിൻസിനെ നേരിട്ടുള്ള സെറ്റുകൾക്കാണ് ഭാംബ്രി പരാജയപ്പെടുത്തിയത്

മെൽബണ്‍: ഓസ്ട്രേലിയൻ ഓപ്പണ്‍ ടെന്നീസ് ടൂർണമെന്‍റിലേക്കുള്ള യോഗ്യത മത്സരത്തിൽ ഇന്ത്യയുടെ യൂകി ഭാംബ്രിയ്‌ക്ക് ജയം. ആദ്യ റൗണ്ടിൽ പോർച്ചുഗല്ലിന്‍റെ ജാവോ ഡോമിംഗ്‌സിനെ നേരിട്ടുള്ള സെറ്റുകൾക്കാണ് ഭാംബ്രി പരാജയപ്പെടുത്തിയത്. സ്കോർ 6-4,6-2.

മത്സരത്തിലുടനീളം ശക്തമായ പ്രകടനമാണ് ഭാംബ്രി കാഴ്‌ചവെച്ചത്. 2009 ജുനിയർ ഓസ്ട്രേലിയൻ ഓപ്പണ്‍ ജേതാവായ ഭാംബ്രി അടുത്ത റൗണ്ടിൽ ലോക 143-ാം റാങ്കുകാരനായ ചെക്ക് റിപ്പബ്ലിക്കിന്‍റെ തോമസ് മഷാസിനെ നേരിടും.

അതേ സമയം മറ്റ് ഇന്ത്യൻ താരങ്ങളായ രാമനാഥനും, അങ്കിത റെയ്‌നയും ആദ്യ റൗണ്ടിൽ തന്നെ തോൽവിയോടെ പുറത്തായി. രാംകുമാർ രാമനാഥൻ ഇറ്റലിയുടെ മാർക്കോ മോറോണിയോട് നേരിട്ടുള്ള സെറ്റുകൾക്കാണ് പരാജയപ്പെട്ടത്.

ALSO READ: Australian Open: നൊവാക് ജോക്കോവിച്ചും ആഷ്‌ ബാർട്ടി ഒന്നാം സീഡിൽ

വനിത വിഭാഗത്തിൽ യുക്രൈൻ താരം ലെസിയ സ്യൂറെൻകോയോടാണ് അങ്കിത റെയ്‌ന തകർന്ന് തരിപ്പണമായത്. 1-6, 0-6 എന്ന സ്കോറിനാണ് ഇന്ത്യൻ താരം പരാജയപ്പെട്ടത്. ഒരു ഘട്ടത്തിൽ പോലും മുന്നേറാൻ സാധിക്കാതെയാണ് അങ്കിത യുക്രൈൻ താരത്തോട് അടിയറവ് പറഞ്ഞത്.

നേരത്തേ പുരുഷസിംഗിള്‍സില്‍ ഇന്ത്യയുടെ പ്രജ്‌നേഷ് ഗുണേശ്വരന്‍ മൂന്നാം സീഡായ കൊളംബിയയുടെ ഡാനിയേല്‍ എലാഹി ഗ്യാലനെ അട്ടിമറിച്ച് രണ്ടാം റൗണ്ടില്‍ പ്രവേശിച്ചിരുന്നു. 6-4, 6-4 എന്ന സ്‌കോറിനാണ് പ്രജ്‌നേഷിന്‍റെ വിജയം.

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.