മുംബൈ: ഐപിഎൽ 2022ലെ മെഗാ താരലേലം ബെംഗളൂരുവില്‍ വെച്ച്‌ നടക്കുമെന്ന് ഐപിഎൽ ചെയർമാൻ ബ്രിജേഷ് പട്ടേൽ അറിയിച്ചു. ഫെബ്രുവരി 12-13 തിയതികളിലാണ് ലേലം. അഹമ്മദാബാദ്- ലഖ്‌നൗ ഫ്രാഞ്ചൈസികൾക്ക് ബിസിസിഐയുടെ ഔപചാരിക അനുമതി ലഭിച്ചുവെന്നും അദ്ദേഹം അറിയിച്ചു.
മെഗാ ലേലത്തിന് മുമ്പ് മൂന്ന് കളിക്കാരെ സൈൻ ചെയ്യുന്നതിനുള്ള സമയപരിധി അഹമ്മദാബാദിലും ലഖ്‌നൗവിലും നൽകിയിട്ടുണ്ട്. ഈ ഫ്രാഞ്ചൈസികൾക്ക് തങ്ങളിലേക്ക് എത്തിക്കാൻ ആഗ്രഹിക്കുന്ന താരങ്ങളെ അന്തിമമായി തെരഞ്ഞെടുക്കാൻ രണ്ടാഴ്‌ചത്തെ സമയവും അനുവദിച്ച് നൽകിയിട്ടുണ്ട്.
ALSO READ: ISL: ഈസ്റ്റ് ബംഗാളിനെ തകർത്ത് ജംഷദ്‌പൂർ; പോയിന്‍റ് പട്ടികയിൽ ഒന്നാം സ്ഥാനത്ത്
കൂടാതെ നിലവിലെ മുഖ്യ സ്പോണ്‍സർമാരായ വിവോയ്‌ക്ക് പകരം ടാറ്റ ഗ്രൂപ്പ് എത്തിയതായും ബ്രിജേഷ് പട്ടേൽ അറിയിച്ചു. വിവോക്ക് ലീഗുമായുള്ള സ്പോണ്‍സർഷിപ്പ് കരാറിൽ ഇനിയും രണ്ട് വർഷം ബാക്കിയുണ്ട്. ആ കാലയളവിൽ ടാറ്റ പ്രധാന സ്പോണ്‍സറായി തുടരുമെന്നും അദ്ദേഹം കൂട്ടിച്ചേർത്തു.
