'വേര്‍പിരിയല്‍ സൗഹാര്‍ദ്ദപരമല്ല, ജീവിതം കഠിനമായിരുന്നു'; പ്രതികരിച്ച് സാമന്തയും നാഗ ചൈതന്യയും

Samantha reveals divorce with Naga Chaitanya: ആരാധകരുടെ പ്രിയ താര ജോഡികളായിരുന്നു തെന്നിന്ത്യന്‍ താരങ്ങളായ സാമന്ത റുത്ത് പ്രഭുവും നാഗ ചൈതന്യയും. ആരാധകരെ ഞെട്ടിച്ച് കൊണ്ടായിരുന്നു 2021ല്‍ ഇരുവരുടെയും വേര്‍പിരിയല്‍ പ്രഖ്യാപനം. ഡിവോഴ്‌സ്‌ സംയുക്ത തീരുമാനം ആയിരുന്നെങ്കിലും പിന്നാലെ സാമന്ത നിരവധി സൈബര്‍ ആക്രമണങ്ങള്‍ക്ക് ഇരയായിരുന്നു.

Samantha about divorce: ഇപ്പോഴിതാ നാഗ ചൈതന്യയുമായുള്ള വേര്‍പിരിയലിനെ കുറിച്ചുള്ള തുറന്നു പറച്ചിലുമായി എത്തിയിരിക്കുകയാണ്‌ നടി. കരണ്‍ ജോഹറിന്‍റെ കോഫി വിത്ത് കരണ്‍ സീസണ്‍ 7ലാണ് വിവാഹ മോചനത്തെ കുറിച്ചുള്ള സാമന്തയുടെ തുറന്നു പറച്ചില്‍. വേര്‍പിരിയല്‍ സൗഹാര്‍ദ്ദപരമല്ലെന്നാണ് സാമന്ത സൂചന നല്‍കിയത്.

Samantha says equation with Naga Chaitanya: താനും നാഗ ചൈതന്യയും വേര്‍പിരിഞ്ഞതിന് ശേഷം ജീവിതം കഠിനമായിരുന്നുവെന്ന് നടി പറഞ്ഞു. എന്നിരുന്നാലും താന്‍ ഇപ്പോള്‍ എന്നത്തേക്കാളും ശക്തയാണ്. ഇത് ബുദ്ധിമുട്ടാണ്. എന്നാല്‍ ഇപ്പോള്‍ അത് നല്ലതായി തോന്നുന്നു. ഞാന്‍ എന്നത്തേക്കാളും ശക്തയാണ്, സാമന്ത പറഞ്ഞു.

വിവാഹമോചനത്തിന് ശേഷം എന്തെങ്കിലും കഠിനമായ വികാരങ്ങള്‍ ഉണ്ടോ എന്ന കരണ്‍ ജോഹറിന്‍റെ ചോദ്യത്തിനുള്ള സാമന്തയുടെ മറുപടി ശ്രദ്ധേയമാണ്. 'ഞങ്ങളെ രണ്ടു പേരെയും ഒരു മുറിയില്‍ ഇരുത്തിയ ശേഷം മൂര്‍ച്ചയുള്ള വസ്‌തുക്കള്‍ ഒളിപ്പിച്ചു വയ്‌ക്കേണ്ടത് പോലുള്ള അവസ്ഥയുണ്ടാകുമോ' എന്നായിരുന്നു സാമന്തയുടെ മറുചോദ്യം.

Naga Chaitanya about divorce: അതേസമയം വിവാഹമോചനം തന്നെ ബാധിച്ചത് എങ്ങനെയെന്ന് നാഗ ചൈതന്യയും വെളിപ്പെടുത്തി. ഒരു ദേശീയ മാധ്യമത്തോടാണ് നടന്‍ മനസുതുറന്നത്. ഒരു വ്യക്തി എന്ന നിലയില്‍ താന്‍ വളരെ അധികം മാറിപ്പോയെന്നാണ് നാഗചൈതന്യ പറഞ്ഞത്. 'മുമ്പ്‌ തനിക്ക് കാര്യങ്ങള്‍ തുറന്ന് പറയാന്‍ സാധിക്കുമായിരുന്നില്ല. എന്നാല്‍ ഇപ്പോള്‍ കഴിയും. കുടുംബാംഗങ്ങളുമായും സുഹൃത്തുക്കളുമായും തനിക്ക് കൂടുതല്‍ അടുപ്പം തോന്നുന്നുണ്ട്. എന്നെ ഒരു പുതിയ വ്യക്തിയായി കാണാന്‍ സാധിക്കുന്നതില്‍ സന്തോഷമുണ്ട്‌', നടന്‍ പറഞ്ഞു.

നേരത്തെയും നാഗ ചൈതന്യ വിവാഹ മോചനത്തെ കുറിച്ച് ചില വെളിപ്പെടുത്തല്‍ നടത്തിയിരുന്നു. താരത്തിന്‍റെ ഒരു തെലുങ്ക് സിനിമയുടെ പ്രമോഷനിടെ ആയിരുന്നു തുറന്നു പറച്ചില്‍. 'പിരിഞ്ഞതില്‍ കുഴപ്പമില്ല. അത് അവരുടെ വ്യക്തിപരമായ സന്തോഷത്തിന് വേണ്ടിയുള്ള പരസ്‌പര തീരുമാനമാണ്. അവള്‍ സന്തോഷവതിയെങ്കില്‍, ഞാന്‍ സന്തോഷവാനാണ്. അത്തരമൊരു സാഹചര്യത്തില്‍ വിവാഹമോചനമാണ് ഏറ്റവും നല്ല തീരുമാനം', ഇപ്രകാരമായിരുന്നു നാഗ ചൈതന്യയുടെ പ്രതികരണം.

2021 ഒക്‌ടോബര്‍ രണ്ടിനായിരുന്നു സാമന്തയും നാഗചൈതന്യയും വേര്‍പിരിഞ്ഞത്. നാല്‌ വര്‍ഷത്തെ ദാമ്പത്യ ജീവിതത്തിന് ശേഷമാണ് ഇരുവരും വിവാഹ മോചിതരായത്. മൂന്ന് വര്‍ഷത്തെ പ്രണയത്തിനൊടുവില്‍ 2017ലായിരുന്നു വിവാഹം.