Rahul Gandhi office attack : രാഹുല്‍ ഗാന്ധിയുടെ വയനാട്ടിലെ ഓഫിസ് എസ്‌എഫ്‌ഐ പ്രവര്‍ത്തകര്‍ ആക്രമിച്ച സംഭവത്തോട് പ്രതികരിച്ച് നടന്‍മാരായ ജോയ്‌ മാത്യുവും ഹരീഷ്‌ പേരടിയും. ഫേസ്‌ബുക്കിലൂടെയായിരുന്നു ഇവരുടെ പ്രതികരണം.
Hareesh Peradi reacts on Rahul Gandhi office attack: എസ്‌എഫ്‌ഐയുടേത്‌ തികച്ചും ജനാധിപത്യവിരുദ്ധവും ജനവിരുദ്ധവുമായ നടപടിയെന്നാണ് ജോയ്‌ മാത്യു കുറിച്ചത്.
'നിങ്ങൾക്കെതിരെയുള്ള ആക്രമണം നിങ്ങളെ കൂടുതൽ പ്രകാശമുള്ളവനും പ്രതീക്ഷയുള്ളവനും ആയി മാറ്റുന്നു' - ഹരീഷ്‌ പേരടി കുറിച്ചു.
Joy Mathew on Rahul Gandhi office attack: 'ഒരു എംപിയുടെയോ എംഎൽഎയുടെയോ ഓഫിസ് എന്നാൽ അത് പൊതുജനങ്ങളുടെ സ്വത്താണ്, അവരുടെ ആശാകേന്ദ്രമാണ്. ജനപ്രതിനിധി ഏത് പാർട്ടിക്കാരനാണെങ്കിലും അയാൾ ജന സേവകനാണ്, അയാളുടെ ഓഫിസ് ജനസേവന കേന്ദ്രവുമാണ്, അങ്ങനെ ആയിരിക്കുകയും വേണം.
കേരളത്തിൽ ഏറ്റവും നല്ല രീതിയിൽ പ്രവർത്തിക്കുന്ന എംപി ഓഫിസാണ് വയനാട്ടിൽ രാഹുൽ ഗാന്ധിയുടെ ഓഫിസ്. അത് കോൺഗ്രസ്‌ പാർട്ടി ഓഫിസല്ല. പൊതുജനങ്ങൾക്ക് വേണ്ടി സേവനസജ്ജമായി നിലകൊള്ളുന്ന ഓഫിസാണ്. അത് തല്ലിത്തകർക്കുന്നത് തികച്ചും ജനാധിപത്യ വിരുദ്ധവും ജനവിരുദ്ധവുമാണ്' -ജോയ്‌ മാത്യു കുറിച്ചു.
