തിരുവനന്തപുരം: ചരിത്ര നേട്ടവുമായി കേരള സർവകലാശാല. നാക് റീ അക്രഡിറ്റേഷനിൽ A++ ഗ്രേഡ് സ്വന്തമാക്കിയാണ് കേരള സർവകലാശാല അഭിമാന നേട്ടം കുറിച്ചത്. ഐഐടി നിലവാരത്തിലുള്ള റാങ്കാണിത്. കേരളത്തിൽ ആദ്യമായാണ് ഒരു സർവകലാശാലയ്ക്ക് ഈ അംഗീകാരം ലഭിക്കുന്നത്.
അഭിമാന നേട്ടം; നാക് റീ അക്രഡിറ്റേഷനിൽ A++ ഗ്രേഡ് സ്വന്തമാക്കി കേരള സർവകലാശാല
പുതിയ നേട്ടത്തോടെ 800 കോടിയുടെ യുജിസി പദ്ധതികൾക്കുള്ള അനുമതിയാണ് കേരള സർവകലാശാലയ്ക്ക് ലഭിക്കുക. 2003ല്‍ B++ റാങ്ക് സ്വന്തമാക്കിയ കേരള സർവകലാശാല 2015 ലെ അക്രഡിറ്റേഷനിൽ 3.03 എന്ന സ്കോറോടെ A ഗ്രേഡ് നേടിയിരുന്നു. എന്നാൽ ഇത്തവണ വൻ കുതിപ്പോടെ 3.67 പോയിന്‍റ് നേടിയാണ് കേരള സർവകലാശാല A++ ഗ്രേഡ് സ്വന്തമാക്കിയത്. അഖിലേന്ത്യാ തലത്തിൽ തന്നെ ഉയർന്ന ഗ്രേഡാണിത്.
- കരിക്കുലം - 3.08
- അധ്യാപനം /ബോധനം/മൂല്യനിർണയം - 3.47
- ഗവേഷണം /കണ്ടുപിടിത്തം / അനുബന്ധ പ്രവർത്തനം - 3.52
- അടിസ്ഥാന സൗകര്യ മേഖല/പഠന സൗകര്യങ്ങളുടെ പര്യാപ്‌തത- 3.75
- സ്റ്റുഡൻ്റ്‌സ് സപ്പോർട്ട് / പ്രോഗ്രഷൻ - 3.93
- ഗവേണൻസ് / ലീഡർഷിപ്പ് / മാനേജ്‌മെൻ്റ് - 3.61
- ഇൻസ്റ്റിറ്റ്യൂഷണൽ വാല്യു ആൻഡ് ബെസ്റ്റ് പ്രാക്‌ടീസ് - 3.96 എന്നിങ്ങനെയാണ് കേരള സർവകലാശാല നേടിയ സ്‌കോറുകൾ.
വിവിധ സ്‌കോറുകളുടെ ആകെ ശരാശരിയാണ് 3.67. ഇത് ഇന്ത്യൻ ഇൻസ്റ്റിറ്റ്യൂട്ട് ഓഫ് സയൻസ് നേടിയ സ്‌കോറിന് തുല്യമാണ്.
