തൃശൂർ: ഗുരുവായൂർ ക്ഷേത്രത്തില്‍ ദർശനം നടത്തി ഇന്ത്യൻ വ്യവസായിയും റിലയൻസ് ചെയർമാനുമായ മുകേഷ് അംബാനി. ശനിയാഴ്‌ച ക്ഷേത്ര ദർശനം നടത്തിയ അംബാനി ക്ഷേത്രത്തിലെ അന്നദാന ഫണ്ടിലേക്ക് 1.51 കോടി രൂപ സംഭാവന ചെയ്‌തു. ക്ഷേത്രഭരണ സമിതിയിലെ മുതിർന്ന ജീവനക്കാർ മുകേഷ് അംബാനിയുടെ സന്ദർശനവും സംഭാവന സ്വീകരിച്ചതും സ്ഥിരീകരിച്ചു.
ഗുരുവായൂർ ക്ഷേത്ര ദർശനം നടത്തി മുകേഷ് അംബാനി
ഇളയ മകൻ ആനന്ദ് അംബാനിയുടെ പ്രതിശ്രുത വധുവും മുകേഷ് അംബാനിക്ക് ഒപ്പമുണ്ടായിരുന്നു. സന്ദർശനവേളയിൽ 50 കോടിയോളം രൂപ ചെലവ് വരുന്ന പുതിയ ആരോഗ്യകേന്ദ്രം നിർമിക്കാനുള്ള പദ്ധതി ക്ഷേത്രം ജീവനക്കാർ അംബാനിയെ അറിയിക്കുകയും സഹായം തേടുകയും ചെയ്‌തു. സഹായം പരിഗണിക്കാമെന്ന് അംബാനി മറുപടി നൽകിയതായാണ് ലഭ്യമാകുന്ന വിവരം.
