ದೇಶಿ ಮಾರುಕಟ್ಟೆಗೆ ಹೊಸ ಮರ್ಸಿಡಿಸ್ 'CLA ಎಲೆಕ್ಟ್ರಿಕ್' ಪರಿಚಯ: ಸಿಂಗಲ್​ ಚಾರ್ಜ್​ಗೆ 792 ಕಿಮೀ ಮೈಲೇಜ್!

Mercedes CLA Electric 2026: ಐಷಾರಾಮಿ ಕಾರು ತಯಾರಕ ಮರ್ಸಿಡಿಸ್-ಬೆನ್ಜ್ ಅಂತಿಮವಾಗಿ ಬಹುನಿರೀಕ್ಷಿತ ಮರ್ಸಿಡಿಸ್-ಬೆನ್ಜ್ CLA ಎಲೆಕ್ಟ್ರಿಕ್ ಸೆಡಾನ್ ಅನ್ನು ಭಾರತದ ಮಾರುಕಟ್ಟೆಗೆ ಪರಿಚಯಿಸಿದೆ. ಕಂಪನಿಯು ಈ ವರ್ಷದ ಏಪ್ರಿಲ್‌ನಲ್ಲಿ ಇದನ್ನು ಬಿಡುಗಡೆ ಮಾಡಲು ಸಿದ್ಧವಾಗಿದೆ. ಆದರೆ ಮಾರುಕಟ್ಟೆಯಲ್ಲಿ ಅದರ ಬುಕಿಂಗ್‌ಗಳು ಮಾರ್ಚ್ 10 ರಿಂದ ಪ್ರಾರಂಭವಾಗಲಿವೆ. ಆದರೆ ಕಂಪನಿಯು "2026 ಮರ್ಸಿಡಿಸ್-ಬೆನ್ಜ್ CLA" ಬೆಲೆಯನ್ನು ಇನ್ನೂ ಬಹಿರಂಗಪಡಿಸಿಲ್ಲ.

ಹೊಸ ಮರ್ಸಿಡಿಸ್-ಬೆನ್ಜ್ CLA ಕಂಪನಿಯ ಆರಂಭಿಕ ಹಂತದ ಮಾದರಿ ಶ್ರೇಣಿಯಲ್ಲಿ ICE A-ಕ್ಲಾಸ್ ಲಿಮೋಸಿನ್ ಅನ್ನು EQA ಮತ್ತು EQB EV ಗಳೊಂದಿಗೆ ಬದಲಾಯಿಸುತ್ತದೆ. ನೇಮ್​ಪ್ಲೇಟ್​ ಸಂಪೂರ್ಣ ಎಲೆಕ್ಟ್ರಿಕಲ್​ ಪವರ್‌ಟ್ರೇನ್ ಅನ್ನು ಹೊಂದಿರುವುದು ಇದೇ ಮೊದಲು, ಏಕೆಂದರೆ ಇದು 2020ರ ಆರಂಭದಲ್ಲಿ ಸ್ಥಗಿತಗೊಳ್ಳುವ ಮೊದಲು ದಹನ-ಚಾಲಿತವಾಗಿತ್ತು (Combustion-powered).

2026 ಮರ್ಸಿಡಿಸ್-ಬೆನ್ಜ್ CLA ಎಲೆಕ್ಟ್ರಿಕ್ ರೇಂಜ್​, ವಿಶೇಷಣಗಳು: ಹೊಸ CLA EV ವಿಶೇಷಣಗಳು 800-ವೋಲ್ಟ್ ಎಲೆಕ್ಟ್ರಿಕಲ್ ಆರ್ಕಿಟೆಕ್ಚರ್ ಅನ್ನು ಸಹ ಒಳಗೊಂಡಿವೆ. ಭಾರತೀಯ ಮಾರುಕಟ್ಟೆಯಲ್ಲಿ ಬಿಡುಗಡೆಯಾಗಲಿರುವ ಮೂಲ 85kWh 250+ ರೂಪಾಂತರವು WLTP ಸೈಕಲ್‌ನಲ್ಲಿ 792 ಕಿ.ಮೀ.ಗಳ ಕ್ಲೈಮ್ಡ್​ ರೇಂಜ್​ ಹೊಂದಿದೆ.

ಇದರ ಬಲವಾದ ರೇಂಜ್ ಹೆಚ್ಚಾಗಿ CLA ಎಲೆಕ್ಟ್ರಿಕ್‌ನ 93 ಪ್ರತಿಶತ ಡ್ರೈವ್‌ಟ್ರೇನ್ ದಕ್ಷತೆಯಿಂದಾಗಿ ಹೊಂದಿದೆ. ಇದರ ಏರೋಡೈನಾಮಿಕ್​ ವಿನ್ಯಾಸ ಮತ್ತು ಅತ್ಯುತ್ತಮ ಇಂಧನ ಬಳಕೆಯಿಂದ ಇದು ಸಹಾಯವಾಗುತ್ತದೆ. ನಿರ್ದಿಷ್ಟವಾಗಿ ಹೇಳುವುದಾದರೆ, ಇದು ಈಗ ಹೆಚ್ಚಿನ ಗ್ರೌಂಡ್ ಕ್ಲಿಯರೆನ್ಸ್ ಹೊಂದಿದೆ. ಇದರ ಸಸ್ಪೆನ್ಷನ್ ಅನ್ನು ರಸ್ತೆ ಪರಿಸ್ಥಿತಿಗಳಿಗೆ ವಿಶೇಷವಾಗಿ ಹೊಂದಿಸಲಾಗಿದೆ.

ಮತ್ತೊಂದು ಪ್ರಮುಖ ವೈಶಿಷ್ಟ್ಯವೆಂದರೆ ಟು-ಸ್ಪೀಡ್​ ಗೇರ್‌ಬಾಕ್ಸ್, ಇದನ್ನು ಪೋರ್ಷೆ ಟೇಕಾನ್‌ನಂತಹ ಮಾದರಿಗಳಲ್ಲಿ ಕಾಣಬಹುದು. ಆದರೆ ಹೆಚ್ಚಿನ EVಗಳು ಸಾಮಾನ್ಯವಾಗಿ ಸಿಂಗಲ್​-ಸ್ಪೀಡ್​ ರಿಡಕ್ಷನ್​ ಘಟಕವನ್ನು ಹೊಂದಿರುತ್ತವೆ. ಇದರ ಹಿಂದಿನ ಎಲೆಕ್ಟ್ರಿಕ್​ ಮೋಟಾರ್ 272 hp ಉತ್ಪಾದಿಸುತ್ತದೆ, ಇದು CLA 250+ ಅನ್ನು ಕೇವಲ 6.7 ಸೆಕೆಂಡುಗಳಲ್ಲಿ 100 kph ತಲುಪಲು ಅನುವು ಮಾಡಿಕೊಡುತ್ತದೆ.

ಚಾರ್ಜಿಂಗ್ ವಿಷಯಕ್ಕೆ ಬಂದರೆ, ಈ ಸಿಸ್ಟಮ್​ 240kW ವರೆಗಿನ ಹೈ-ಸ್ಪೀಡ್ DC ಫಾಸ್ಟ್ ಚಾರ್ಜಿಂಗ್ ಅನ್ನು ಬೆಂಬಲಿಸುತ್ತದೆ. ಸೂಕ್ತ ಪರಿಸ್ಥಿತಿಗಳಲ್ಲಿ ಈ ಬ್ಯಾಟರಿ ಕೇವಲ 20 ನಿಮಿಷಗಳ ಚಾರ್ಜ್‌ನೊಂದಿಗೆ 400 ಕಿಲೋಮೀಟರ್‌ಗಳವರೆಗೆ ಚಲಿಸುತ್ತದೆ ಎಂದು ಕಂಪನಿ ಹೇಳಿಕೊಂಡಿದೆ.

2026 ಮರ್ಸಿಡಿಸ್ CLA ಎಲೆಕ್ಟ್ರಿಕ್ ಸುರಕ್ಷತಾ ವೈಶಿಷ್ಟ್ಯಗಳು: ಮರ್ಸಿಡಿಸ್ CLA ಎಲೆಕ್ಟ್ರಿಕ್ ಅನ್ನು ಭಾರತ್ NCAP ಇನ್ನೂ ಕ್ರ್ಯಾಶ್-ಪರೀಕ್ಷೆಗೆ ಒಳಪಡಿಸಿಲ್ಲವಾದರೂ 2025 ರಲ್ಲಿ ಯುರೋ NCAP ನಿಂದ ಫುಲ್​ 5-ಸ್ಟಾರ್ ಸುರಕ್ಷತಾ ರೇಟಿಂಗ್ ಅನ್ನು ಪಡೆಯಿತು. ಮುಂಭಾಗ ಮತ್ತು ಬದಿಯ ಏರ್‌ಬ್ಯಾಗ್‌ಗಳ ಜೊತೆಗೆ ಇದು ಸೆಂಟರ್ ಏರ್‌ಬ್ಯಾಗ್ ಜೊತೆಗೆ ಕ್ಯಾಮರಾ ಮತ್ತು ರಾಡಾರ್ ಆಧಾರಿತ ಲೆವೆಲ್ 2 ADAS ಅನ್ನು ಸಹ ಒಳಗೊಂಡಿದೆ.

ಓದಿ: ಡಿಮ್ಯಾಂಡಪ್ಪೋ ಡಿಮ್ಯಾಂಡು; 85 ವರ್ಷದ ಹಳೆಯ ಮಿಲಿಟರಿ ಜೀಪ್​ ಮತ್ತೆ ಭಾರತೀಯ ಮಾರುಕಟ್ಟೆಗೆ ಲಗ್ಗೆ