ನವದೆಹಲಿ: ಮೊದಲ ಬಾರಿಗೆ ಭಾರತದಲ್ಲಿ ಪರಿಚಯಿಸಲಾದ ಗೂಗಲ್ ಮಾಲೀಕತ್ವದ ಯೂಟ್ಯೂಬ್ ಶಾರ್ಟ್ ಇದೀಗ ದೇಶದಲ್ಲಿ ಟ್ರಿಲಿಯನ್ಗಟ್ಟಲೇ ವೀಕ್ಷಣೆ ಪಡೆದಿದೆ. ದೇಶಿಯ ಕ್ರಿಯೇಟರ್ಗಳ ಸ್ಥಳೀಯ ಟ್ರೇಡ್ಗೆ ಅನುಸಾರವಾಗಿ ಪ್ರೇರಿತ ವಿಡಿಯೋಗಳನ್ನು ಇದರಲ್ಲಿ ಅಪ್ಲೋಡ್ ಮಾಡುತ್ತಿದ್ದಾರೆ ಎಂದು ಯೂಟ್ಯೂಬ್ನ ಸಿಇಒ ನೀಲ್ ಮೋಹನ್ ತಿಳಿಸಿದ್ದಾರೆ.
ಭಾರತೀಯ ಕ್ರಿಯೇಟರ್ಗಳು ಇದರ ಮೂಲಕ ಕೇವಲ ವಿಡಿಯೋವನ್ನು ಹಂಚಿಕೊಳ್ಳುತ್ತಿಲ್ಲ. ಅವರು ಜಗತ್ತಿಗೆ ಭಾರತದ ಸಂಸ್ಕೃತಿಯನ್ನು ರವಾನಿಸುತ್ತಿದ್ದಾರೆ. 11 ಸಾವಿರಕ್ಕೂ ಹೆಚ್ಚಿನ ಭಾರತೀಯ ಚಾನಲ್ಗಳು ಮಿಲಿಯನ್ಗಟ್ಟಲೇ ಸಬ್ಸ್ಕ್ರೈಬರ್ಗಳನ್ನು ಹೊಂದಿದ್ದಾರೆ. ಈ ಚಂದಾದಾರರು ಸಂಖ್ಯೆ ವರ್ಷದಿಂದ ವರ್ಷಕ್ಕೆ ಹೆಚ್ಚಾಗುತ್ತಲೇ ಇದ್ದಾರೆ ಎಂದು ಅವರು ಮಾಹಿತಿ ಹಂಚಿಕೊಂಡಿದ್ದಾರೆ.
ರಾಷ್ಟ್ರರಾಜಧಾನಿಯಲ್ಲಿ ಯೂಟ್ಯೂಬ್ ಆಯೋಜಿಸಿದ್ದ ಬ್ರಾಂಡ್ಕ್ಯಾಸ್ಟ್ 2024 ಕಾರ್ಯಕ್ರಮದಲ್ಲಿ ಅವರು ಮಾತನಾಡಿದರು. ಸಮಯ ಬದಲಾಗಿದೆ. ಇದೀಗ ಕ್ರಿಯೇಟರ್ಗಳು ಹೊಸ ಎ ಲಿಸ್ಟ್ನಲ್ಲಿದ್ದಾರೆ. ಯೂಟ್ಯೂಬ್ನಲ್ಲಿ ತಮ್ಮ ಹಾಸ್ಯದ ಪ್ರಯಾಣ ಆರಂಭಿಸಿದ ಪ್ರಜಕ್ತಾ ಕೋಲಿ ಇದೀಗ ನೆಟ್ಫ್ಲಿಕ್ನ ಸೀರಿಸ್ನಲ್ಲಿ ತಮ್ಮದೇ ಪಾತ್ರ ನಿರ್ವಹಿಸುವ ಜೊತೆಗೆ ಬಾಲಿವುಡ್ ಪ್ರವೇಶಕ್ಕೆ ಸಜ್ಜಾಗಿದ್ದಾರೆ. 9 ವರ್ಷದ ಹಿಂದೆ ಯೂಟ್ಯೂಬ್ ಸೇರಿದ ಪಂಜಾಬಿ ಕಲಾವಿದ ದಿಲ್ಜಿತ್ ದೋಸಾಂಜ್ ಕೋಚೆಲ್ಲಾದಲ್ಲಿ ಪ್ರದರ್ಶನ ತೋರಿದ್ದಾರೆ.
ಕ್ರಿಯೇಟರ್ಸ್ ಮತ್ತು ಕಲಾವಿದರು ಉದ್ಯಮದ ತಂತ್ರ, ಬರವಣಿಗೆ, ನಿರ್ಮಾಣ ಮತ್ತು ಕಂಟೆಂಟ್ ಸೃಷ್ಟಿಸುವ ಜವಾಬ್ದಾರಿಯನ್ನು ಹೊಂದಿದ್ದು, ಜನರು ಪ್ರೀತಿಯಿಂದ ಇವುಗಳನ್ನು ನೋಡುತ್ತಿದ್ದಾರೆ. ಯೂಟ್ಯೂಬ್ನ ಬೆಳವಣಿಗೆಯ ಚಾಲಕರಾಗಿ ಅವರು ಕಾರ್ಯ ನಿರ್ವಹಿಸುತ್ತಿದ್ದಾರೆ. ಭಾರತದಲ್ಲಿ ಮೊದಲ ಸ್ಥಾನ ತಲುಪಿದ್ದು, ಇದೀಗ ಯೂಟ್ಯೂಬ್ ಹೆಚ್ಚಿನ ವಾಚ್ಟೈಮ್ ಆಗಿದೆ ಎಂದರು.
ಲಕ್ಷಾಂತರ ಜನರು ಹಿಂದಿ, ಬೆಂಗಾಲಿ, ಮರಾಠಿ ಮತ್ತು ಇತರ ಅವರ ನೆಚ್ಚಿನ ಭಾಷೆಗಳಲ್ಲಿ ಅವರ ಇಷ್ಟದ ಕಾಮಿಡಿಯನ್ಸ್ಗಳನ್ನು ಯೂಟ್ಯೂಬ್ನಲ್ಲಿ ವೀಕ್ಷಿಸುತ್ತಿದ್ದಾರೆ. ಅಭಿಮಾನಿಗಳು ವೀಕ್ಷಣೆ ಮಾಡುವುದರ ಜೊತೆಗೆ ಜಗತ್ತಿನೆಲ್ಲೆಡೆ ನಡೆಯುವ ತಮ್ಮ ನೆಚ್ಚಿನ ಹಾಸ್ಯಕಲಾವಿದ ವೇದಿಕೆ ಕಾರ್ಯಕ್ರಮಕ್ಕೆ ಟಿಕೆಟ್ ಕೊಳ್ಳುತ್ತಿದ್ದಾರೆ. ಈ ಚಾನಲ್ಗಳು ಭಾರತದಲ್ಲೂ ಶುರುವಾಗಿದ್ದು, ಇದೀಗ ಜಾಗತಿಕ ಮಟ್ಟದಲ್ಲಿ ಸದ್ದು ಮಾಡುತ್ತಿದೆ. ಅವರ ಅಭಿಮಾನಿಗಳನ್ನು ಆಸ್ಟ್ರೇಲಿಯಾದಿಂದ ಅಮೆರಿಕದವರೆಗೆ ಎಲ್ಲೆಡೆ ಕಾಣಬಹುದಾಗಿದೆ.
ಕಳೆದ ವರ್ಷದ ಕ್ರಿಕೆಟ್ ವಿಡಿಯೋಗಳು 50 ಬಿಲಿಯನ್ ವೀಕ್ಷಣೆ ಕಂಡಿವೆ. ಟಿ20 ವಿಶ್ವಕಪ್ನ ಗೆಲುವಿನ ಲೈವ್ಸ್ಟ್ರೀಮ್ ವಾಚ್ಲಾಂಗ್ಗಳಂತಹ ಕ್ರಿಕೆಟ್ ಜಗತ್ತಿನ ವಿಡಿಯೋಗಳು ತನ್ನದೇ ಸಮುದಾಯಗಳನ್ನು ಸೃಷ್ಟಿಸಿಕೊಂಡಿವೆ. ಅದರಲ್ಲಿ ಐಪಿಎಲ್ ಪಂದ್ಯದ ಮರುಸೃಷ್ಟಿ, ಟಿ20 ವರ್ಲ್ಡ್ಕಪ್ ಗೆಲುವು, ಆಟಗಾರರ ಆಫ್ ಫೀಲ್ಡ್ ವಿಡಿಯೋ ಅವರ ಮದುವೆಯಂತಹ ವಿಷಯಾಧಾರಿತ ವಿಡಿಯೋಗಳು ಹೆಚ್ಚು ಸದ್ದು ಮಾಡಿದೆ.
ಟಿವಿಯೊಂದಿಗೆ ಸಂಪರ್ಕ ಹೊಂದಿರುವ ಯೂಟ್ಯೂಬ್ ಅತಿ ಹೆಚ್ಚು ವೀಕ್ಷಣಾ ಸೇವೆಯನ್ನು ಹೊಂದಿದೆ. ಕಳೆದ 3 ವರ್ಷಗಳಲ್ಲಿ ಭಾರತದಲ್ಲಿ ಟಿವಿ ಸಂಪರ್ಕಿತ ಯೂಟ್ಯೂಬ್ ವೀಕ್ಷಣೆ ನಾಲ್ಕುಪಟ್ಟು ಹೆಚ್ಚಾಗಿದೆ. ಯೂಟ್ಯೂಬರ್, ವೀಕ್ಷಕರ ಕ್ರಿಯಾತ್ಮಕತೆ ಬಲಗೊಳಿಸಲು ಎಐ ಸಾಧನವನ್ನು ಪರಿಚಯಿಸಲಾಗಿದೆ. ಕಳೆದ ತಿಂಗಳಷ್ಟೇ ನಾವು ಇಲ್ಲಿ ಡ್ರೀಮ್ಸ್ಕ್ರೀನ್ ಪ್ರಾರಂಭಿಸಿದ್ದೇವೆ ಎಂದು ಮಾಹಿತಿ ನೀಡಿದರು.
ಇದನ್ನೂ ಓದಿ: ಹಾಕಿಕೊಳ್ಳುವ ಬೂಟಿನಲ್ಲಿ ಕರೆಂಟ್ ಉತ್ಪಾದನೆ!!: ನಡೆದಾಗ ವಿದ್ಯುತ್ ಉತ್ಪಾದಿಸುವ ಶೂ ತಯಾರಿಸಿದ ಐಐಟಿ ಇಂದೋರ್
