WhatsApp New Feature: ತನ್ನ ಬಳಕೆದಾರರನ್ನು ಆಕರ್ಷಿಸಲು ಮತ್ತು ಹೆಚ್ಚು ಸಂತಸಗೊಳಿಸಲು ವಾಟ್ಸ್ಆ್ಯಪ್ ಆಗಾಗ್ಗೆ ಹೊಸ - ಹೊಸ ಫೀಚರ್ಗಳನ್ನು ಪರಿಚಯಿಸುತ್ತಲೇ ಇರುತ್ತದೆ. ಈ ಮೆಸೇಜಿಂಗ್ ಅಪ್ಲಿಕೇಶನ್‌ಗೆ ಆನ್ಲೈನ್ ಇಂಟಿಕೇಟರ್, ಈವೆಂಟ್ ಅಪ್ಡೇಟ್ಸ್, ಹೈಲೈಟ್ ನೋಟಿಫಿಕೇಶನ್ ಮತ್ತು ಡಾಕ್ಯುಮೆಂಟ್ ಸ್ಕ್ಯಾನಿಂಗ್‌ನಂತಹ ವೈಶಿಷ್ಟ್ಯಗಳನ್ನು ಸೇರಿಸಲಾಗಿದೆ. ಈ ಬಗ್ಗೆ ತಿಳಿದುಕೊಳ್ಳೊಣ ಬನ್ನಿ.
ವಾಟ್ಸ್ಆ್ಯಪ್ ಕಾಲಕಾಲಕ್ಕೆ ಅನೇಕ ಅದ್ಭುತ ವೈಶಿಷ್ಟ್ಯಗಳೊಂದಿಗೆ ಬರುತ್ತಲೇ ಇರುತ್ತದೆ. ಇತ್ತೀಚೆಗೆ, ಈ ವೈಯಕ್ತಿಕ ಮೆಸೇಜಿಂಗ್ ಆ್ಯಪ್ ಇಂತಹ ಹಲವು ವೈಶಿಷ್ಟ್ಯಗಳನ್ನು ಸೇರಿಸಲಾಗಿದೆ. ಇದರಿಂದಾಗಿ ಇದರ ಬಳಕೆ ಇನ್ನಷ್ಟು ಸುಲಭ ಮತ್ತು ಹೆಚ್ಚು ಮೋಜಿನದಾಗಿದೆ. ನೀವು ಈ ವೈಶಿಷ್ಟ್ಯಗಳನ್ನು ಬಳಸಿದರೆ, WhatsApp ಕೇವಲ ಸಂದೇಶ ಕಳುಹಿಸುವ ಅಪ್ಲಿಕೇಶನ್ ಆಗುವುದಿಲ್ಲ, ನಿಮಗೆ ಬೇರೆಯೇ ಅನುಭವ ನೀಡುತ್ತದೆ.
ವಾಟ್ಸ್ಆ್ಯಪ್ನಲ್ಲಿ ಕಾಣುತ್ತೆ ಆನ್ಲೈನ್ ಸ್ಟೇಟಸ್: ವಾಟ್ಸ್ಆ್ಯಪ್ ಹೊಸ ಅಪ್ಡೇಟ್ ನಂತರ ಯಾವುದೇ ಗ್ರೂಪ್ ಚಾಟ್ನಲ್ಲಿ ಎಷ್ಟು ಜನರು ಆನ್‌ಲೈನ್‌ನಲ್ಲಿದ್ದಾರೆ ಎಂಬುದನ್ನು ನೀವು ಈಗ ನೋಡಲು ಸಾಧ್ಯವಾಗುತ್ತದೆ. ಇದಕ್ಕೂ ಮೊದಲು ಗ್ರೂಪ್ನಲ್ಲಿ ಯಾರು ಆನ್‌ಲೈನ್‌ನಲ್ಲಿದ್ದಾರೆಂದು ತಿಳಿದಿರಲಿಲ್ಲ. ಇದು ನಿಮ್ಮ ಗ್ರೂಪ್ ಚಾಟ್ ಅನುಭವವನ್ನು ಸುಧಾರಿಸುತ್ತದೆ.
ವಾಟ್ಸಾಆ್ಯಪ್ನಲ್ಲಿ ಗ್ರೂಪ್ ನೋಟಿಫಿಕೇಶನ್ ಮ್ಯಾನೇಜ್: ನೀವು ವಾಟ್ಸ್ಆ್ಯಪ್ ಗ್ರೂಪ್ನಲ್ಲಿ ಬಹಳಷ್ಟು ಮೆಸೇಜ್ಗಳನ್ನು ಸ್ವೀಕರಿಸಿದರೆ ಮತ್ತು ನಿಮಗೆ ಬೇಕಾದ ಸಂದೇಶಗಳನ್ನು ಕಂಡು ಹಿಡಿಯುವುದು ನಿಮಗೆ ತಲೆನೋವಾಗಿದ್ದರೆ, ನೀವು ಹೈಲೈಟ್ ನೋಟಿಫಿಕೇಶನ್ ಫೀಚರ್ ಬಳಸಬಹುದು. ಅದನ್ನು ಆನ್ ಮಾಡಿದ ನಂತರ ನಿಮ್ಮನ್ನು ಉಲ್ಲೇಖಿಸಿರುವ ಯಾವುದೇ ಗುಂಪಿನಲ್ಲಿ ಹೈಲೈಟ್ ಮಾಡಲಾದ ನೋಟಿಫಿಕೇಶನ್ಗಳನ್ನು ನೀವು ಕಾಣುತ್ತೀರಿ. ಇದು ಲಾಂಗ್ ಗ್ರೂಪ್ ಚಾಟ್‌ಗಳಲ್ಲಿ ನೀವು ಕೇಳಲು ಬಯಸುವ ಸಂಭಾಷಣೆ ತ್ವರಿತವಾಗಿ ಹುಡುಕಲು ನಿಮಗೆ ಸುಲಭಗೊಳಿಸುತ್ತದೆ.
Tappable Reactions: ಬಳಕೆದಾರರು ಈಗ ಇತರರು ಯಾವ ರೀಯಾಕ್ಷನ್ ಬಳಸಿದ್ದಾರೆ ಎಂಬುದನ್ನು ನೋಡಬಹುದು ಮತ್ತು ಅದೇ ಪ್ರತಿಕ್ರಿಯೆಯನ್ನು ತಕ್ಷಣವೇ ನೀಡಲು ಆ ರೀಯಾಕ್ಷನ್ ಅನ್ನು ಟ್ಯಾಪ್ ಮಾಡಬಹುದಾಗಿದೆ.
ಐಫೋನ್‌ಗಾಗಿ ವಾಟ್ಸ್ಆ್ಯಪ್ನಲ್ಲಿ ವಿಶೇಷ ವೈಶಿಷ್ಟ್ಯ: ನೀವು ಐಫೋನ್ ಬಳಕೆದಾರರಾಗಿದ್ದರೆ.. ವಾಟ್ಸ್ಆ್ಯಪ್ ನಿಮಗಾಗಿ ಒಂದು ವಿಶೇಷ ವೈಶಿಷ್ಟ್ಯವನ್ನು ಸೇರಿಸಿದೆ. ಅಟ್ಯಾಚ್ ಐಕಾನ್ ಮೇಲೆ ಕ್ಲಿಕ್ ಮಾಡುವ ಮೂಲಕ ನೀವು WhatsApp ನಿಂದ ಡೈರೆಕ್ಟ್ ಆಗಿ ಡಾಕ್ಯುಮೆಂಟ್ ಸ್ಕ್ಯಾನ್ ಮಾಡಲು ಸಾಧ್ಯವಾಗುತ್ತದೆ. ಅಟ್ಯಾಚ್ ಮಾಡಲಾದ ಫೈಲ್ ಅನ್ನು ನೀವು ಟ್ಯಾಪ್ ಮಾಡಿದಾಗ ನಿಮಗೆ ಸ್ಕ್ಯಾನ್ ಡಾಕ್ಯುಮೆಂಟ್ ಎಂಬ ಆಯ್ಕೆ ಸಿಗುತ್ತದೆ. ಈ ವೈಶಿಷ್ಟ್ಯವು ಪ್ರಸ್ತುತ ಐಫೋನ್ ಬಳಕೆದಾರರಿಗೆ ಮಾತ್ರ ಲಭ್ಯವಿದೆ ಎಂಬುದು ಗಮನಾರ್ಹ..
ಡೀಫಾಲ್ಟ್ ಅಪ್ಲಿಕೇಶನ್ ಆಗಿ ಮಾಡಿ ವಾಟ್ಸ್ಆ್ಯಪ್: ಐಫೋನ್ ಬಳಕೆದಾರರು ಈಗ ವಾಟ್ಸ್ಆ್ಯಪ್ ಅನ್ನು ತಮ್ಮ ಡೀಫಾಲ್ಟ್ ಮೆಸೇಜಿಂಗ್ ಮತ್ತು ಕಾಲಿಂಗ್ ಅಪ್ಲಿಕೇಶನ್ ಆಗಿ ಬಳಸಬಹುದು. ಬಳಕೆದಾರರು ಸೆಟ್ಟಿಂಗ್‌ಗಳಿಗೆ ಹೋಗುವ ಮೂಲಕ ಈ ಸೆಟ್ಟಿಂಗ್ ಅನ್ನು ಆನ್ ಮಾಡಬಹುದು. ನಂತರ ಅವರ ಐಫೋನ್‌ನಲ್ಲಿ ವಾಟ್ಸ್ಆ್ಯಪ್ ಡೀಫಾಲ್ಟ್ ಕಾಲಿಂಗ್ ಮತ್ತು ಮೆಸೇಜ್ ಕಳುಹಿಸುವ ಅಪ್ಲಿಕೇಶನ್ ಆಗಿ ಕಾರ್ಯನಿರ್ವಹಿಸುತ್ತದೆ. ಐಫೋನ್‌ನಲ್ಲಿ ವಾಟ್ಸ್ಆ್ಯಪ್ ಹೆಚ್ಚಾಗಿ ಬಳಸುವ ಬಳಕೆದಾರರಿಗೆ ಇದು ಅನುಕೂಲಕರವಾಗಿರುತ್ತದೆ. ಇದಾದ ನಂತರ, ಅವರ ಕರೆ ಮತ್ತು ಸಂದೇಶ ಕಳುಹಿಸುವ ಕೆಲಸವು ವಾಟ್ಸ್ಆ್ಯಪ್ ಅಪ್ಲಿಕೇಶನ್ ಮೂಲಕ ಮಾತ್ರ ಮಾಡಲಾಗುತ್ತದೆ.
ವಿಡಿಯೋ ಕಾಲ್ಸ್ಗೆ ಜೂಮ್ ಆಪ್ಶನ್: ನೀವು ಐಫೋನ್ ಬಳಕೆದಾರರಾಗಿದ್ದರೆ ನಿಮ್ಮ ಸ್ವಂತ ಅಥವಾ ನಿಮ್ಮ ಗೆಳೆಯರ ವಿಡಿಯೋ ಹತ್ತಿರದಿಂದ ನೋಡಲು ನೀವು ವಿಡಿಯೋ ಕಾಲ್ನಲ್ಲಿದ್ದಾಗ ಜೂಮ್ ಮಾಡಬಹುದು.
ಚಾಟ್‌ನಿಂದ ಕಾಲ್ ಆ್ಯಡ್ ಮಾಡಿ: ಚಾಟ್ ಥ್ರೆಡ್‌ನಿಂದ ನೇರವಾಗಿ ನಡೆಯುತ್ತಿರುವ 1:1 ಕರೆಗೆ ಯಾರನ್ನಾದರೂ ಸೇರಿಸಲು ನೀವು ಬಯಸಿದರೆ, ಮೇಲ್ಭಾಗದಲ್ಲಿರುವ ಕಾಲ್ ಐಕಾನ್ ಟ್ಯಾಪ್ ಮಾಡಿ ಮತ್ತು 'Add to Call' ಆಯ್ಕೆಮಾಡಿ.
ವಿಡಿಯೋ ಕರೆಗಳು ಸುಲಭ: ವಾಟ್ಸ್ಆ್ಯಪ್ ಈಗ ತನ್ನ ವಿಡಿಯೋ ಕಾಲ್ ಟೆಕ್ನಾಲಜಿ ಹೆಚ್ಚು ವಿಶ್ವಾಸಾರ್ಹ ಮತ್ತು ಉತ್ತಮ ಗುಣಮಟ್ಟದ್ದಾಗಿ ಅಪ್ಡೇಟ್ ಮಾಡಿದೆ. ಕಂಪನಿಯ ರೂಟಿಂಗ್ ವ್ಯವಸ್ಥೆಯು ಡ್ರಾಪ್ಡ್ ಕಾಲ್ಸ್ ಮತ್ತು ವಿಡಿಯೋ ಫ್ರೀಜಿಂಗ್ ಅನ್ನು ಕಡಿಮೆ ಮಾಡಲು ಉತ್ತಮ ಸಂಪರ್ಕ ಮಾರ್ಗವನ್ನು ಕಂಡುಕೊಳ್ಳುತ್ತದೆ. ಈ ವರ್ಧಿತ ಬ್ಯಾಂಡ್‌ವಿಡ್ತ್ ಪತ್ತೆ ಮಾಡಿ ನಿಮ್ಮ ವಿಡಿಯೋ ಕರೆಗಳನ್ನು HD ಗುಣಮಟ್ಟಕ್ಕೆ ಅಪ್‌ಗ್ರೇಡ್ ಮಾಡಲು ಸಹಾಯ ಮಾಡುತ್ತದೆ.
ಚಾನೆಲ್‌ಗಳಿಗಾಗಿ ವಿಡಿಯೋ ನೋಟ್ಸ್: WhatsApp ಚಾನೆಲ್ ನಿರ್ವಾಹಕರು ಈಗ ತಮ್ಮ ಫಾಲೋವರ್ಸ್ನೊಂದಿಗೆ ಶಾರ್ಟ್ ವಿಡಿಯೋಗಳನ್ನು (60 ಸೆಕೆಂಡುಗಳವರೆಗೆ ಸೀಮಿತ) ತಕ್ಷಣ ರೆಕಾರ್ಡ್ ಮಾಡಬಹುದು ಮತ್ತು ಶೇರ್ ಮಾಡಿಕೊಳ್ಳಬಹುದು.
ಚಾನೆಲ್‌ಗಳಲ್ಲಿನ ಟ್ರಾನ್ಸ್ಸ್ಕ್ರಿಪ್ಟ್ಸ್: ಚಾಟ್‌ಗಳಂತೆಯೇ, ಬಳಕೆದಾರರು ಆತುರದಲ್ಲಿದ್ದಾಗ ಮತ್ತು ಸಂದೇಶವನ್ನು ಕೇಳಲು ಸಾಧ್ಯವಾಗದಿದ್ದಾಗ WhatsApp ಚಾನೆಲ್‌ಗಳಲ್ಲಿ ಧ್ವನಿ ಸಂದೇಶಗಳ ಲಿಖಿತ ಸಾರಾಂಶವನ್ನು ಈಗ ಪಡೆಯಬಹುದು.
QR ಕೋಡ್‌ಗಳು: WhatsApp ಚಾನೆಲ್ ನಿರ್ವಾಹಕರು ಈಗ QR ಕೋಡ್ ಅನ್ನು ಹಂಚಿಕೊಳ್ಳಬಹುದು. ಇದು ಹೊಸ ಬಳಕೆದಾರರನ್ನು ತಮ್ಮ ಚಾನಲ್‌ಗೆ ನಿರ್ದೇಶಿಸುತ್ತದೆ. ನಿರ್ವಾಹಕರು ತಮ್ಮ ಪ್ರೇಕ್ಷಕರನ್ನು ಸುಲಭವಾಗಿ ಶೇರ್ ಮಾಡಲು ಮತ್ತು ಬೆಳೆಸಲು ಅನುವು ಮಾಡಿಕೊಡುತ್ತದೆ.
ಓದಿ: ಎಕ್ಸ್ 200 ಸೀರಿಸ್, ಹೊಸ ಟ್ಯಾಬ್ಲೆಟ್ಸ್, ಸ್ಮಾರ್ಟ್ವಾಚ್ ಬಿಡುಗಡೆಗೆ ಸಜ್ಜುಗೊಂಡಿದೆ ವಿವೋ! ಯಾವಾಗ ಗೊತ್ತಾ?
