ಯುವಕರನ್ನು ಹುಚ್ಚೆಬ್ಬಿಸುವ ಹಯಾಬುಸಾ ಈಗ ಹೊಸರೂಪದಲ್ಲಿ ಎಂಟ್ರಿ: ಇದರ ಬೆಲೆ, ಫೀಚರ್ಸ್​ ಹೀಗಿವೆ

Suzuki Hayabusa Launched: ಸುಜುಕಿ ಮೋಟಾರ್‌ಸೈಕಲ್ ಇಂಡಿಯಾ ತನ್ನ ಅಪ್​ಡೇಟ್ಡ್​ 'ಸುಜುಕಿ ಹಯಾಬುಸಾ'ವನ್ನು ಬಿಡುಗಡೆ ಮಾಡಿದೆ. ಈ ಬೈಕ್​ನ ಫೀಚರ್ಸ್​, ಬೆಲೆ ಸೇರಿದಂತೆ ಇತರೆ ಮಾಹಿತಿಗಳ ವಿವರ ಇಲ್ಲಿದೆ.

Suzuki Hayabusa Launched: ಸುಜುಕಿ ಮೋಟಾರ್‌ಸೈಕಲ್ ಇಂಡಿಯಾ ತನ್ನ ಅಪ್​ಡೇಟೆಟ್​​​ '2025 ಸುಜುಕಿ ಹಯಾಬುಸಾ' ಬೈಕ್ ಅನ್ನು ದೇಶಿಯ ಮಾರುಕಟ್ಟೆಗೆ ಪರಿಚಯಿಸಿದೆ. ಈ ಮೋಟಾರ್ ಸೈಕಲ್ ಅನ್ನು ಇತ್ತೀಚೆಗೆ ಜಾಗತಿಕ ಮಾರುಕಟ್ಟೆಯಲ್ಲಿ ಬಿಡುಗಡೆ ಮಾಡಲಾಯಿತು. ಈಗ ಕಂಪನಿಯು ಅದನ್ನು ಭಾರತಕ್ಕೂ ತಂದಿದೆ. ಈ ನಾವಿನ್ಯ​​​ ಮಾದರಿಯು ಅಡ್ವಾನ್ಸ್ಡ್​ ಫೀಚರ್ಸ್​ ಮತ್ತು ಹೊಸ ಕಲರ್​ ಆಪ್ಶನ್​ ಅನ್ನು ಪರಿಚಯಿಸುತ್ತದೆ. ಇದರ ಜೊತೆಗೆ, ಇದರ ಎಂಜಿನ್ ಈಗ OBD2 ಕಂಪ್ಲೈಂಟ್ ಆಗಿದೆ.

2025 ಸುಜುಕಿ ಹಯಾಬುಸಾ ಹೊಸ ಕಲರ್​ ಆಪ್ಶನ್: ಕಂಪನಿಯು '2025 ಸುಜುಕಿ ಹಯಾಬುಸಾ' ಅನ್ನು ಮೂರು ಹೊಸ ಬಣ್ಣ ಆಯ್ಕೆಗಳಲ್ಲಿ ಪರಿಚಯಿಸಿದೆ.

• ಮೆಟಾಲಿಕ್ ಮ್ಯಾಟ್ ಸ್ಟೀಲ್ ಗ್ರೀನ್​/ಗ್ಲಾಸ್​ ಸ್ಪಾರ್ಕಲ್ ಬ್ಲ್ಯಾಕ್​
• ಗ್ಲಾಸ್ ಸ್ಪಾರ್ಕಲ್ ಬ್ಲ್ಯಾಕ್/ಮೆಟಾಲಿಕ್ ಮ್ಯಾಟ್ ಟೈಟಾನಿಯಂ ಸಿಲ್ವರ್
• ಮೆಟಾಲಿಕ್​ ಮಿಸ್ಟಿಕ್ ಸಿಲ್ವರ್/ಪರ್ಲ್ ವಿಗರ್ ಬ್ಲೂ

ಕಲರ್​ ಆಯ್ಕೆಗಳ ಜೊತೆಗೆ ಕಂಪನಿಯು ತನ್ನ ಇನ್​ಸ್ಟ್ರುಮೆಂಟ್​ ಕ್ಲಸ್ಟರ್ ಅನ್ನು ಸಹ ಅಪ್​ಡೇಟ್​ ಮಾಡಿದೆ. ಇದು ಮಧ್ಯದಲ್ಲಿ TFT ಸ್ಕ್ರೀನ್​ನೊಂದಿಗೆ ಅನಲಾಗ್ ಡಯಲ್‌ಗಳನ್ನು ಹೊಂದಿದೆ.

ಹಯಾಬುಸಾ ಬೈಕ್​ (Photo Credit- Suzuki Motorcycle India)

ಸುಜುಕಿ ಹಯಾಬುಸಾ ಹೊಸ ಫೀಚರ್ಸ್​: ಈ ಬೈಕ್‌ನ ಹೊಸ ವೈಶಿಷ್ಟ್ಯಗಳ ವಿಷಯಕ್ಕೆ ಬಂದರೆ, ಕಂಪನಿಯು ತನ್ನ ಲಾಂಚ್​ ಕಂಟ್ರೋಲ್​ ಸಿಸ್ಟಮ್​ ಮತ್ತು ಕ್ರೂಸ್ ಕಂಟ್ರೋಲ್​ ಸಿಸ್ಟಮ್​ ಅಪ್​ಡೇಟ್​ ಮಾಡಿದೆ. ಇದರ ಜೊತೆಗೆ, ಬೆಸ್ಟ್​ ಎಫೆಕ್ಟಿವ್​ನೆಸ್​ಗಾಗಿ ಲಾಂಚ್​ ಕಂಟ್ರೋಲ್​ ಮೋಡ್ ಎಂಜಿನ್ ವೇಗವನ್ನು ಸಹ ನವೀಕರಿಸಲಾಗಿದೆ. ಈಗ ಇದು ಬೈ-ಡೈರೆಕ್ಷನಲ್​ ಕ್ವಿಕ್​ ಶಿಫ್ಟ್​ ಸಿಸ್ಟಮ್​ ಅನ್ನು ಉಪಯೋಗಿಸಿ ರೈಡರ್​ ಗೇರ್‌ಗಳನ್ನು ಬದಲಾಯಿಸದಿದ್ರೆ ಈ ಬೈಕ್‌ನ ಹೊಸ ಸ್ಮಾರ್ಟ್ ಕ್ರೂಸ್ ಕಂಟ್ರೋಲ್ ಆ್ಯಕ್ಟಿವೇಟ್​ ಆಗುವುದಿಲ್ಲ.

ಸುಜುಕಿ ಹಯಾಬುಸಾ ಪವರ್‌ಟ್ರೇನ್: ಈ ಅಪ್​ಡೇಟ್ಡ್​ ಮಾದರಿಯು ಅದೇ 1,340cc, ಇನ್-ಲೈನ್ 4-ಸಿಲಿಂಡರ್ ಫ್ಯೂಯಲ್​-ಇಂಜೆಕ್ಟೆಡ್, ಲಿಕ್ವಿಡ್-ಕೂಲ್ಡ್ DOHC ಎಂಜಿನ್ ಅನ್ನು ಬಳಸುತ್ತದೆ. ಈ ಎಂಜಿನ್ ಗರಿಷ್ಠ 190 ಬಿಎಚ್‌ಪಿ ಪವರ್ ಮತ್ತು 150 ಎನ್ಎಂ ಟಾರ್ಕ್ ಉತ್ಪಾದಿಸುತ್ತದೆ. ಈ ಎಂಜಿನ್ ಬೈ-ಡೈರೆಕ್ಷನಲ್​ ಕ್ವಿಕ್‌ಶಿಫ್ಟರ್‌ನೊಂದಿಗೆ 6-ಸ್ಪೀಡ್ ಯೂನಿಟ್ ಗೇರ್‌ಬಾಕ್ಸ್‌ಗೆ ಜೋಡಿಸಲಾಗಿದೆ.

ಹಯಾಬುಸಾ ಬೈಕ್​ (Photo Credit- Suzuki Motorcycle India)

ಸುಜುಕಿ ಹಯಾಬುಸಾ ವೈಶಿಷ್ಟ್ಯಗಳು: ಅಪ್​ಡೇಟೆಡ್​ ಲಾಂಚ್​ ಕಂಟ್ರೋಲ್​, ಸ್ಮಾರ್ಟ್ ಕ್ರೂಸ್ ಕಂಟ್ರೋಲ್​ ಜೊತೆಗೆ ಈ ಬೈಕ್ ಹಿಲ್ ಹೋಲ್ಡ್ ಕಂಟ್ರೋಲ್, ಸ್ಲೋಪ್ ಡಿಪೆಂಡೆಂಟ್ ಕಂಟ್ರೋಲ್ ಸಿಸ್ಟಮ್, ಕಂಬೈನ್ಡ್​ ಬ್ರೇಕಿಂಗ್ ಸಿಸ್ಟಮ್, ಲೋ-RPM ಅಸಿಸ್ಟ್, ಸುಜುಕಿ ಈಸಿ ಸ್ಟಾರ್ಟ್ ಸಿಸ್ಟಮ್ ಮತ್ತು ಸ್ಪೀಡ್​ ಲಿಮಿಟರ್​ನಂತಹ ವೈಶಿಷ್ಟ್ಯಗಳೊಂದಿಗೆ ಬರುತ್ತದೆ.

ಹಯಾಬುಸಾ ಬೈಕ್​ (Photo Credit- Suzuki Motorcycle India)

ಬೆಲೆ ಮತ್ತು ಇತರೆ ವಿವರಗಳು: ಇವುಗಳ ಜೊತೆಗೆ ಇದು ಆಂಟಿ-ಲಿಫ್ಟ್ ಕಂಟ್ರೋಲ್ ಸಿಸ್ಟಮ್, ಟ್ರಾಕ್ಷನ್ ಕಂಟ್ರೋಲ್, ರೈಡಿಂಗ್ ಮೋಡ್ ಆ್ಯಂಡ್​ ಪವರ್​ ಮೋಡ್​ ಎಂಬ ಮೂರು ಸೆಟ್ಟಿಂಗ್​ಗಳಿಂದ ಎಂಜಿನ್ ಬ್ರೇಕ್ ಕಂಟ್ರೋಲ್ ಇದೆ. ಅಷ್ಟೇ ಅಲ್ಲ ಇದು TFT ಸ್ಕ್ರೀನ್​, ಫುಲ್​ LED ಲೈಟಿಂಗ್​ನಿಂದ ಅನಲಾಗ್ ಕ್ಲಸ್ಟರ್ ಅನ್ನು ಸಹ ಒಳಗೊಂಡಿದೆ. ಕಂಪನಿಯು ಈ ಅಪ್​ಡೇಟ್ಡ್​ ಮಾದರಿಯನ್ನು 16.90 ಲಕ್ಷ ರೂ. (ಎಕ್ಸ್ ಶೋ ರೂಂ) ಬೆಲೆಗೆ ಬಿಡುಗಡೆ ಮಾಡಿದೆ.

ಓದಿ: ಕೇವಲ ₹75 ಸಾವಿರಕ್ಕೆ ಸ್ಪೋರ್ಟಿ ಇ-ಬೈಕ್ ರೋಡ್‌ಸ್ಟರ್ ಎಕ್ಸ್: ಖುದ್ದಾಗಿ ಟ್ರಯಲ್​ ಮಾಡಿದ ಓಲಾ ಸಿಇಒ