ಹೊಸ ಎಲೆಕ್ಟ್ರಿಕ್​ ಎಸ್​ಯುವಿ ಬೆಲೆ ರಿವೀಲ್​ ಮಾಡಿದ ಮಹೀಂದ್ರಾ: ಅಬ್ಬಬ್ಬಾಂದ್ರೆ ಎಷ್ಟಿರಬಹುದು?

Mahindra Electric SUV Booking Open: ಮಹೀಂದ್ರಾ BE6 ಮತ್ತು ಮಹೀಂದ್ರಾ XEV 9e ಬುಕಿಂಗ್ ಪ್ರಾರಂಭವಾಗಿದೆ. ಇವೆರಡೂ ಹೊಸ ಎಲೆಕ್ಟ್ರಿಕ್ ಎಸ್‌ಯುವಿಗಳಾಗಿವೆ.

Mahindra Eelectric SUV Booking Open: ದೇಶಿಯ ಕಾರು ತಯಾರಕ ಮಹೀಂದ್ರಾ ಆ್ಯಂಡ್​ ಮಹೀಂದ್ರಾ ಇತ್ತೀಚೆಗೆ ತನ್ನ ಎರಡು ಹೊಸ ಎಲೆಕ್ಟ್ರಿಕ್ ವಾಹನಗಳನ್ನು ಬಿಡುಗಡೆ ಮಾಡಿದೆ. ಇವುಗಳನ್ನು ನವೆಂಬರ್ 2024ರಲ್ಲಿ 'XEV 9E' ಮತ್ತು 'BE 6' ಎಂಬ ಹೆಸರಿನಲ್ಲಿ ಬಿಡುಗಡೆ ಮಾಡಿತ್ತು. ಎಲೆಕ್ಟ್ರಿಕ್ ಎಸ್​ಯುವಿಗಳ ಬೆಲೆಗಳನ್ನು ಇತ್ತೀಚೆಗೆ ಬಹಿರಂಗಪಡಿಸಿದೆ.

ಹೊಸ ಎಲೆಕ್ಟ್ರಿಕ್ ಕಾರುಗಳಿಗೆ ಬುಕಿಂಗ್ಸ್​ ಆರಂಭ: ಗ್ರಾಹಕರು ಇವುಗಳನ್ನು ಆನ್‌ಲೈನ್ ಮತ್ತು ಆಫ್‌ಲೈನ್‌ನಲ್ಲಿ ಬುಕ್ ಮಾಡಬಹುದು. ಮಹೀಂದ್ರಾ ಒದಗಿಸಿದ ಮಾಹಿತಿ ಪ್ರಕಾರ, ಮಾರುಕಟ್ಟೆಯಲ್ಲಿ ಎಲೆಕ್ಟ್ರಿಕ್ ಕಾರುಗಳ ಬುಕಿಂಗ್ ಫೆಬ್ರವರಿ 14, 2025ರಂದು ಬೆಳಗ್ಗೆ 8 ಗಂಟೆಯಿಂದ ಪ್ರಾರಂಭವಾಗಿದೆ. ಆದರೂ ಕಂಪನಿಯು ಇವುಗಳ ಡೆಲಿವರಿಯನ್ನು ನಂತರ ಪ್ರಾರಂಭಿಸುತ್ತದೆ. ಡೆಲಿವರಿಯ ಸಮಯಸೂಚಿಗಳು ಈ ಕೆಳಗಿನಂತಿವೆ.

ಪ್ಯಾಕ್ ಒನ್ ಮತ್ತು ಪ್ಯಾಕ್ ಒನ್ ಅಬೋವ್ ಡೆಲಿವರಿಗಳು ಆಗಸ್ಟ್​ದಿಂದ ಪ್ರಾರಂಭ. ಪ್ಯಾಕ್ ತ್ರೀ ಸೆಲೆಕ್ಟ್ ರೂಪಾಂತರದ ಡೆಲಿವರಿಗಳು ಜೂನ್​ನಲ್ಲಿ ಪ್ರಾರಂಭ. ಆದರೆ ಪ್ಯಾಕ್ ಟು ರೂಪಾಂತರವು ಜುಲೈನಲ್ಲಿ ಪ್ರಾರಂಭವಾಗುತ್ತದೆ. ಆದ್ರೆ ಪ್ಯಾಕ್ ತ್ರೀ ಡೆಲಿವರಿ ಮಾರ್ಚ್ 2025ರಿಂದ ಪ್ರಾರಂಭವಾಗಲಿದೆ.

ಮಹೀಂದ್ರಾ BE6 ಮತ್ತು XEV 9e ರೂಪಾಂತರಗಳು: ಮಹೀಂದ್ರಾ BE6 ಕಾರು 5 ರೂಪಾಂತರಗಳಲ್ಲಿ ಬಿಡುಗಡೆಯಾಗಿದೆ. ಮಾರುಕಟ್ಟೆಯಲ್ಲಿ ಇದರ ಬೆಲೆ ರೂ.18.90 ಲಕ್ಷ ರೂ.ಗಳಿಂದ (ಎಕ್ಸ್ ಶೋ ರೂಂ) ಪ್ರಾರಂಭವಾಗುತ್ತದೆ. ಇದರ ಉನ್ನತ ರೂಪಾಂತರದ ಬೆಲೆ ರೂ. 26.90 ಲಕ್ಷ (ಎಕ್ಸ್ ಶೋ ರೂಂ) ಇದೆ.

ಕಂಪನಿಯು ತನ್ನ XEV 9e ಕಾರನ್ನು 4 ರೂಪಾಂತರಗಳಲ್ಲಿ ಬಿಡುಗಡೆ ಮಾಡಿದೆ. ಇದರ ಬೆಲೆ ರೂ. 21.90 ಲಕ್ಷದಿಂದ (ಎಕ್ಸ್ ಶೋ ರೂಂ) ಪ್ರಾರಂಭವಾಗುತ್ತದೆ. ಇದರ ಉನ್ನತ ರೂಪಾಂತರದ ಬೆಲೆ ರೂ. 30.50 ಲಕ್ಷ (ಎಕ್ಸ್ ಶೋ ರೂಂ) ದವರೆಗೆ ಇದೆ.

ಮಾರುಕಟ್ಟೆಯಲ್ಲಿ ಪ್ರತಿಸ್ಪರ್ಧಿಗಳು: ಈ ಎರಡು ಮಹೀಂದ್ರಾ ಕಾರುಗಳು ಹುಂಡೈ ಕ್ರೆಟಾ ಇವಿ, ಟಾಟಾ ಕರ್ವ್ ಇವಿ, ಎಂಜಿ ವಿಂಡ್ಸರ್ ಇವಿ ಮುಂತಾದ ಕಾರುಗಳಿಗೆ ಕಠಿಣ ಸ್ಪರ್ಧೆಯನ್ನು ನೀಡಬಲ್ಲವು.

ಮಹೀಂದ್ರಾ BE6 ಮತ್ತು XEV 9e ವಿಶೇಷತೆಗಳು:

ಫೀಚರ್ಸ್​	ಮಹೀಂದ್ರಾ BE6	ಮಹೀಂದ್ರಾ XEV 9e
ಬ್ಯಾಟರಿ ಆಪ್ಷನ್​	59 kWh, 79 kWh	59 kWh, 79 kWh
ರೇಂಜ್​	556 km (59 kWh), 682 km (79 kWh)	542 km (59 kWh), 656 km (79 kWh)
ಮೋಟಾರ್​ ಪವರ್​	210 kW	210 kW
ಗರಿಷ್ಟ ಟಾರ್ಕ್​	380 Nm	380 Nm
ಚಾರ್ಜಿಂಗ್​ ಟೈಮ್​ (DC)	20 min (20-80%)	20 min (20-80%)
ಚಾರ್ಜಿಂಗ್​ ಟೈಮ್ (AC)	8-11.7 hours (0-100%)	8-11.7 hours (0-100%)
ಆಯಾಮಗಳು (L x W x H)	4371 mm x 1907 mm x 1627 mm	4371 mm x 1907 mm x 1627 mm
ಗ್ರೌಂಡ್​ ಕ್ಲಿಯೆರೆನ್ಸ್​	207 mm	207 mm
ಸೀಟಿಂಗ್​ ಕೆಪಾಸಿಟಿ	5	5
ಬೂಟ್​ ಸ್ಪೇಸ್​	455 liters	455 liters
ಪ್ರಮುಖ ಫೀಚರ್ಸ್​	12.3-ಇಂಚಿನ ಡ್ಯೂಯಲ್​ ಸ್ಕ್ರೀನ್​ ಪನೋರಮಿಕ್​ ರೂಫ್​ ವೈರ್​ಲೆಸ್​ ಫೋನ್​ ಚಾರ್ಜರ್​ ಡ್ರೈವರ್​ ಡ್ರೋಜ್ನಿಸ್​ ಗುರುತು	43-ಇಂಚ್​ ಫ್ಲೋಟಿಂಗ್​ ಸ್ಕ್ರೀನ್​ ಹರ್ಮನ್ ಕಾರ್ಡನ್ ಸೌಂಡ್ ಸಿಸ್ಟಂ ಹೆಡ್-ಅಪ್ ಡಿಸ್​ಪ್ಲೇ ಆಟೋ ಪಾರ್ಕಿಂಗ್ ಅಸಿಸ್ಟ್​ PawPal ಮೋಡ್​ NFC ಕೀ ಆಂಬಿಯೆಂಟ್ ಲೈಟ್ನಿಂಗ್ ಇನ್​-ಕೇಬಲ್ ಸೆಲ್ಫಿ ಕ್ಯಾಮೆರಾ
ಬೆಲೆ	₹18.90 - ₹26.90 ಲಕ್ಷಗಳು (ಎಕ್ಸ್ ​ಶೋರೂಂ ಬೆಲೆ)	₹21.90 - ₹30.50 ಲಕ್ಷಗಳು (ಎಕ್ಸ್ ​ಶೋರೂಂ ಬೆಲೆ)

ಇದನ್ನೂ ಓದಿ: ಭಲೇ ಫೀಚರ್ಸ್​ ಪರಿಚಯಿಸಿದ ವಾಟ್ಸ್‌ಆ್ಯಪ್:​ ರಂಗು ರಂಗಿನಿಂದ ಕೂಡಿದ ಚಾಟ್​​ ಬಾಕ್ಸ್​!