ಗ್ರಾಹಕರಿಗೆ ಸಿಹಿ ಸುದ್ದಿ ನೀಡಿದ ದೂರಸಂಪರ್ಕ ಇಲಾಖೆ! ಟೆಲಿಕಾಂ ಬಳಕೆದಾರರು ಫುಲ್​ ಖುಷ್​!!

DoT New Rule: ದೂರಸಂಪರ್ಕ ಇಲಾಖೆ ಟೆಲಿಕಾಂ ಗ್ರಾಹಕರಿಗೆ ಸಿಹಿ ಸುದ್ದಿ ನೀಡಿದೆ. ಇನ್ಮುಂದೆ ನೀವು ಯಾವುದೇ ನೆಟ್​ವರ್ಕ್​ನಿಂದ ಪ್ರಿಪೇಯ್ಡ್‌ನಿಂದ ಪೋಸ್ಟ್‌ಪೇಯ್ಡ್‌ಗೆ ಅಥವಾ ಪೋಸ್ಟ್‌ಪೇಯ್ಡ್‌ನಿಂದ ಪ್ರಿಪೇಯ್ಡ್‌ಗೆ ಬದಲಾಯಿಸುವುದನ್ನು ಸುಲಭಗೊಳಿಸಿದೆ.

DoT New Rule: ದೂರಸಂಪರ್ಕ ಇಲಾಖೆ ಮೊಬೈಲ್ ಬಳಕೆದಾರರಿಗೆ ಶುಭ ಸುದ್ದಿ ನೀಡಿದೆ. ಜಿಯೋ, ಏರ್‌ಟೆಲ್, BSNL ಮತ್ತು ವೋಡಾಫೋನ್​ ಐಡಿಯಾ ಸೇರಿದಂತೆ ಯಾವುದೇ ನೆಟ್‌ವರ್ಕ್‌ಗಳಾಗಿರಲಿ ಪ್ರಿಪೇಯ್ಡ್‌ನಿಂದ ಪೋಸ್ಟ್‌ಪೇಯ್ಡ್‌ಗೆ ಅಥವಾ ಪೋಸ್ಟ್‌ಪೇಯ್ಡ್‌ನಿಂದ ಪ್ರಿಪೇಯ್ಡ್‌ಗೆ ಬದಲಾಯಿಸುವುದನ್ನು ಸುಲಭಗೊಳಿಸುತ್ತದೆ.

ಎಕ್ಸ್​ನಲ್ಲಿ ಪೋಸ್ಟ್​: ಈ ನಿರ್ಧಾರದ ಬಗ್ಗೆ ದೂರಸಂಪರ್ಕ ಇಲಾಖೆ ತನ್ನ ಅಧಿಕೃತ ‘ಎಕ್ಸ್’ ಹ್ಯಾಂಡಲ್‌ನಲ್ಲಿ ತಿಳಿಸಿದ್ದು, ಬಳಕೆದಾರರು ಈಗ ತಮ್ಮ ಅಸ್ತಿತ್ವದಲ್ಲಿರುವ ಮೊಬೈಲ್ ಸಂಪರ್ಕವನ್ನು 30 ದಿನಗಳಲ್ಲಿ ಮಾತ್ರ ಬದಲಾಯಿಸಲು ಸಾಧ್ಯವಾಗುತ್ತದೆ ಎಂದು ಹೇಳಿದೆ. ಇದಕ್ಕಾಗಿ ಅವರು ಸಂಬಂಧಪಟ್ಟ ಟೆಲಿಕಾಂ ಕಂಪನಿಯ ಸ್ಟೋರ್​ಗೆ ಹೋಗಿ OTP ಮೂಲಕ KYC ಪ್ರಕ್ರಿಯೆಯನ್ನು ಪೂರ್ಣಗೊಳಿಸಬೇಕಾಗುತ್ತದೆ.

📱 Switching between Prepaid ↔️ Postpaid got easier through OTP!

⏱️ Cooling-off period for first-time reconversion reduced from 90 days to 30 days.

🔁 Need to switch sooner? Use KYC at PoS or authorized outlets! pic.twitter.com/kWbPcGsanZ

— DoT India (@DoT_India) June 12, 2025

ಹೊಸ ನಿಯಮ: ಸೆಪ್ಟೆಂಬರ್ 21, 2021 ರಂದು ಜಾರಿಗೆ ತಂದ ಹಳೆಯ ನಿಯಮದಲ್ಲಿ ಕನೆಕ್ಷನ್​ ಬದಲಾಯಿಸಲು ಬಳಕೆದಾರರು 90 ದಿನಗಳವರೆಗೆ ಕಾಯಬೇಕಾಗಿತ್ತು. ಆದರೆ ಈಗ ಈ ಕೂಲಿಂಗ್ ಅವಧಿಯನ್ನು 30 ದಿನಗಳಿಗೆ ಇಳಿಸಲಾಗಿದೆ. ಕಳಪೆ ನೆಟ್‌ವರ್ಕ್ ಅಥವಾ ಸೇವೆಯಿಂದಾಗಿ ಕನೆಕ್ಷನ್​ ಅನ್ನು ಬದಲಾಯಿಸಲು ಬಯಸುವ ಬಳಕೆದಾರರಿಗೆ ಇದು ಪರಿಹಾರವನ್ನು ನೀಡುತ್ತದೆ. ಅವರು ಇನ್ನು ಮುಂದೆ ಮೂರು ತಿಂಗಳವರೆಗೆ ಕಾಯಬೇಕಾಗಿಲ್ಲ.

ಮೊದಲ ಬಾರಿಗೆ 30 ದಿನಗಳ ವಿನಾಯಿತಿ: ಈ ನಿಯಮವು ಪ್ರಿಪೇಯ್ಡ್‌ನಿಂದ ಪೋಸ್ಟ್‌ಪೇಯ್ಡ್‌ಗೆ ಅಥವಾ ಪೋಸ್ಟ್‌ಪೇಯ್ಡ್‌ನಿಂದ ಪ್ರಿಪೇಯ್ಡ್‌ಗೆ ಮೊದಲ ಬಾರಿಗೆ ಬದಲಾಯಿಸುವವರಿಗೆ ಮಾತ್ರ ಅನ್ವಯಿಸುತ್ತದೆ. ಇದರರ್ಥ ಬಳಕೆದಾರರು ಮೊದಲ ಬಾರಿಗೆ ಯೋಜನೆಯನ್ನು ಬದಲಾಯಿಸಲು ಕೇವಲ 30 ದಿನಗಳು ಕಾಯಬೇಕಾಗುತ್ತದೆ.

ಪುನರಾವರ್ತಿತ ಬದಲಾವಣೆಗಳಿಗೆ ನಿಯಮವೇನು?: ಬಳಕೆದಾರರು ಮತ್ತೆ ಯೋಜನೆಯನ್ನು ಬದಲಾಯಿಸಲು ಬಯಸಿದರೆ, ಕೊನೆಯ ಬದಲಾವಣೆಯ 90 ದಿನಗಳ ನಂತರ ಮಾತ್ರ OTP ಆಧಾರಿತ ಪ್ರಕ್ರಿಯೆಯ ಮೂಲಕ ಬದಲಾವಣೆಗಳನ್ನು ಮಾಡಲು ಅವರಿಗೆ ಅವಕಾಶ ನೀಡಲಾಗುತ್ತದೆ. ಕನೆಕ್ಷನ್​ ಅನ್ನು ಬದಲಾಯಿಸುವ ಮೊದಲು ಪ್ರತಿ ಬಾರಿಯೂ ಈ ನಿಯಮದ ಬಗ್ಗೆ ಗ್ರಾಹಕರಿಗೆ ತಿಳಿಸುವಂತೆ ಟೆಲಿಕಾಂ ಕಂಪನಿಗಳಿಗೆ ಸೂಚಿಸಲಾಗಿದೆ.

30 ಅಥವಾ 90 ದಿನಗಳ ಅವಧಿ ಮುಗಿಯುವ ಮೊದಲು ಬಳಕೆದಾರರು ಮತ್ತೆ ಸೇವೆಯನ್ನು ಬದಲಾಯಿಸಲು ಬಯಸಿದರೆ.. ಅವರು KYC ಪ್ರಕ್ರಿಯೆಯನ್ನು ಪೂರ್ಣಗೊಳಿಸಬೇಕು. ಬಳಕೆದಾರರ ಅನುಕೂಲವನ್ನು ಗಮನದಲ್ಲಿಟ್ಟುಕೊಂಡು DOT ಯ ಈ ಹೊಸ ನಿಯಮವನ್ನು ತರಲಾಗಿದೆ. ಇದರಿಂದಾಗಿ ಮೊಬೈಲ್ ಸೇವೆಯನ್ನು ಬದಲಾಯಿಸುವುದು ಈಗ ಎಂದಿಗಿಂತಲೂ ಸುಲಭ ಮತ್ತು ವೇಗವಾಗಿದೆ.

ಓದಿ: ರಾಯಲ್​ ಎನ್​ಫೀಲ್ಡ್​ ಹಿಮಾಲಯನ್​ 750, ಎಲೆಕ್ಟ್ರಿಕ್​ ಬೈಕ್​ ಫೋಟೋ ರಿಲೀಸ್​!; ಪರ್ವತಗಳಲ್ಲಿ ಫುಲ್​ ಟೆಸ್ಟಿಂಗ್​!!