CMF Buds 2 Series Launched: CMF ಬೈ ನಥಿಂಗ್ ಭಾರತದಲ್ಲಿ ತನ್ನ 'CMF ಫೋನ್ 2 ಪ್ರೊ' TWS ಇಯರ್‌ಫೋನ್‌ಗಳನ್ನು ಬಿಡುಗಡೆ ಮಾಡಿದೆ. ಭಾರತದಲ್ಲಿ ನಡೆದ ಲಾಂಚ್ ಇವೆಂಟ್ ನಲ್ಲಿ ಕಂಪನಿಯು ಇವುಗಳನ್ನು ಜಾಗತಿಕವಾಗಿ ಬಿಡುಗಡೆ ಮಾಡಿತು. ಈ ಸಿರೀಸ್ನಲ್ಲಿ ಕಂಪನಿಯು 'CMF ಬಡ್ಸ್ 2a', 'CMF ಬಡ್ಸ್ 2', ಮತ್ತು 'CMF ಬಡ್ಸ್ 2 ಪ್ಲಸ್' ಎಂಬ ಮೂರು ಮಾದರಿಗಳನ್ನು ಪರಿಚಯಿಸಿದೆ. CMF ತಂದಿರುವ ಈ ಹೊಸ ಬಡ್ಸ್ ಸಿರೀಸ್ ಬೆಲೆ ರೂ. 2199 ರಿಂದ ಪ್ರಾರಂಭವಾಗುತ್ತದೆ. ಇದರ ಬೆಲೆ ಮತ್ತು ವೈಶಿಷ್ಟ್ಯಗಳ ಕುರಿತಾದ ಮಾಹಿತಿ ಇಲ್ಲಿದೆ.
CMFನ ಹೊಸ ಇಯರ್‌ಫೋನ್‌ಗಳು 50dBವರೆಗಿನ ನಾಯ್ಸ್ ಕ್ಯಾನ್ಸಿಲೇಷನ್ (ANC) ಅನ್ನು ಸಪೋರ್ಟ್ ಮಾಡುತ್ತದೆ. ಇವುಗಳು ಆಯಾ ಚಾರ್ಜಿಂಗ್ ಕೇಸ್‌ಗಳೊಂದಿಗೆ ಒಟ್ಟು 61.5 ಗಂಟೆಗಳ ಬ್ಯಾಟರಿ ಅವಧಿಯನ್ನು ನೀಡುತ್ತವೆ. ಈ ಹೊಸ TWS ಇಯರ್‌ಫೋನ್‌ಗಳು ನಥಿಂಗ್ ಎಕ್ಸ್ ಅಪ್ಲಿಕೇಶನ್‌ನೊಂದಿಗೆ ಹೊಂದಿಕೊಳ್ಳುತ್ತವೆ. ಡ್ಯುಯಲ್-ಡಿವೈಸ್ ಕನೆಕ್ಟಿವಿಟಿಗೆ ಸಪೋರ್ಟ್ ಮಾಡುತ್ತವೆ. ಈ ಇಯರ್‌ಬಡ್‌ಗಳು 'CMF ಬಡ್ಸ್ ಪ್ರೊ 2' ನಂತೆಯೇ ಡಿಸೈನ್ ಹೊಂದಿವೆ. ಇವುಗಳನ್ನು ಕಳೆದ ವರ್ಷ ಜುಲೈನಲ್ಲಿ ಭಾರತದಲ್ಲಿ ಬಿಡುಗಡೆ ಮಾಡಲಾಯಿತು.
Nothing like the new CMF arrivals.
— CMF by Nothing (@cmfbynothing) April 28, 2025
Meet CMF Phone 2 Pro. Refined in performance, wonderful by design.
And the next-generation of the Buds family. Here to elevate your sound, wherever you are in your audio journey.
Pre-order now. pic.twitter.com/xKl0PakdqB
CMF 'ಬಡ್ಸ್ 2a', 'ಬಡ್ಸ್ 2', 'ಬಡ್ಸ್ 2 ಪ್ಲಸ್' ಬೆಲೆಗಳು:
- CMF ಬಡ್ಸ್ 2a ಬೆಲೆ: ರೂ. 2,199
- CMF ಬಡ್ಸ್ 2 ಬೆಲೆ: ರೂ. 2,699
- CMF ಬಡ್ಸ್ 2 ಪ್ಲಸ್ ಬೆಲೆ: ರೂ. 3,299
CMF 'ಬಡ್ಸ್ 2a', 'ಬಡ್ಸ್ 2', 'ಬಡ್ಸ್ 2 ಪ್ಲಸ್' ಕಲರ್ ಆಪ್ಶನ್:
CMF ಬಡ್ಸ್ 2a ಕಲರ್ ಆಪ್ಶನ್ಸ್:
- ಆರೆಂಜ್
- ಲೈಟ್ ಗ್ರೇ
- ಡಾರ್ಕ್ ಗ್ರೇ
CMF ಬಡ್ಸ್ 2 ಕಲರ್ ಆಪ್ಶನ್ಸ್:
- ಲೈಟ್ ಗ್ರೀನ್
- ಡಾರ್ಕ್ ಗ್ರೇ
- ಆರೆಂಜ್
CMF ಬಡ್ಸ್ 2 ಪ್ಲಸ್ ಕಲರ್ ಆಪ್ಶನ್ಸ್:
- ಲೈಟ್ ಗ್ರೇ
- ಬ್ಲ್ಯೂ
ಮಾರಾಟದ ವಿವರಗಳು: ಈ TWS ಇಯರ್‌ಬಡ್ಸ್ ಭಾರತದಲ್ಲಿ ಫ್ಲಿಪ್‌ಕಾರ್ಟ್ ಮೂಲಕ ಚಿಲ್ಲರೆ ಮಾರಾಟಕ್ಕೆ ಲಭ್ಯವಿದೆ.
CMF ಬಡ್ಸ್ 2a: ಈ ಮಾದರಿಯ ಇಯರ್‌ಬಡ್‌ಗಳು ಟ್ರಾನ್ಸಪರೆನ್ಸಿ ಮೋಡ್‌ನೊಂದಿಗೆ 42dB ANC, ಡೆರಾಗ್ ಟ್ಯೂನಿಂಗ್‌ನೊಂದಿಗೆ 12.4mm ಬಯೋ-ಫೈಬರ್ ಡ್ರೈವರ್, ಅಲ್ಟ್ರಾ ಬಾಸ್ ಟೆಕ್ನಾಲಾಜಿ 2.0, ಕ್ಲಿಯರ್ ವಾಯ್ಸ್ ತಂತ್ರಜ್ಞಾನದೊಂದಿಗೆ 4 HD ಮೈಕ್‌ಗಳು ಮತ್ತು ನಥಿಂಗ್ X ಅಪ್ಲಿಕೇಶನ್ ಮೂಲಕ ಪ್ರವೇಶಿಸಬಹುದಾದ 110ms ಲೋ-ಲೇಟೆನ್ಸಿ ಮೋಡ್ ಅನ್ನು ಒಳಗೊಂಡಿದೆ. ಇದಲ್ಲದೆ, ಈ TWS ಇಯರ್‌ಬಡ್ಸ್ ಡಸ್ಟ್ ಮತ್ತು ವಾರ್ ರೆಸಿಸ್ಟೆನ್ಸಿಗಾಗಿ IP54 ರೇಟಿಂಗ್ ಹೊಂದಿವೆ.
ಈ TWS ಇಯರ್‌ಬಡ್ಸ್ ANC ಆಫ್ ಮಾಡಿದ ನಂತರವೂ 8 ಗಂಟೆಗಳ ಕಾಲ ಬಳಸಬಹುದು ಎಂದು ಕಂಪನಿ ಹೇಳುತ್ತದೆ. ಚಾರ್ಜಿಂಗ್ ಕೇಸ್‌ನೊಂದಿಗೆ ಈ 'ಬಡ್ಸ್ 2a' ಮಾದರಿಯು 35.5 ಗಂಟೆಗಳ ಬ್ಯಾಟರಿ ಲೈಫ್ ನೀಡುತ್ತದೆ. ಈ ಇಯರ್‌ಬಡ್ಸ್ 43mAh ಬ್ಯಾಟರಿಯನ್ನು ಹೊಂದಿವೆ. ಆದರೂ ಚಾರ್ಜಿಂಗ್ ಕೇಸ್ 460mAh ಬ್ಯಾಟರಿಯನ್ನು ಹೊಂದಿದೆ. ಇದು ಫಾಸ್ಟ್ ಚಾರ್ಜಿಂಗ್ ಅನ್ನು ಸಪೋರ್ಟ್ ಮಾಡುತ್ತದೆ. ಕೇವಲ 10 ನಿಮಿಷಗಳ ಚಾರ್ಜ್‌ನಿಂದ ಅವುಗಳನ್ನು 5.5 ಗಂಟೆಗಳ ಕಾಲ ಬಳಸಬಹುದು.
CMF ಬಡ್ಸ್ 2: ಈ 'CMF ಬಡ್ಸ್ 2' 48dB ಹೈಬ್ರಿಡ್ ANC ಸಪೋರ್ಟ್, ಡೈರಾಕ್ ಆಪ್ಟಿಯೊ ತಂತ್ರಜ್ಞಾನದೊಂದಿಗೆ 11mm PMI ಡ್ರೈವರ್‌ಗಳು, ಅಲ್ಟ್ರಾ ಬಾಸ್ ಟೆಕ್ನಾಲಾಜಿ 2.0, ಸ್ಪೇಷಿಯಲ್ ಆಡಿಯೋ ಎಫೆಕ್ಟ್ ಟೆಕ್ನಾಲಾಜಿ, ಕ್ಲಿಯರ್ ವಾಯ್ಸ್ ಟೆಕ್ನಾಲಾಜಿ 3.0 ಹೊಂದಿರುವ 6 HD ಮೈಕ್ಸ್, ವಿಂಡ್ ನಾಯ್ಸ್ ರಿಡಕ್ಷನ್ 3.0, ನಥಿಂಗ್ X ಅಪ್ಲಿಕೇಶನ್‌ನೊಂದಿಗೆ 110ms ವರೆಗೆ ಲೋ-ಲೇಟೆನ್ಸಿ ಮೋಡ್‌ನಂತಹ ವೈಶಿಷ್ಟ್ಯಗಳನ್ನು ಹೊಂದಿದೆ. ಇದು ಡಸ್ಟ್ ಮತ್ತು ಸ್ಪ್ಲಾಶ್ ರೆಸಿಸ್ಟೆನ್ಸಿಗಾಗಿ IP55 ರೇಟಿಂಗ್ ಹೊಂದಿದೆ.
ANC ಆಫ್ ಮಾಡಿದ ನಂತರವೂ ಈ TWS ಇಯರ್‌ಫೋನ್‌ಗಳನ್ನು 8 ಗಂಟೆಗಳ ಕಾಲ ಬಳಸಬಹುದು ಎಂದು ಕಂಪನಿ ಹೇಳಿಕೊಂಡಿದೆ. ಈ ಮಾದರಿಯು ಚಾರ್ಜಿಂಗ್ ಕೇಸ್‌ನೊಂದಿಗೆ 55 ಗಂಟೆಗಳ ಬ್ಯಾಟರಿ ಲೈಫ್ ಅನ್ನು ನೀಡುತ್ತದೆ. ಈ ಇಯರ್‌ಫೋನ್ಸ್ 53mAh ಬ್ಯಾಟರಿಯೊಂದಿಗೆ ಬರುತ್ತವೆ. ಚಾರ್ಜಿಂಗ್ ಕೇಸ್ 460mAh ಬ್ಯಾಟರಿಯೊಂದಿಗೆ ಬರುತ್ತದೆ. ಇದು ಸಹ ಫಾಸ್ಟ್ ಚಾರ್ಜಿಂಗ್ ಸಪೋರ್ಟ್ ಮಾಡುತ್ತದೆ. ಅವುಗಳನ್ನು 10 ನಿಮಿಷಗಳ ಚಾರ್ಜಿಂಗ್ ನಂತರ 5.5 ಗಂಟೆಗಳ ಕಾಲ ಬಳಸಬಹುದು.
CMF ಬಡ್ಸ್ 2 ಪ್ಲಸ್: ಇವು ಸ್ಮಾರ್ಟ್ ಅಡಾಪ್ಟಿವ್ ಮೋಡ್‌ನೊಂದಿಗೆ 50dB ಹೈಬ್ರಿಡ್ ANC ಸಪೋರ್ಟ್, ಹೈ-ರೆಸ್ LDAC, ಹಿಯರಿಂಗ್ ಕಾಂಪೆನ್ಸೇಷನ್‌ನೊಂದಿಗೆ 12mm LCP ಡ್ರೈವರ್‌ಗಳು, ಅಲ್ಟ್ರಾ ಬಾಸ್ ಟೆಕ್ನಾಲಜಿ 2.0, ಸ್ಪೇಷಿಯಲ್ ಆಡಿಯೊ ಎಫೆಕ್ಟ್ ಟೆಕ್ನಾಲಜಿ, 6 HD ಮೈಕ್ಸ್, ಕ್ಲಿಯರ್ ವಾಯ್ಸ್ ಟೆಕ್ನಾಲಜಿ 3.0, ವಿಂಡ್ ನಾಯ್ಸ್ ರಿಡಕ್ಷನ್ 3.0, ನಥಿಂಗ್ ಎಕ್ಸ್ ಅಪ್ಲಿಕೇಶನ್ ಮೂಲಕ 110msವರೆಗೆ ಲೋ-ಲೇಟೆನ್ಸಿ ಮೋಡ್ ಅನ್ನು ಒಳಗೊಂಡಿವೆ. ಈ ಮಾದರಿಯು ವಾಟರ್ ಮತ್ತು ಡಸ್ಟ್ ರೆಸಿಸ್ಟೆನ್ಸಿಗಾಗಿ IP55 ರೇಟಿಂಗ್ ಹೊಂದಿದೆ.
ಈ TWS ಇಯರ್‌ಬಡ್ಸ್ ANC ಆಫ್ ಆಗಿರುವಾಗ 14 ಗಂಟೆಗಳವರೆಗೆ ಬಾಳಿಕೆ ಬರುತ್ತವೆ ಮತ್ತು ಚಾರ್ಜಿಂಗ್ ಕೇಸ್‌ನೊಂದಿಗೆ 61.5 ಗಂಟೆಗಳ ಬ್ಯಾಟರಿ ಲೈಫ್ ಹೊಂದಿದೆ ಎಂದು ಕಂಪನಿ ಹೇಳುತ್ತದೆ. ಈ 'CMF ಬಡ್ಸ್ 2 ಪ್ಲಸ್' ಫಾಸ್ಟ್ ಚಾರ್ಜಿಂಗ್ ಅನ್ನು ಸಪೋರ್ಟ್ ಮಾಡಲಿದ್ದು, 10 ನಿಮಿಷಗಳ ಚಾರ್ಜಿಂಗ್‌ನಲ್ಲಿ ಅವುಗಳನ್ನು 7.5 ಗಂಟೆಗಳ ಕಾಲ ಬಳಸಬಹುದಾಗಿದೆ ಎಂದು ಕಂಪನಿ ಹೇಳಿಕೊಂಡಿದೆ.
ಓದಿ: ಇಸ್ರೋ-ನಾಸಾದ ಮಹತ್ವದ 'ನಿಸಾರ್ ಮಿಷನ್' ಉಡಾವಣೆಗೆ ಸಿದ್ಧತೆ ಪೂರ್ಣ: ಏನಿದರ ವಿಶೇಷತೆ?
