ಚಾಮರಾಜನಗರ : ಬಂಡೀಪುರದಲ್ಲಿ ಸಫಾರಿ ಜೀಪಿನ ಸನಿಹವೇ ಬಂದ ಹುಲಿರಾಯ

ಬಂಡೀಪುರದಲ್ಲಿ ಸಫಾರಿ ಜೀಪಿನ ಸನಿಹವೇ ಬಂದ ಹುಲಿರಾಯನ ಕಂಡು ಪ್ರವಾಸಿಗರು ಫುಲ್ ಖುಷ್ ಆಗಿದ್ದಾರೆ.

ಚಾಮರಾಜನಗರ : ಭಾರತದ ಪ್ರಮುಖ ಹುಲಿ ಸಂರಕ್ಷಿತ ಪ್ರದೇಶಗಳಲ್ಲಿ ಒಂದಾಗಿರುವ ಜಿಲ್ಲೆಯ ಗುಂಡ್ಲುಪೇಟೆ ತಾಲೂಕಿನ ಬಂಡೀಪುರದಲ್ಲಿ ಈಗ ಭೀಮನದ್ದೇ ದರ್ಬಾರ್. ಗುರುವಾರ (ಏಪ್ರಿಲ್​) ಅಧಿಕಾರಿ ಮತ್ತು ಸಫಾರಿ ವಾಹನದ ನಡುವೆಯೇ ಹೆಜ್ಜೆ ಹಾಕುವ ಮೂಲಕ ಪ್ರವಾಸಿಗರನ್ನು ರೋಮಾಂಚಿತರಾಗುವಂತೆ ಮಾಡಿದ್ದಾನೆ.

ಹುಲಿ ಬಲಿಷ್ಠ ಪ್ರಾಣಿಯಾಗಿದ್ದರೂ ಮನುಷ್ಯರನ್ನು ಕಂಡರೆ ಮರೆಯಾಗುವುದೇ ಹೆಚ್ಚು. ಆದರೆ, ಬಂಡೀಪುರದಲ್ಲಿ ಈ ಹಿಂದೆ ಇದ್ದ ಪ್ರಿನ್ಸ್ ಎಂಬ ಹುಲಿ ಪ್ರವಾಸಿಗರನ್ನು ಕಂಡರೆ ದೂರ ಓಡದೆ ಹತ್ತಿರಕ್ಕೆ ಬರುತ್ತಿತ್ತು.‌ ಅದೇ ರೀತಿ ಇಂದು ಭೀಮ ಎಂಬ ಹುಲಿಯು ಜೀಪಿನ ಮುಂದೆಯೇ ನಿರಾತಂಕವಾಗಿ ಹೆಜ್ಜೆ ಹಾಕಿದೆ. ಜೊತೆಗೆ, ತೀರಾ ಸನಿಹದಲ್ಲೇ ನೀರಿಗಿಳಿದು ರಿಲ್ಯಾಕ್ಸ್​ಗೆ ಜಾರಿದ್ದನ್ನು ಕಂಡ ಪ್ರವಾಸಿಗರು ಫಿದಾ ಆಗಿದ್ದಾರೆ. ಹುಲಿಯ ಖದರ್ ನಡಿಗೆಯ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗುತ್ತಿದೆ.

ಬಂಡೀಪುರದ ಸಫಾರಿ ವಲಯದ ಬೆಟ್ಟದಕಟ್ಟೆಯಿಂದ ಮಂಗಲ ಕೆರೆ ತನಕವೂ ತನ್ನ ಸರಹದ್ದನ್ನು ಇಟ್ಟುಕೊಂಡಿರುವ ಭೀಮ ಪ್ರವಾಸಿಗರಿಗೆ ಆಗಾಗ ಕಾಣಿಸಿಕೊಳ್ಳುತ್ತದೆ. ಜೊತೆಗೆ, ಪ್ರವಾಸಿಗರನ್ನು ಕಂಡರೆ ಮರೆಯಾಗದೇ ಗಾಂಭೀರ್ಯದ ಹೆಜ್ಜೆ ಇಡುತ್ತಿದೆ.

ನೀರಿಗಿಳಿದು ರಿಲಾಕ್ಸ್​ಗೆ ಜಾರಿದ ಹುಲಿ (ETV Bharat)

ಇದನ್ನೂ ಓದಿ : ಬಂಡೀಪುರದಲ್ಲಿ 4 ಮರಿಗಳೊಂದಿಗೆ ಹುಲಿ ವಾಕಿಂಗ್: ಅಪರೂಪದ ದೃಶ್ಯ ನೋಡಿ ಪ್ರವಾಸಿಗರು ಥ್ರಿಲ್‌- ವಿಡಿಯೋ - TIGER SPOTTED WITH FOUR CUBS