ಬೀದರ್​: ಶ್ವಾನ ‘ದೀಪ’ದ ನೆರವಿನಿಂದ ಗಾಂಜಾ ಜಪ್ತಿ

ಬೀದರ್​​ನಲ್ಲಿ ಶ್ವಾನ ’ದೀಪ’ ದ ನೆರವಿನಿಂದ ₹ 7.60 ಲಕ್ಷ ಮೌಲ್ಯದ 7 ಕೆಜಿ 500 ಗ್ರಾಂ ಗಾಂಜಾ ವಶಕ್ಕೆ ಪಡೆದು ಹಾಗೂ ಆರೋಪಿಯನ್ನು ಪೊಲೀಸರು ಬಂಧಿಸಿದ್ದಾರೆ.

ಬೀದರ್ : ಔರಾದ್​ ತಾಲೂಕಿನ ವಿಜಯನಗರ ತಾಂಡಾದ ಸರ್ವೇ ನಂಬರ್ 74 ರ ಹೊಲದ ತೊಗರಿಯ ಹೊಟ್ಟಿನಲ್ಲಿ ಮುಚ್ಚಿಡಲಾದ ಗಾಂಜಾವನ್ನು ಬೀದರ್ ಶ್ವಾನ ದಳದ ಕ್ರಿಯಾಶೀಲ ದೀಪ ಶ್ವಾನದ ನೆರವು ಪಡೆದು, ₹ 7.60 ಲಕ್ಷ ಮೌಲ್ಯದ 7 ಕೆಜಿ 500 ಗ್ರಾಂ ಗಾಂಜಾ ಹಾಗೂ ಆರೋಪಿಯನ್ನು ಬಂಧಿಸುವಲ್ಲಿ ಸಂತಪುರ ಪೊಲೀಸರು ಯಶಸ್ವಿಯಾಗಿದ್ದಾರೆ.

ಆರೋಪಿ ವಿಜಯನಗರದ ಅಂಬಾಜಿ ಕೊಂಡಿಬಾ ಚವ್ಹಾಣ್​ (60) ಎಂದು ಗುರುತಿಸಲಾಗಿದ್ದು, ಖಚಿತ ಮಾಹಿತಿ ಮೇರೆಗೆ ಶನಿವಾರ ಮಧ್ಯಾಹ್ನ 3:30ಕ್ಕೆ ಪೊಲೀಸರು ದಾಳಿ ನಡೆಸಿ ಆರೋಪಿಯನ್ನು ಬಂಧಿಸುವಲ್ಲಿ ಯಶಸ್ಸು ಕಂಡಿದ್ದಾರೆ.

ಶ್ವಾನ ದೀಪದ ನೆರವಿನಿಂದ ಗಾಂಜಾ ಜಪ್ತಿ (ETV Bharat)

ತನ್ನ ಹೊಲದಲ್ಲಿ ಪುಟ್ಟ ಗುಡಿಸಲಿನಲ್ಲಿ ಇದ್ದುಕೊಂಡು ಗಾಂಜಾ ಮಾರಾಟ ಮಾಡುತ್ತಿದ್ದ ಮಾಹಿತಿ ಮೇರೆಗೆ ಹೆಚ್ಚಿನ ತಪಾಸಣೆಗಾಗಿ ಬೀದರ್​​ನ ದೀಪ ಎನ್ನುವ ಶ್ವಾನವನ್ನು ಕರೆಸಿ, ತಪಾಸಣೆ ಮಾಡಿದಾಗ ತೊಗರಿ ಹೊಟ್ಟಿನಲ್ಲಿ ಗಾಂಜಾ ಮುಚ್ಚಿಟ್ಟಿರುವುದು ಸಾಬೀತಾಗಿದೆ. ಸಂತಪುರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ದಾಳಿಯಲ್ಲಿ ತಹಶೀಲ್ದಾರ್​ ಮಲ್ಲಶೆಟ್ಟಿ ಚಿದ್ರೆ, ಪಿಎಸ್ಐ ನಂದ ಕುಮಾರ್ ಮೂಳೆ, ಅಶೋಕ, ಸುನಿಲಕುಮಾರ್ ಕೋರೆ, ಏಕನಾತ್, ಕೊಟ್ರೇಶ್, ರಾಮರೆಡ್ಡಿ, ಸುಭಾಷ್, ಸಿದ್ದಣ್ಣ ಇದ್ದರು.

ಇದನ್ನೂ ಓದಿ : ಅಕ್ರಮ ಗಾಂಜಾ ಸಾಗಾಟ: 14 ಲಕ್ಷ ರೂ. ಮೌಲ್ಯದ ಗಾಂಜಾ ಸಹಿತ ಆರೋಪಿ ಬಂಧನ - ILLEGAL GANJA TRAFFICKING