ಆರ್​ಸಿಬಿಯ ಆ ಪ್ಲಾನ್ ​​​ಅನುಸರಿಸಿ ಪ್ಲೇಆಫ್​ಗೆ ತಲುಪುತ್ತೇವೆ, ಬೆಂಗಳೂರು ತಂಡವೇ ನಮಗೆ ಸ್ಪೂರ್ತಿ: ನಿತೀಶ್​ ರೆಡ್ಡಿ!

ಆರ್​ಸಿಬಿ ತಂಡದ ಹಳೆಯ ಪ್ಲಾನ್​ ಅನುಸರಿಸಿ ಪ್ಲೇ ಆಫ್​ಗೆ ತಲುಪುತ್ತೇವೆ ಎಂದು ಸನ್​ರೈಸರ್ಸ್​ ಹೈದರಾಬಾದ್​ ತಂಡದ ಆಲ್​ರೌಂಡರ್​ ಹೇಳಿದ್ದಾರೆ.

SRH Players Nitish Kumar Reddy Statement: ಐಪಿಎಲ್​ನಲ್ಲಿ ಶುಕ್ರವಾರ ನಡೆದಿದ್ದ ಚೆನ್ನೈ ಸೂಪರ್​ ಕಿಂಗ್ಸ್​ ವಿರುದ್ಧದ ಪಂದ್ಯದಲ್ಲಿ ಸನ್​ರೈಸರ್ಸ್​ ಹೈದರಾಬಾದ್​ ತಂಡ ಭರ್ಜರಿ ಗೆಲುವು ಸಾಧಿಸಿದೆ. ಚೆಪಾಕ್​ ಮೈದಾನದಲ್ಲಿ ನಡೆದಿದ್ದ ಈ ಪಂದ್ಯದಲ್ಲಿ ಚೆನ್ನೈ ಸೂಪರ್​ ಕಿಂಗ್ಸ್​ ನೀಡಿದ್ದ 154 ರನ್​ಗಳ ಸಾಮಾನ್ಯ ಗುರಿಯನ್ನು ಬೆನ್ನುಹತ್ತಿದ್ದ ಎಸ್​ಆರ್​ಹೆಚ್​ ಪಡೆ 5 ವಿಕೆಟ್​ಗಳಿಂದ ಪಂದ್ಯವನ್ನು ಗೆದ್ದುಕೊಂಡಿತು.

ಇದರೊಂದಿಗೆ ಈ ಋತುವಿನಲ್ಲಿ ಮೂರನೇ ಗೆಲುವು ದಾಖಲಿಸಿತು. ಜೊತೆಗೆ ಪ್ಲೇಆಫ್​ ಕನಸನ್ನು ಜೀವಂತವಾಗಿರಿಸಿಕೊಂಡಿದೆ. ಈ ವರೆಗೂ ಒಂಬತ್ತು ಪಂದ್ಯಗಳಲ್ಲಿ ಮೂರಲ್ಲಿ ಗೆದ್ದಿರುವ ಸನ್‌ರೈಸರ್ಸ್ ಉಳಿದ ಮುಂದಿನ ಐದು ಪಂದ್ಯಗಳನ್ನು ಗೆದ್ದರೆ ಮಾತ್ರ ನಾಕೌಟ್ ಹಂತಕ್ಕೆ ತಲುಪುತ್ತದೆ.

A milestone victory 👏#SRH register their first ever win at Chepauk with a strong performance against #CSK 🔝💪

Scorecard ▶ https://t.co/26D3UampFQ#TATAIPL | #CSKvSRH | @SunRisers pic.twitter.com/lqeX4CiWHP

— IndianPremierLeague (@IPL) April 25, 2025

ಏತನ್ಮಧ್ಯೆ ಈ ಕುರಿತು ಮಾತನಾಡಿರುವ ಹೈದರಾಬಾದ್​ ತಂಡದ ಆಲ್​ರೌಂಡರ್​ ನಿತೀಶ್​ ರೆಡ್ಡಿ ಕಳೆದ ವರ್ಷ ಆರ್​ಸಿಬಿ ಮಾಡಿದ್ದ ಪ್ಲಾನ್​ ಅನ್ನೇ ನಾವು ಅನುಸರಿಸಿ ಪ್ಲೇಆಫ್​ಗೆ ತಲುಪುತ್ತೇವೆ ಎಂದು ನಿತೀಶ್​ ರೆಡ್ಡಿ ಹೇಳಿದ್ದಾರೆ. ಈ ವಿಷಯದಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡವು ನಮಗೆ ಸ್ಫೂರ್ತಿ ಎಂದಿದ್ದಾರೆ. ಚೆನ್ನೈ ವಿರುದ್ಧ ಗೆದ್ದಿರುವುದು ಸಂತೋಷವಾಗಿದೆ. ಇಂದಿನಿಂದ, ನಾವು ಪ್ರತಿ ಪಂದ್ಯದ ಫಲಿತಾಂಶದ ಬಗ್ಗೆ ಯೋಚಿಸುತ್ತೇವೆ.

IPL 2025 POINTS TABLE. 📈

- RR & CSK at No.9 and No.10 with 4 Points each. pic.twitter.com/qdNdOOoEBt

— Mufaddal Vohra (@mufaddal_vohra) April 25, 2025

ಈಗ ನಾವು ಗೆದ್ದಿದ್ದೇವೆ ಉಳಿದ ಪಂದ್ಯಗಳನ್ನು ಗೆಲ್ಲಲು ಪ್ರಯತ್ನಿಸುತ್ತೇವೆ. ಮಧ್ಯಮ ಕ್ರಮಾಂಕದಲ್ಲಿ ಕಮಿಂದು ಜೊತೆ ಉತ್ತಮ ಪ್ರದರ್ಶನ ನೀಡಬೇಕಿದೆ. ದೊಡ್ಡ ಹೊಡೆತಗಳನ್ನು ಆಡದೇ ತಂಡವನ್ನು ಹೇಗೆ ಗೆಲ್ಲಿಸಬೇಕು ಎಂದು ನಾವು ಚಚರ್ಚಸಿದ್ದೇವೆ.

"ಸಿಎಸ್​ಕೆ ಪರ ನೂರ್ ಅಹ್ಮದ್ ಮತ್ತು ಖಲೀಲ್ ಅಹ್ಮದ್ ಉತ್ತಮ ಪ್ರದರ್ಶನ ನೀಡುತ್ತಿದ್ದಾರೆ. ಆದರೂ ಕೊನೆಯಲ್ಲಿ, ನಾವು ಗೆಲುವು ಸಾಧಿಸಿದ್ದೇವೆ. ಇನ್ಮುಂದೆ ನಮಗೆ ಮಾಡು ಇಲ್ಲವೇ ಮಡಿ ಹೋರಾಟ ಇರಲಿದೆ. ಆದರೆ ನಾವು ಪ್ಲೇಆಫ್​ಗೆ ತಲುಪಲು ಆರ್‌ಸಿಬಿ ತಂಡವನ್ನು ಸ್ಪೂರ್ತಿಯಾಗಿ ತೆಗೆದುಕೊಂಡಿದ್ದೇವೆ.

🚨 SRH WINS THEIR FIRST EVER IPL MATCH AT THE CHEPAUK VS CSK. 🚨 pic.twitter.com/8KFOoORpYH

— Mufaddal Vohra (@mufaddal_vohra) April 25, 2025

ಕಳೆದ ವರ್ಷ ಆರ್​ಸಿಬಿ ಕೂಡ ಇದೇ ಪರಿಸ್ಥಿತಿಯಲ್ಲಿತ್ತು. ಕೊನೆಯ 6 ಪಂದ್ಯಗಳನ್ನು ಗೆಲ್ಲಲೇ ಬೇಕಾಗಿತ್ತು. ಅವರು ಸತತ ಪಂದ್ಯಗಳನ್ನು ಗೆದ್ದು ಪ್ಲೇಆಫ್​ಗೆ ತಲುಪಿದ್ದರು. ಈ ವರ್ಷ ನಾವು ಅದನ್ನು ಏಕೆ ಮಾಡಲು ಸಾಧ್ಯವಿಲ್ಲ? ನಾವು 100 ಪ್ರತಿಶತ ಪ್ರದರ್ಶನ ನೀಡಿದರೆ, ಉಳಿದ ಪಂದ್ಯಗಳನ್ನು ಗೆಲ್ಲುವ ಸಾಧ್ಯತೆಗಳು ಉತ್ತಮವಾಗಿರುತ್ತವೆ" ಎಂದು ನಿತೀಶ್ ಕುಮಾರ್ ರೆಡ್ಡಿ ಮಾತನಾಡಿದ್ದಾರೆ. ಕಳೆದ ಆವೃತ್ತಿಯಲ್ಲಿ ಆರ್​ಸಿಬಿ ತಂಡ ಸತತ ಆರು ಪಂದ್ಯಗಳನ್ನು ಗೆದ್ದು ಪ್ಲೇಆಫ್​ಗೆ ತಲುಪಿತ್ತು.

ಇದನ್ನೂ ಓದಿ: ಬರೋಬ್ಬರಿ 12 ವರ್ಷದ ಬಳಿಕ ಹೈದರಾಬಾದ್​ ತಂಡಕ್ಕೆ ಗೆಲುವು! ಪ್ಲೇಆಫ್​ ಕನಸು ಜೀವಂತ