RCB ಆಟಗಾರರನ್ನು ಅಭಿನಂದಿಸಲು ಕುಂಟುತ್ತಲೇ ಮೈದಾನಕ್ಕೆ ಬಂದ ದ್ರಾವಿಡ್​: ಗುರುವಿನ ಬೆನ್ನಿಗೆ ನಿಂತ​ ಕೊಹ್ಲಿ!

ರಾಯಲ್ ಚಾಲೆಂಜರ್ಸ್​ ಬೆಂಗಳೂರು ಮತ್ತು ರಾಜಸ್ಥಾನ ರಾಯಲ್ಸ್​ ನಡುವಿನ ಪಂದ್ಯವೂ ಅಪರೂಪದ ಕ್ಷಣಕ್ಕೆ ಸಾಕ್ಷಿ ಆಗಿದೆ.

Virat Support Dravid: ರಾಜಸ್ಥಾನ ರಾಯಲ್ಸ್​ ಮತ್ತು ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು ತಂಡದ ನಡುವಿನ ಪಂದ್ಯವೂ ಅಪರೂಪದ ಕ್ಷಣಕ್ಕೆ ಸಾಕ್ಷಿ ಆಗಿದ್ದು, ಇದರ ವಿಡಿಯೋ ಕ್ಯಾಮೆರಾಗಳಲ್ಲಿ ಸೆರೆಯಾಗಿದೆ.

ಭಾನುವಾರ ನಡೆದಿದ್ದ ಡಬಲ್​ ಹೆಡ್ಡರ್​ನ ಮೊದಲ ಪಂದ್ಯದಲ್ಲಿ ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು ತಂಡ ರಾಜಸ್ಥಾನವನ್ನು ಮಣಿಸಿ ಭರ್ಜರಿ ಗೆಲುವು ಸಾಧಿಸಿತು. ಟಾಸ್​ ಸೋತು ಮೊದಲು ಬ್ಯಾಟ್​ ಮಾಡಿದ್ದ ರಾಜಸ್ಥಾನ ಜೈಸ್ವಾಲ್​ (75) ಅವರ ಆಕರ್ಷಕ ಅರ್ಧಶತಕ, ರಿಯಾನ್​ ಪರಾಗ್​ (30) ಧ್ರುವ್​ ಜುರೆಲ್​ (35) ಬ್ಯಾಟಿಂಗ್​ ನೆರವಿನಿಂದಾಗಿ ನಿಗದಿತ 20 ಓವರ್​ಗಳಲ್ಲಿ 4 ವಿಕೆಟ್​ ನಷ್ಟಕ್ಕೆ 173 ರನ್​ ಭಾರಿಸಿತು.

Rahul Dravid 🤝 Virat Kohli

- Rahul Dravid appreciate the Innings of Virat Kohli ❤️ pic.twitter.com/NweGEbA2pX

— VIKAS (@VikasYadav69014) April 14, 2025

ಇದಕ್ಕುತ್ತರವಾಗಿ ಬೆಂಗಳೂರು ತಂಡ ಫಿಲ್​ ಸಾಲ್ಟ್​ (65) ಮತ್ತು ವಿರಾಟ್​ ಕೊಹ್ಲಿ (62) ಬೆಂಕಿ ಬಿರುಗಾಳಿ ಬ್ಯಾಟಿಂಗ್​ನಿಂದಾಗಿ 17.3 ಓವರ್​ಗಳಲ್ಲೇ ಗೆಲುವಿನ ದಡ ಸೇರಿತು. ಆದರೆ, ಈ ಪಂದ್ಯ ಬಳಿಕ ನಡೆದ ಪ್ರಸಂಗವೊಂದು ಮೈದಾನದಲ್ಲಿ ನೆರೆದಿದ್ದ ಅಭಿಮಾನಿಗಳ ಮನ ಸೆಳೆದಿದೆ.

ಹೌದು, ಪಂದ್ಯದ ಬಳಿಕ ಎರಡೂ ತಂಡಗಳ ಆಟಗಾರರು ಪರಸ್ಪರ ಅಭಿನಂದನೆ ಸಲ್ಲಿಸುವುದು ಸರ್ವೇ ಸಾಮಾನ್ಯ. ಆದರೆ, ಈ ರಾಜಸ್ಥಾನ ರಾಯಲ್ಸ್​ ತಂಡದ ಮುಖ್ಯಕೋಚ್​ ಆಗಿರುವ ರಾಹುಲ್​ ದ್ರಾವಿಡ್​ ಕೂಡ ಮೈದಾನಕ್ಕೆ ಆಗಮಿಸಿ ಆರ್​ಸಿಬಿ ಆಟಗಾರರನ್ನು ಅಭಿನಂದಿಸಿದ್ದಾರೆ. ದ್ರಾವಿಡ್​ ಸದ್ಯ ಕಾಲಿನ ಗಾಯಕ್ಕೆ ತುತ್ತಾಗಿದ್ದು, ಎಲ್ಲರಿಗೂ ಗೊತ್ತೆ ಇದೆ.

Virat Kohli touching Rahul Dravid's Feet📷 Respect for Virat Kohli pic.twitter.com/QJQflJjz4n

— Deepak C (@DeepakC06) April 14, 2025

ಆದರೂ ಅವರಲ್ಲಿರುವ ಗೇಮ್​ ಸ್ಪಿರೀಟ್​ ನೋಡಿದರೆ ಪ್ರತಿಯೊಬ್ಬ ಆಟಗಾರರಿಗೂ ಜೋಶ್​ ತುಂಬುತ್ತೆ. ಕಾಲಿನಲ್ಲಿ ನೋವಿದ್ದರೂ ವೀಲ್​ ಚೇರ್​ನಲ್ಲೇ ಮೈದಾನಕ್ಕೆ ಆಗಮಿಸಿ ಆಟಗಾರರಿಗೆ ಮಾರ್ಗದರ್ಶನ ನೀಡುತ್ತಿರುವ ದ್ರಾವಿಡ್​ ನಿನ್ನೆಯ ಪಂದ್ಯದ ಬಳಿಕ ಆಟಗಾರರಿಗೆ ಅಭಿನಂದಿಸಲೆಂದು ಕುಂಟುತ್ತಲೇ ಮೈದಾನಕ್ಕೆ ಆಗಮಿಸಿದರು. ಈ ವೇಳೆ, ಇದನ್ನು ಗಮನಿಸಿದ ವಿರಾಟ್​ ಕೊಹ್ಲಿ ರಾಹುಲ್​ ದ್ರಾವಿಡ್​ ಅವರನ್ನು ತಡೆದರು.

ಕಾಲಿನಲ್ಲಿ ನೋವಿದ್ದರು ಯಾಕೆ ಬಂದಿದ್ದೀರಿ ಎಂದು ಕೇಳಿದ್ದಾರೆ. ಆದರೂ ದ್ರಾವಿಡ್​ ನಗುತ್ತಲೇ ಆರ್​ಸಿಬಿ ಆಟಗಾರರನ್ನು ಅಭಿನಂದಿಸಿದರು. ಈ ವೇಳೆ ಕೊಹ್ಲಿ ಕೂಡ ದ್ರಾವಿಡ್​ ಬೆನ್ನಿಗೆ ನಿಂತರು. ದ್ರಾವಿಡ್​ ಮತ್ತು ಕೊಹ್ಲಿ ನಡುವಿನ ವಿಡಿಯೋ ಭಾರೀ ವೈರಲ್​ ಆಗಿದೆ.

Virat Kohli asking injured Rahul Dravid bhai not to walk, saying the players will come to him. A small act, but it speaks volumes. Respect, care, and class.

This is what makes him truly special. ❤️...#ViratKohli𓃵 #RRvRCB #RCBvsRR #IPL2025 #Cricketpic.twitter.com/5T5RxFjzER

— 🇮🇳🏏 𝑺𝒕𝒓𝒐𝒌𝒆𝑶𝑮𝒆𝒏𝒊𝒖𝒔 𝑺𝒑𝒆𝒂𝒌'𝒔 (@Stroke0GeniusSP) April 14, 2025

ದಾಖಲೆ ಬರೆದ ವಿರಾಟ್​: ಈ ಪಂದ್ಯದಲ್ಲಿ ವಿರಾಟ್​ ಕೊಹ್ಲಿ ಅದ್ಭುತ ಪ್ರದರ್ಶನ ನೀಡಿದರು. ಅವರು ತಮ್ಮ ಆಕರ್ಷ ಬ್ಯಾಟಿಂಗ್​ ಮೂಲಕ 62 ರನ್​ ಬಾರಿಸಿದರು. ಇದರೊಂದಿಗೆ ಟಿ - 20 ಕ್ರಿಕೆಟ್​ನಲ್ಲಿ 100 ಅರ್ಧಶತಕಗಳನ್ನು ಪೂರ್ಣಗೊಳಿಸಿದರು. ಈ ಸಾಧನೆ ಮಾಡಿದ ಮೊದಲ ಭಾರತೀಯರಾದ ಕೊಹ್ಲಿ ಒಟ್ಟಾರೆ ವಿಶ್ವದ ಎರಡನೇ ಆಟಗಾರ ಎನಿಸಿಕೊಂಡರು.

ಇದನ್ನೂ ಓದಿ: ಗುರುವಿಗೆ ಮಂಡಿಯೂರಿ ನಮಸ್ಕರಿಸಿದ ವಿರಾಟ್​: ಕೊಹ್ಲಿ ಕಂಡು ಭಾವುಕರಾದ ದ್ರಾವಿಡ್​