ಆರ್​ಸಿಬಿಯ ಈ ಮೂವರು ಸಿಡಿದೆದ್ರೆ ದಾಖಲೆಗಳೆಲ್ಲ ಧೂಳೀಪಟ​!

ಇಂದು ಐಪಿಎಲ್​ನ ಡಬಲ್​ ಹೆಡ್ಡರ್​ನ ಮೊದಲ ಪಂದ್ಯದಲ್ಲಿ ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು ಮತ್ತು ರಾಜಸ್ಥಾನ ರಾಯಲ್ಸ್​ ತಂಡಗಳು ಮುಖಾಮುಖಿ ಆಗುತ್ತಿವೆ.

ಇಂದು ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು ತಂಡ ತನ್ನ 6ನೇ ಪಂದ್ಯವನ್ನು ಆಡುತ್ತಿದೆ. ಇದರಲ್ಲಿ ರಾಜಸ್ಥಾನ ರಾಯಲ್ಸ್​ ತಂಡವನ್ನು ಎದುರಿಸಲಿದೆ. ಈಗಾಗಲೇ ಐದು ಪಂದ್ಯಗಳನ್ನು ಆಡಿರುವ ಬೆಂಗಳೂರು ತಂಡ 3 ರಲ್ಲಿ ಗೆದ್ದು ಎರಡರಲ್ಲಿ ಸೋಲನ್ನು ಕಂಡಿದೆ.

ಇದೀಗ ಇಂದು ನಡೆಯುತ್ತಿರುವ ಪಂದ್ಯದಲ್ಲಿ ರಾಜಸ್ಥಾನ ತಂಡವನ್ನು ಬಗ್ಗು ಬಡಿಯಲು ಮುಂದಾಗಿದೆ. ಕಳೆದ ಆವೃತ್ತಿಯಲ್ಲಿ ರಾಜಸ್ಥಾನ ವಿರುದ್ಧ ಆಡಿದ್ದ ಎರಡೂ ಪಂದ್ಯಗಳಲ್ಲಿ ಸೋಲನ್ನು ಕಂಡಿದ್ದ ಬೆಂಗಳೂರು ಈ ಬಾರಿ ಗೆದ್ದು ಹಳೆ ಲೆಕ್ಕಾಚುಕ್ತಿ ಮಾಡಲು ಸಜ್ಜಾಗಿದೆ. ಇದಕ್ಕಾಗಿ ಬಲಿಷ್ಠ ಪಡೆಯೊಂದಿಗೆ ಮೈದಾನಕ್ಕೆ ಆಗಮಿಸುತ್ತಿದೆ.

Today's forecast: Expect a STORM of SIXES... 🌪

Who do you think will smash the most sixes today in Jaipur? 🤔#IPLonJioStar 👉 #RRvRCB | SUN, 13th APR, 2:30 PM on Star Sports 2, Star Sports 2 Hindi & JioHotstar! pic.twitter.com/c94YlXmgG0

— Star Sports (@StarSportsIndia) April 13, 2025

RCB vs RR ಸೋಲು-ಗೆಲುವು ದಾಖಲೆ: ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು ಮತ್ತು ರಾಜಸ್ಥಾನ ರಾಯಲ್ಸ್​ ತಂಡಗಳು ಈವೆರೆಗೆ ಒಟ್ಟು 32 ಬಾರಿ ಐಪಿಎಲ್​ನಲ್ಲಿ ಮುಖಾಮುಖಿ ಆಗಿವೆ. ಇದರಲ್ಲಿ ಆರ್​ಸಿಬಿ 15 ಪಂದ್ಯಗಳನ್ನು ಗೆದ್ದುಕೊಂಡಿದೆ. ಮತ್ತೊಂದೆಡೆ ರಾಜಸ್ಥಾನ ತಂಡ 14 ಬಾರಿ ಆರ್​ಸಿಬಿ ವಿರುದ್ಧ ಜಯಭೇರಿ ಬಾರಿಸಿದೆ. ಮೂರು ಪಂದ್ಯಗಳು ರದ್ದಾಗಿವೆ. ರಾಜಸ್ಥಾನ ವಿರುದ್ಧ ಆರ್​ಸಿಬಿಯ 200ರನ್​ ಹೈಸ್ಕೋರ್​ ಆಗಿದೆ. 70ರನ್​ ಲೋಸ್ಕೋರ್ ಆಗಿದೆ. ರಾಜಸ್ತಾನ ತಂಡ ಆರ್​ಸಿಬಿ ವಿರುದ್ದ 217 ರನ್​ ಬಾರಿಸಿದ್ದ ಹೈಸ್ಕೋರ್​ ಆಗಿದೆ. 58 ರನ್​ ಕಡಿಮೆ ಸ್ಕೋರ್​ ಆಗಿದೆ.

It’s experience vs explosiveness. Gen Gold takes on Gen Bold.

Will King Kohli deliver another masterclass, or will Jaiswal bring the fireworks?#IPLonJioStar 👉 #RRvRCB | SUN, 13th APR, 2:30 PM on Star Sports 2, Star Sports 2 Hindi & JioHotstar! pic.twitter.com/2M4i1zXJVK

— Star Sports (@StarSportsIndia) April 13, 2025

ಈ ಇಬ್ಬರ ಮೇಲೆ ಭಾರೀ ನಿರೀಕ್ಷೆ: ಇಂದಿನ ಪಂದ್ಯದಲ್ಲಿ ಈ ಮೂವರು ಆಟಗಾರರ ಮೇಲೆ ಭಾರೀ ನಿರೀಕ್ಷೆಗಳು ಹುಟ್ಟುಕೊಂಡಿವೆ. ಕಳೆದ ಪಂದ್ಯದಲ್ಲಿ ಡೆಲ್ಲಿ ವಿರುದ್ಧ ಸೋಲನ್ನು ಕಂಡಿದ್ದ ಆರ್​ಸಿಬಿ ಈ ಪಂದ್ಯದಲ್ಲಿ ಗೆಲ್ಲಲಿ ಎಂದು ಫ್ಯಾನ್ಸ್​ ಆಶಿಸುತ್ತಿದ್ದಾರೆ. ಜೊತೆಗೆ ಈ ಮೂವರು ಆಟಗಾರ ಮೇಲೆ ಭಾರೀ ನಿರೀಕ್ಷೆ ಇಟ್ಟಿದ್ದಾರೆ. ಹೌದು, ವಿರಾಟ್​ ಕೊಹ್ಲಿ ಮತ್ತು ಫಿಲ್​ ಸಾಲ್ಟ್​ ಆರಂಭಿಕರಾಗಿ ಅಬ್ಬರಿಸಿದರೆ ತಂಡ ಬೃಹತ್​ ಮೊತ್ತವನ್ನು ಕಲೆಹಾಕಲಿದೆ. ಸದ್ಯ ಉತ್ತಮ ಫಾರ್ಮ್​ನಲ್ಲಿರುವ ಪಾಟೀದರ್​ ಮೇಲೂ ನಿರೀಕ್ಷೆಗಳಿದ್ದು ಒಮ್ಮೆ ಈ ಬ್ಯಾಟರ್​ ಸೆಟ್​ ಆದರೆ ರನ್​ ಮಳೆಯನ್ನೆ ಹರಿಸುತ್ತಾರೆ.

ಸಂಭಾವ್ಯ ತಂಡಗಳು - ಆರ್​ಸಿಬಿ: ಫಿಲ್​ ಸಾಲ್ಟ್​, ವಿರಾಟ್​ ಕೊಹ್ಲಿ, ರಜತ್​ ಪಾಟೀದರ್​ (ನಾಯಕ), ದೇವದರ್​ ಪಡಿಕ್ಕಲ್​, ಲಿವಿಂಗ್​ಸ್ಟೋನ್/ಜೇಕಬ್​ ಬೆಥೆಲ್​, ಜಿತೇಶ್​ ಶರ್ಮಾ, ಟಿಮ್​ ಡೇವಿಡ್​, ಕೃನಾಲ್​ ಪಾಂಡ್ಯ, ಭುವನೇಶ್ವರ್​ ಕುಮಾರ್​, ಜೋಶ್​ ಹೆಜೆಲ್​ವುಡ್​, ಯಶ್​ ದಯಾಲ್​.

ರಾಜಸ್ಥಾನ ರಾಯಲ್ಸ್​: ಯಶಸ್ವಿ ಜೈಸ್ವಾಲ್, ಸಂಜು ಸ್ಯಾಮ್ಸನ್, ನಿತೀಶ್ ರಾಣಾ, ರಿಯಾನ್ ಪರಾಗ್ (ನಾಯಕ), ಧ್ರುವ ಜುರೆಲ್ (ವಿಕೆಟ್​ ಕೀಪರ್​), ಶಿಮ್ರಾನ್ ಹೆಟ್ಮೆಯರ್, ವನಿಂದು ಹಸರಂಗ, ಜೋಫ್ರಾ ಆರ್ಚರ್, ಮಹೇಶ್ ತೀಕ್ಷಣ, ತುಷಾರ್ ದೇಶಪಾಂಡೆ, ಸಂದೀಪ್ ಶರ್ಮಾ.

ಇದನ್ನೂ ಓದಿ: ಸನ್​ ರೈಸರ್ಸ್​ ಹೈದರಾಬಾದ್​ ಅಬ್ಬರಕ್ಕೆ ದಾಖಲೆಗಳು ಪೀಸ್​ ಪೀಸ್!​