ವಿರಾಟ್ ಕೊಹ್ಲಿ IPLನಲ್ಲಿ ಸಿಡಿಸಿರುವ ಶತಕ - ಅರ್ಧಶತಕಗಳೆಷ್ಟು?: CSK ವಿರುದ್ಧ ಹೇಗಿದೆ ದಾಖಲೆ?

ಐಪಿಎಲ್​ನಲ್ಲಿ ಆರ್​ಸಿಬಿ ತಂಡವನ್ನು ಪ್ರತಿನಿಧಿಸುತ್ತಿರುವ ವಿರಾಟ್​ ಕೊಹ್ಲಿ ಉತ್ತಮ ದಾಖಲೆ ಹೊಂದಿದ್ದಾರೆ.

RCB vs CSK Virat Kohli: ಐಪಿಎಲ್​ 2025 ಅದ್ದೂರಿಯಾಗಿ ಸಾಗುತ್ತಿದೆ. ಈಗಾಗಲೇ 7 ಪಂದ್ಯಗಳು ಯಶಸ್ವಿಯಾಗಿ ಮುಗಿದಿವೆ ಇಂದು 8ನೇ ಪಂದ್ಯಕ್ಕೆ ವೇದಿಕೆ ಸಿದ್ಧಗೊಂಡಿದೆ. ಈ ಪಂದ್ಯದಲ್ಲಿ ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು ಮತ್ತು ಚೆನ್ನೈ ಸೂಪರ್​ ಕಿಂಗ್ಸ್​ ತಂಡಗಳು ಸೆಣಸಾಡಲಿವೆ. ಉಭಯ ತಂಡಗಳಿಗೆ ಇದು ಪ್ರತಿಷ್ಠೆಯ ಪಂದ್ಯವಾಗಿದ್ದು, ಇದರಲ್ಲಿ ಗೆಲುವು ಸಾಧಿಸಲು ಕಠಿಣ ಅಭ್ಯಾಸ ನಡೆಸುತ್ತಿವೆ.

ಅದರಲ್ಲೂ ಆರ್​ಸಿಬಿ ತಂಡದ ಪ್ರಮುಖ ಬ್ಯಾಟರ್​ ಆಗಿರುವ ವಿರಾಟ್​ ಕೊಹ್ಲಿ ಮೇಲೆ ನಿರೀಕ್ಷೆಗಳು ಹೆಚ್ಚಿವೆ. ಈ ಪಂದ್ಯದಲ್ಲೂ ಅದ್ಭುತ ಪ್ರದರ್ಶನ ನೀಡಲಿ ಎಂದು ಫ್ಯಾನ್ಸ್​ ಆಶಿಸುತ್ತಿದ್ದಾರೆ. ಹಾಗಾದರೆ ಐಪಿಎಲ್​ನಲ್ಲಿ ಕೊಹ್ಲಿ ಸಿಡಿಸಿರುವ ಶತಕ - ಅರ್ಧಶತಕಗಳೆಷ್ಟು, ಸಿಎಸ್​ಕೆ ವಿರುದ್ಧ ಕಲೆ ಹಾಕಿದ ರನ್​ಗಳೆಷ್ಟು ಎಂದು ಇದೀಗ ತಿಳಿಯೋಣ.

When it comes to consistency, King Kohli stands in a league of his own. 👑🫡#PlayBold #ನಮ್ಮRCB #IPL2025 pic.twitter.com/cOeoRgfCLe

— Royal Challengers Bengaluru (@RCBTweets) March 25, 2025

ವಿರಾಟ್​ ಕೊಹ್ಲಿ IPL ದಾಖಲೆ: ಮೊದಲ ಆವೃತ್ತಿಯಿಂದಲೂ ಈವರೆಗೂ ಬರೋಬ್ಬರಿ 18 ಆವೃತ್ತಿಗಳಲ್ಲಿ ಆರ್​ಸಿಬಿ ತಂಡ ಪ್ರತಿನಿಧಿಸುತ್ತಿರುವ ಕೊಹ್ಲಿ ಒಟ್ಟು 253 ಪಂದ್ಯಗಳನ್ನು ಆಡಿದ್ದಾರೆ. ಈ ಅವಧಿಯಲ್ಲಿ 38ರ ಸರಾಸರಿಯಲ್ಲಿ 8063 ರನ್​ ಬಾರಿಸಿದ್ದಾರೆ. ಇದರಲ್ಲಿ 8 ಶತಕ ಮತ್ತು 56 ಅರ್ಧಶತಕ ಸೇರಿವೆ. 113 ಇವರ ಐಪಿಎಲ್​ನ ಹೈಸ್ಕೋರ್​ ಆಗಿದೆ.

Precision Personified ™️#PlayBold #ನಮ್ಮRCB #IPL2025 pic.twitter.com/H4b57mSOWe

— Royal Challengers Bengaluru (@RCBTweets) March 26, 2025

CSK ವಿರುದ್ಧ ಕೊಹ್ಲಿ ದಾಖಲೆ: ಚೆನ್ನೈ ಸೂಪರ್​ ಕಿಂಗ್ಸ್​ ತಂಡದ ವಿರುದ್ಧ ವಿರಾಟ್​ ಕೊಹ್ಲಿ ದಾಖಲೆ ಉತ್ತಮವಾಗಿದೆ, ಇವರು ಈವರೆಗೂ ಈ ತಂಡದ ವಿರುದ್ಧ 34 ಪಂದ್ಯಗಳನ್ನು ಆಡಿ 1067ರನ್​ ಗಳಿಸಿದ್ದಾರೆ. ಇದರಲ್ಲಿ 9 ಅರ್ಧ ಶತಕಗಳು ಸೇರಿವೆ. ಚೆನ್ನೈ ವಿರುದ್ಧ ಕೊಹ್ಲಿ ದಾಖಲಿಸಿರುವ 90 ರನ್​ ಹೈಸ್ಕೋರ್​ ಆಗಿದೆ.

𝐈𝐭’𝐬 𝐚𝐥𝐥 𝐜𝐚𝐥𝐦 𝐨𝐧 𝐭𝐡𝐞 𝐬𝐨𝐮𝐭𝐡𝐞𝐫𝐧 𝐟𝐫𝐨𝐧𝐭!

Smiles, warmth and chill vibes ahead of the big match up tonight at Chepauk!

🎧: Animal #PlayBold #ನಮ್ಮRCB #CSKvRCB pic.twitter.com/bhQSBcN38K

— Royal Challengers Bengaluru (@RCBTweets) March 28, 2025

ಚೆಪಾಕ್​ ಮೈದಾನದಲ್ಲಿ ವಿರಾಟ್​ ದಾಖಲೆ: 2008 ರಿಂದ 2024ರ ವರೆಗೆ ಚೆನ್ನೈನ ಎಂಎ ಚಿದಂಬರಂ ಮೈದಾನದಲ್ಲಿ ವಿರಾಟ್​ ಕೊಹ್ಲಿ ಒಟ್ಟು 9 ಪಂದ್ಯಗಳನ್ನು ಆಡಿದ್ದಾರೆ. ಈ ಅವಧಿಯಲ್ಲಿ 304 ರನ್​ ಗಳಿಸಿದ್ದಾರೆ. 58 ಹೈಸ್ಕೋರ್​ ಆಗಿದೆ. ಈ ಮೈದಾನದಲ್ಲಿ ಕೊಹ್ಲಿ ಎರಡು ಅರ್ಧಶತಕಗಳನ್ನು ಸಿಡಿಸಿದ್ದಾರೆ.

VK's smash ➡️ KP's reflexes, OP! 😮‍💨#PlayBold #ನಮ್ಮRCB #IPL2025 pic.twitter.com/ZkGmZTxfbt

— Royal Challengers Bengaluru (@RCBTweets) March 25, 2025

ಕೊಹ್ಲಿ ಹೆಸರಲ್ಲಿರುವ ದೊಡ್ಡ ದಾಖಲೆ: ಐಪಿಎಲ್​ನಲ್ಲಿ ಕೊಹ್ಲಿ ದೊಡ್ಡ ದಾಖಲೆಯೊಂದನ್ನು ಬರೆದಿದ್ದಾರೆ. 2016ರ ಆವೃತ್ತಿಯ ಐಪಿಎಲ್​ನಲ್ಲಿ ಕೊಹ್ಲಿ ಬರೋಬ್ಬರಿ 973 ರನ್​ ಬಾರಿಸಿದ್ದರು. ಇದು ಐಪಿಎಲ್​ ಸೀಸನ್​ ಒಂದರಲ್ಲಿ ಬ್ಯಾಟರ್​ ದಾಖಲಿಸಿದ ಅತ್ಯಧಿಕ ಮೊತ್ತವಾಗಿದೆ. ಇದನ್ನು ಮುರಿಯಲು ಈ ವರೆಗೂ ಯಾರಿಗೂ ಸಾಧ್ಯವಾಗಿಲ್ಲ. ಈ ಆವೃತ್ತಿಯಲ್ಲಿ ಕೊಹ್ಲಿ 4 ಶತಕ ಮತ್ತು 7 ಅರ್ಧಶತಕದ ಸಹಾಯದೊಂದಿಗೆ ಈ ಸಾಧನೆ ಮಾಡಿದ್ದರು.

ಇದನ್ನೂ ಓದಿ: ಇಂದು RCB vs CSK ಫೈಟ್​​: ಆರ್​ಸಿಬಿ ಪರ ಅಪಾಯಕಾರಿ ಆಟಗಾರರು ಕಣಕ್ಕೆ, ಇವರು ಸಿಡಿದೆದ್ರೆ ದಾಖಲೆಗಳು ಛಿದ್ರ!