KL Rahul Birthday Special: ಭಾರತ ಕ್ರಿಕೆಟ್ ತಂಡದ ಸ್ಟಾರ್ ಬ್ಯಾಟರ್ ಕನ್ನಡಿಗ ಕೆಎಲ್ ರಾಹುಲ್ ಇಂದು 33ನೇ ವಸಂತಕ್ಕೆ ಕಾಲಿಟ್ಟಿದ್ದಾರೆ. 2014ಕ್ಕೆ ಅಂತಾರಾಷ್ಟ್ರೀಯ ಕ್ರಿಕೆಟ್ಗೆ ಪದಾರ್ಪಣೆ ಮಾಡಿರುವ ರಾಹುಲ್ ಅಂದಿನಿಂದಲೂ ಸಕ್ರಿಯರಾಗಿದ್ದಾರೆ.
ಸದ್ಯ ಭಾರತ ತಂಡದ ಭರವಸೆಯ ಬ್ಯಾಟರ್ ಎನಿಸಿಕೊಂಡಿದ್ದಾರೆ. ಟೆಸ್ಟ್, ಏಕದಿನ ಪಂದ್ಯಗಳನ್ನು ಆಡುತ್ತಿರುವ ರಾಹುಲ್ ಟಿ-20 ರಾಷ್ಟ್ರೀಯ ತಂಡಕ್ಕೂ ಕಮ್ಬ್ಯಾಕ್ ಮಾಡಲು ಸಜ್ಜಾಗಿದ್ದಾರೆ. ರಾಹುಲ್ ಯಾವುದೇ ಕ್ರಮಾಂಕದಲ್ಲೂ ಬ್ಯಾಟಿಂಗ್ ಮಾಡುವ ಸಾಮರ್ಥ್ಯ ಹೊಂದಿದ್ದು, ತಮ್ಮ ಕನ್ಸಿಸ್ಟೆನ್ಸಿ ಪರ್ಫಾಮೆನ್ಸ್ ಮೂಲಕವೇ ಕ್ರಿಕೆಟ್ನಲ್ಲಿ ಹಲವಾರು ದಾಖಲೆಗಳನ್ನು ಬರೆದಿದ್ದಾರೆ. ಅವರ ಹೆಸರಲ್ಲಿರುವ ಟಾಪ್ 8 ದಾಖಲೆಗಳು ಹೀಗಿವೆ.
Journey of a lil boy who became the KL we love 🥹🫶 pic.twitter.com/sadjnIq8JV
— Delhi Capitals (@DelhiCapitals) April 18, 2025
ಕೆಎಲ್ ರಾಹುಲ್ ಹೆಸರಲ್ಲಿರುವ ಟಾಪ್ ದಾಖಲೆಗಳು
ಸತತ ಏಳು ಅರ್ಧಶತಕ: ಟೆಸ್ಟ್ ಕ್ರಿಕೆಟ್ನಲ್ಲಿ ಸತತ ಏಳು ಅರ್ಧಶತಕ ಸಿಡಿಸಿರುವ ಏಕೈಕ ಭಾರತೀಯ ಬ್ಯಾಟರ್ ಎಂಬ ದಾಖಲೆ ಕೆಎಲ್ ರಾಹುಲ್ ಹೆಸರಲ್ಲಿದೆ. 2017 ರಲ್ಲಿ ನಡೆದಿದ್ದ ಆಸ್ಟ್ರೇಲಿಯಾ ಮತ್ತು ಶ್ರೀಲಂಕಾ ವಿರುದ್ಧದ ಟೆಸ್ಟ್ ಪಂದ್ಯಗಳಲ್ಲಿ ಸತತ 7 ಅರ್ಧಶತಕ ಸಿಡಿಸಿದ್ದರು. ಇಂದಿಗೂ ಈ ದಾಖಲೆ ಮುರಿಯಲು ಯಾವುದೇ ಭಾರತೀಯ ಬ್ಯಾಟರ್ಗೂ ಸಾಧ್ಯವಾಗಿಲ್ಲ.
ಅತಿ ಹೆಚ್ಚು ಕ್ಯಾಚ್: ಇಂಗ್ಲೆಂಡ್ ವಿರುದ್ಧ 2018ರಲ್ಲಿ ನಡೆದಿದ್ದ ಟೆಸ್ಟ್ ಸರಣಿ ಒಂದರಲ್ಲೇ ಕೆಎಲ್ ರಾಹುಲ್ 14 ಕ್ಯಾಚ್ಗಳನ್ನು ಪಡೆದಿದ್ದರು. ಟೆಸ್ಟ್ನಲ್ಲಿ ಈ ದಾಖಲೆ ಬರೆದ ಮೊದಲ ಭಾರತೀಯ ಆಗಿದ್ದು, ಒಟ್ಟಾರೆ ವಿಶ್ವದ ಎರಡನೇ ಪ್ಲೇಯರ್ ಎನಿಸಿಕೊಂಡಿದ್ದಾರೆ.
He sits on the throne of Tigers 🐅
— Delhi Capitals (@DelhiCapitals) April 17, 2025
Happy birthday, KLR 💙❤️ pic.twitter.com/uBVjkwiu8P
ವಿಕೆಟ್ ಕೀಪರ್ ಆಗಿ ಹೆಚ್ಚು ರನ್: 2023-24ರ ಏಕದಿನ ವಿಶ್ವಕಪ್ನಲ್ಲಿ ವಿಕೆಟ್ ಕೀಪರ್ ಆಗಿ ಹೆಚ್ಚು ದಾಖಲೆ ಬರೆದ ವಿಶ್ವದ 10ನೇ ಆಟಗಾರ ಎನಿಸಿಕೊಂಡಿದ್ದಾರೆ. ವಿಶ್ವಕಪ್ನಲ್ಲಿ ರಾಹುಲ್ 452 ರನ್ ಕಲೆಹಾಕಿದ್ದರು.
ಚೊಚ್ಚಲ ಪಂದ್ಯದಲ್ಲಿ ಶತಕ: ಅಂತಾರಾಷ್ಟ್ರೀಯ ಪದಾರ್ಪಣೆಯ ಪಂದ್ಯದಲ್ಲಿ ಶತಕ ಸಿಡಿಸಿದ ಭಾರತದ ಮೊದಲ ಬ್ಯಾಟರ್ ಆಗಿದ್ದಾರೆ. ವಿಶ್ವದ 10ನೇ ಆಟಗಾರ ಎನಿಸಿಕೊಂಡಿದ್ದಾರೆ.
ನಾಲ್ಕನೇ ಕ್ರಮಾಂಕದಲ್ಲಿ ಹೆಚ್ಚು ರನ್: ವೆಸ್ಟ್ ಇಂಡೀಸ್ ವಿರುದ್ದ 2016ರಲ್ಲಿ ನಡೆದಿದ್ದ ಟಿ-20 ಪಂದ್ಯದಲ್ಲಿ 4ನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್ ಮಾಡಿದ್ದ ರಾಹುಲ್ ಶತಕ ಸಮೇತ ಅತಿ ಹೆಚ್ಚು ರನ್ ಭಾರಿಸಿರುವ ಆಟಗಾರ ಎನಿಸಿಕೊಂಡಿದ್ದಾರೆ. ರಾಹುಲ್ 4ನೇ ಕ್ರಮಾಂಕದಲ್ಲಿ 110 ರನ್ ಬಾರಿಸಿರುವ ಪ್ಲೇಯರ್ ಎನಿಸಿಕೊಂಡಿದ್ದಾರೆ.
ಟಿ20ಯಲ್ಲಿ ಹೆಚ್ಚು ಶತಕ: ಅಂತಾರಾಷ್ಟ್ರೀಯ ಕ್ರಿಕೆಟ್ನಲ್ಲಿ ಹೆಚ್ಚು ಶತಕ ಸಿಡಿಸಿರುವ ಆಟಗಾರನಾಗಿ ಕೆಎಲ್ ರಾಹುಲ್ 10ನೇ ಆಟಗಾರ ಎನಿಸಿಕೊಂಡಿದ್ದಾರೆ. ಇವರು ಟಿ-20ಯಲ್ಲಿ ಎರಡು ಶತಕಗಳನ್ನು ಹೊಂದಿದ್ದಾರೆ.
ಹುಟ್ಟು ಹಬ್ಬದ ಶುಭಾಶಯಗಳು, ರಾಹುಲ್ 😊
— Royal Challengers Bengaluru (@RCBTweets) April 18, 2025
Wishing the former Royal Challenger, 🇮🇳's superstar, and clutch performer from our recent Champions Trophy triumph, KL Rahul, a very happy birthday! 🙌
Always ನಮ್ಮ ಹುಡುಗ! Have a great one, macha. 🌟🥳@klrahul | #PlayBold #ನಮ್ಮRCB pic.twitter.com/QQVu2Efcot
ಅತಿ ಹೆಚ್ಚು ಅರ್ಧಶತಕ: ಅಂತಾರಾಷ್ಟ್ರೀಯ ಟಿ - 20 ಕ್ರಿಕೆಟ್ನಲ್ಲಿ ಹೆಚ್ಚು ಶತಕ ಸಿಡಿಸಿರುವ ಆಟಗಾರನಾಗಿ ವಿಶ್ವದ ಒಂಬತ್ತನೇ ಪ್ಲೇಯರ್ ಆಗಿದ್ದಾರೆ. ರಾಹುಲ್ ಈವರೆಗೂ ಒಟ್ಟು 24 ಅರ್ಧಶತಕಗಳನ್ನು ಸಿಡಿಸಿದ್ದಾರೆ.
ವೇಗದ 2000 ರನ್: ಅಂತಾರಾಷ್ಟ್ರೀಯ ಟಿ-20 ಕ್ರಿಕೆಟ್ನಲ್ಲಿ ಅತ್ಯಂತ ವೇಗವಾಗಿ 2000 ರನ್ ಕಲೆಹಾಕಿದ ವಿಶ್ವದ 6ನೇ ಆಟಗಾರ ಎನಿಸಿಕೊಂಡಿದ್ದಾರೆ. ಇವರು ಒಟ್ಟು 58 ಇನ್ನಿಂಗ್ಸ್ಗಳಲ್ಲಿ 2000ರನ್ ಪೂರ್ಣಗೊಳಿಸಿದ್ದಾರೆ.
ಇದನ್ನೂ ಓದಿ: ಇಂದು RCB vs PBKS ಕದನ: ಯಾವ ತಂಡ ಬಲಿಷ್ಠ? ಸೋಲು - ಗೆಲುವಿನ ಸಂಪೂರ್ಣ ವಿವರ
