ವಿಶ್ವದಾಖಲೆ ಬರೆದ ವಿರಾಟ್ ​​ಕೊಹ್ಲಿ; ಈವರೆಗೂ ಐಪಿಎಲ್​ನಲ್ಲಿ ಬಾರಿಸಿದ ಬೌಂಡರಿಗಳು ಎಷ್ಟು ಗೊತ್ತಾ?

IPL 2025 Virat kohli World Record: ಸನ್​ರೈಸರ್ಸ್​ ಹೈದರಾಬಾದ್​ ವಿರುದ್ಧ ನಡೆದಿದ್ದ ಪಂದ್ಯದಲ್ಲಿ ಆರ್​ಸಿಬಿಯ ವಿರಾಟ್​ ಕೊಹ್ಲಿ ವಿಶ್ವದಾಖಲೆ ಬರೆದಿದ್ದಾರೆ.

IPL 2025 Virat kohli World Record: ಸನ್​ರೈಸರ್ಸ್​ ಹೈದರಾಬಾದ್​ ವಿರುದ್ಧ ನಿನ್ನೆ ನಡೆದಿದ್ದ ಪಂದ್ಯದಲ್ಲಿ ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು ತಂಡದ ಸ್ಟಾರ್​ ಬ್ಯಾಟರ್​ ವಿರಾಟ್​ ಕೊಹ್ಲಿ ವಿಶ್ವದಾಖಲೆ ಬರೆಿದಿದ್ದಾರೆ. ಏಕಾನ ಮೈದಾನದಲ್ಲಿ ನಡೆದಿದ್ದ ರೋಚಕ ಪಂದ್ಯದಲ್ಲಿ ಬೆಂಗಳೂರು ತಂಡ 42 ರನ್​ಗಳಿಂದ ಸೋಲನ್ನು ಕಂಡಿತು.

ಈ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್​ ಮಾಡಿದ್ದ ಹೈದರಾಬಾದ್​ ತಂಡ ನಿಗದಿತ 20 ಓವರ್​ಗಳಲ್ಲಿ 231 ರನ್​ ಬಾರಿಸಿತು. ಈ ಗುರಿಯನ್ನು ಬೆನ್ನುಹತ್ತಿದ ಬೆಂಗಳೂರು ಪಡೆ 189 ರನ್​ಗಳಿಗೆ ಸರ್ವಪತನ ಕಂಡಿತು. ಇದರೊಂದಿಗೆ ಟೂರ್ನಿಯಲ್ಲಿ ಬೆಂಗಳೂರು ತಂಡ ಸೋಲನ್ನು ದಾಖಲಿಸಿತು. ಅಲ್ಲದೇ ತವರಿನಿಂದ ಹೊರ ನಡೆದ ಸಂಪೂರ್ಣ ಪಂದ್ಯದಲ್ಲಿ ಆರ್​ಸಿಬಿಗೆ ಇದು ಮೊದಲ ಸೋಲಾಗಿದೆ. ಇದಕ್ಕೂ ಮುನ್ನ ಆಡಿರುವ 7 ಪಂದ್ಯಗಳಲ್ಲಿ ಗೆಲುವು ಸಾಧಿಸಿದೆ.

Main character.
Big match energy.
Every. Single. Time. 🎬💯#PlayBold #ನಮ್ಮRCB #IPL2025 #RCBvSRH pic.twitter.com/S3ifhwYSSU

— Royal Challengers Bengaluru (@RCBTweets) May 23, 2025

ಏತನ್ಮಧ್ಯೆ, ಇದೇ ಪಂದ್ಯದಲ್ಲಿ ಆರ್​ಸಿಬಿ ಸ್ಟಾರ್​ ಬ್ಯಾಟರ್​ ವಿರಾಟ್​ ಕೊಹ್ಲಿ ವಿಶ್ವದಾಖಲೆ ಬರೆದಿದ್ದಾರೆ. ನಿನ್ನೆ ಫಿಲ್​ ಸಾಲ್ಟ್​ ಜೊತೆ ಆರಂಭಿಕರಾಗಿ ಬ್ಯಾಟಿಂಗ್​ಗೆ ಬಂದ ವಿರಾಟ್​ ಕೊಹ್ಲಿ 25 ಎಸೆತಗಳಲ್ಲಿ 7 ಬೌಂಡರಿ ಮತ್ತು 1 ಸಿಕ್ಸರ್​ ಸಹಾಯದಿಂದ 43 ರನ್​ ಬಾರಿಸಿದರು. ಆದರೆ ಹರ್ಷ್​ ದುಬೆ ಎಸೆತದಲ್ಲಿ ಕ್ಯಾಚ್​ಔಟಾಗಿ ಪೆವಿಲಿಯನ್​ ಸೇರಿದರು. ಆದರೆ ಇದೇ ಪಂದ್ಯದಲ್ಲಿ ಕೊಹ್ಲಿ ವಿಶ್ವದಾಖಲೆ ಬರೆದಿದ್ದಾರೆ.

VIRAT KOHLI COMPLETED 800 FOURS FOR RCB 👑

- The Greatest ever...!!!! pic.twitter.com/w4TdEGvjid

— Johns. (@CricCrazyJohns) May 23, 2025

ವಿಶ್ವದಾಖಲೆ ಬರೆದ ಕೊಹ್ಲಿ: ಟಿ20 ಕ್ರಿಕೆಟ್‌ನಲ್ಲಿ ಒಂದೇ ತಂಡದ ಪರ 800 ಬೌಂಡರಿಗಳನ್ನು ಬಾರಿಸಿದ ವಿಶ್ವದ ಮೊದಲ ಆಟಗಾರ ಎಂಬ ಹೆಗ್ಗಳಿಕೆಗೆ ಕೊಹ್ಲಿ ಪಾತ್ರರಾಗಿದ್ದಾರೆ. ಐಪಿಎಲ್​ ಮೊದಲ ಆವೃತ್ತಿ 2008 ರಿಂದಲೂ ವಿರಾಟ್​ ಕೊಹ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಪರ ಆಡುತ್ತಿದ್ದಾರೆ. 18ನೇ ಆವೃತ್ತಿಯಲ್ಲಿ ಆರ್‌ಸಿಬಿ ಪರ 800 ಬೌಂಡರಿಗಳನ್ನು ಬಾರಿಸಿದ ಆಟಗಾರ ಎನಿಸಿಕೊಂಡಿದ್ದಾರೆ.

He’s a 𝒇𝒐𝒖𝒓𝒄𝒆 to reckon with. ⚔️🔥#PlayBold #ನಮ್ಮRCB #IPL2025 #RCBvSRH pic.twitter.com/hFeU6rF2C6

— Royal Challengers Bengaluru (@RCBTweets) May 23, 2025

ತಂಡ ಒಂದರ ಪರ ಅತಿ ಹೆಚ್ಚು ಬೌಂಡರಿ ಬಾರಿಸಿದ ಆಟಗಾರರು

• ವಿರಾಟ್ ಕೊಹ್ಲಿ (ರಾಯಲ್ ಚಾಲೆಂಜರ್ಸ್ ಬೆಂಗಳೂರು) – 801 ಬೌಂಡರಿ
• ಜೇಮ್ಸ್ ವಿನ್ಸ್ (ಹ್ಯಾಂಪ್‌ಶೈರ್) – 694 ಬೌಂಡರಿಗಳು
• ಅಲೆಕ್ಸ್ ಹೇಲ್ಸ್ (ನಾಟಿಂಗ್‌ಹ್ಯಾಮ್‌ಶೈರ್) – 563 ಬೌಂಡರಿಗಳು
• ರೋಹಿತ್ ಶರ್ಮಾ (ಮುಂಬೈ ಇಂಡಿಯನ್ಸ್) – 550 ಬೌಂಡರಿಗಳು
• ಲ್ಯೂಕ್ ರೈಟ್ (ಸಸೆಕ್ಸ್) – 529 ಬೌಂಡರಿಗಳು

ಐಪಿಎಲ್​ನಲ್ಲಿ ತಂಡದ ಒಂದರ ಪರ ಅತೀ ಹೆಚ್ಚು ಪಂದ್ಯಗಳನ್ನು ಆಡಿದ ದಾಖಲೆಯನ್ನು ವಿರಾಟ್​ ನಿರ್ಮಿಸಿದ್ದರು. ಈವರೆಗೂ ಕೊಹ್ಲಿ ಆರ್​ಸಿಬಿ ಪರ 264 ಪಂದ್ಯಗಳನ್ನು ಆಡಿದ್ದಾರೆ.

ಇದನ್ನೂ ಓದಿ: SRH ವಿರುದ್ಧ RCB ಸೋಲಿಗೆ ಇದೇ ಪ್ರಮುಖ ಕಾರಣ; ಫ್ಯಾನ್ಸ್​ಗೆ ಶುರುವಾಯ್ತು ಆತಂಕ!